Wb/nia/Nga'ötö I/9

Banua Yeruzalema, mado Yuda ba mado Mbeniyami

I. 1 Dozi Iraono Gizeraeli, ba labe'e ba zura; ba hiza, ba zura hikaya razo Ndraono Gizeraeli so döira. Ba börö lalö mado Yuda, wa te'oloi'ö ba Mbabeli ira. 2 Ba si so ba da'ö föna, ba dana khöra tanö, ba mbanuara andrö, ba no Iraono Gizeraeli, ono mbanua, ere ba Ono Lewi ba sangai halöŵö ba gosali. 3 Banua Yeruzalema andrö, ba mado Yuda ba mado Mbeniyami ba mado Geferayi ba mado Manase: 4 Uta'i, ono Gamihudi ono Omeri ono Imeri ono Mbani, föfö nga'ötö Weresi andrö, ono Yuda. 5 Ba föfö nga'ötö Zela, ba Asaya, si a'a, ba ononia. 6 Ba föfö nga'ötö Zera, ba Yegueli, ba talifusöra, 690. 7 Ba mado Mbeniyami, ba Salu, ono Mesula ono Hodawaya ono Hasenua. 8 Ba baero ö, ba Yibeneya, ono Yerohamo, ba Ela, ono Usi ono Mikhiri, ba Mesula, ono Zefatia ono Regueli ono Yibeniya, 9 ba iwara, ba watalifusöta khöra, 956 fefu. Högö ngafu da'ö fefu, ba ngafura andrö.

Ba ere ba Ono Lewi

II. 10 Ba ere, ba Yedaya ba Yoyaribi ba Yakhino, 11 ba Asaria, ono Hilikia ono Mesula ono Zadoki ono Merayoto ono Gahitubi, salaŵa ba gosali Lowalangi. 12 Ba baero ö, ba Adaya, ono Yerohamo ono Wasuri ono Malakhia ono Maesai ono Gadieli ono Yasera ono Mesula ono Mesilemiti ono Imeri, 13 ba talifusöra, högö ngafura, 1760 fefu, niha si faduhu dödöda, ba wangaira halöŵöra, ba gosali Lowalangi. 14 Ba Ono Lewi, ba Semaya, ono Hasubu ono Asirika ono Hasabia, föfö nga'ötö Merari. 15 Ba baero ö, ba Bakabakara ba Heresi ba Galala ba Matania, ono Mikha ono Zikhiri ono Gasafo. 16 Ba Obadia, ono Zemaya ono Galala ono Yedutuno, ba Berekhia, ono Asa ono Elikana, si so ba mbanua Netofa andrö.

Halöŵö nono Lewi andrö

III. 17 Ba sanaro ba mbawandruhö, ba Salumi ba Akubu ba Talamono ba Ahimana ba talifusöra; högö Zalumi, irege ma'ökhö andre 18 sanaro ia ba mbawandruhö zalaŵa andrö, tanö ba gatumbukha luo. Da'ö zanaro ba mbawandruhö, ba nahia Nono Lewi andrö. 19 Ba Salumi andrö, ono Goresi ono Gebiasafo ono Gora, ba talifusönia, si sawu ya'ira, nga'ötö Gora, ba no sangai-ngai halöŵö andrö, wanaro toyo mbawandruhö nose, si mane ira tuara föna, si no sanaro göi ba mbawandruhö ba nahia Yehowa, 20 ba Fineha andrö, ono Geleazari, ba no salaŵara, ba götö föna (Yamutolo ia Yehowa!) 21 Ba Sakharia andrö, ono Mezelemia, ba no sanaro ba mbawandruhö ba nose wama'ele'ö. 22 Ba ya'ira fefu, si no mututuyu, ba wanaro toyo mbawandruhö, ba no 212; ba ba mbanuara latanö ba zura nga'ötö döira. No Dawido ba Samueli sangi'ila andrö zamataro ya'ira, ba halöŵöra andrö. 23 Ya'ira ba onora, ba ba zinga mbawandruhö nahia Yehowa so, ba zinga mbawandruhö nahia ose andrö, ba wanaro. 24öfa nahia, zi so sanaro andrö: tanö ba gatumbukha luo ba tanö ba gaekhula ba tanö yöu ba tanö raya. 25 Ba talifusöra ba mbanua side-ide khöra, ba fitufitu bongi wa'ara möi-möi ira miyomo, ba wanolo ya'ira. 26 Ba satua zanaro ba mba wandruhö andrö, si daöfa, ba lö'ö sa aefa-aefa ba halöŵöra, fadoro. Da'ö Nono Lewi andrö. Ba nifaigi-faigira göi mbate'e andrö, fabaya nihöna andrö, ba gosali Lowalangi; 27 ba ba zi bongi, ba lö labulö'ö ira ba zi fasui gosali Lowalangi. Me no ya'ira zanaro ba zi bongi, ba ero na moluo, ba laku mbawandruhö. 28 Ba samaigi-maigi fakake ba wame'e sumange ösa, ira; la'ofaya, na la'ohe bakha ba na lafuli baero. 29 Ba so göi ösa nifataro samaigi-maigi gama-gama andrö, gama-gama ni'amoni'ö fefu, ba hamo si sökhi andrö ba agu ba fanikha ba rembaremba. 30 Ba ere ösa, ba no nifataro ba wamali'ö fanikha samohua rembaremba andrö. 31 Ba Matitia andrö, Ono Lewi, ono ma'uwu Gora andrö, Salumi, ono si a'a, ba no nifataro ba wogore kue. 32 Ba ma'uwu Gahati ösa, iwara, ba no nifataro ba wangali roti nifaigi-faigi andrö, ero na luo sabato. 33 Da'ö mege zanunö andrö, högö ngafu ba Nono Lewi; nahiara mbate'e andrö, lö halöŵöra bö'ö, me no bongi ma'ökhö lö aefa-aefa ira ba halöŵöra andrö. 34 Da'ö högö ngafu andrö ba Nono Lewi, ba watalifusöta andrö khöra, amaedola wurugö. Ba Yeruzalema so ira.

Banua Gibeona Nga'ötö Zaulo

IV. 35 Ba si so ba Gibeona, ba tua Gibeona andrö, Yeieli, ba töi wo'omonia, ba Ma'akha. 36 Ba ononia si a'a, ba Abedono, ba [itete ba] Suri ba Kisi ba Ba'ali ba Neri ba Nadabi, 37 ba Gedoro ba Ahio ba Sakharia ba Mikeloto. 38 Ba ono Mikeloto, ba Simea. Ba ya'ira göi, ba ba gamaudu dalifusöra so, ba Yeruzalema, awö dalifusöra andrö. 39 Ba ono Neri, ba Kisi, ba ono Gisi, ba Saulo, ba ono Zaulo, ba Yonata, ba Malikhisua ba Abinadabi ba Eseba'ali. 40 Ba ono Yonata, ba Meriba'ali, ba ono Meriba'ali, ba Mikha. 41 Ba ono Mikha, ba Fitono ba Melekhi ba Tarea ba Ahasi. 42 Ba ono Gahasi, ba Yaera, ba ono Yaera, ba Alemeti ba Asimaweti ba Simeri; ba ono Zimeri, ba Mosa. 43 Ba ono Mosa, ba Binea. Ba ono da'ö, ba Refaya, ba ono da'ö, ba Eleasa, ba ono da'ö, ba Aseli. 44 Ba önö nono Gaseli, ono matua, Aserika ba Bokhoru ba Sima'eli ba Searia ba Obadia ba Hanano döira. Da'ö nono Gaseli andrö.

Famotokhi ba gahe

Fabaliŵa lala

Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö