Abölö Dawido ba wasuwöta ba Ndrawa Wilisiti ba ba Ndraono Moabi ba ba Ndrawa Garamo ba ba Ndraono Gedomo edit
I. 1 Aefa da'ö, ba ilau ba Ndrawa Wilisiti Dawido, ihöndrögö ira, ba ifadöni khöra Gata, fabaya halama soya khöra.[1] 2 Ba ilau göi ba Ndraono Maobi, ba tobali möi barö mbawa Dawido Ndraono Moabi, same'e beo khönia. 3 Ba i'alani na göi Hadarezeri, razo Zoba, Dawido, tanö ba Hamata, me no ba lala ba Oifarati so ia, ba wangaro'ö fa'arazonia ba da'ö. 4 Hönö zahulu Dawido khönia kureta ba 17.000 zi fakudo ba 20.000 zi lö kudo i'oloi'ö niha; ba ba kudo andrö, ba ahori ifa'eŵa'ö gölu'ölu Dawido, ha 100 nga'eu isaigö. 5 Ba me latolo Hadarezeri, razo Zoba, Dawa Garamo ba Ndramaseko, ba 22.000 zi mate Dawa Garamo ibe'e Dawido. 6 Ba ifataro gumandru ba danö Ndrawa Garamo Dawido, ba danö Ndramaseko, ba tobali möi barö mbawa Dawido Ndrawa Garamo, same'e beo khönia; tolali sabölö manö Dawido, heza möi ia, ibe'e Yehowa. 7 Ba ahulu göi Dawido baluse ana'a andrö, baluse genoni Hadarezeri, ba ifa'ohe'ö ba Yeruzalema. 8 Ba ebua sibai göi zahulu ia töla, ba mbanua Hadarezeri andrö, ba Deba ba ba Gunu.[2] 9 Ba me irongo To'u, razo Hamata, no te'ala zabolö andrö khö Hadarezeri, razo Zoba, fefu, ibe'e Dawido, 10 ba ifatenge khö razo, Dawido, nononia Hadoramo, ba wangowai ya'ia, ba ba wamahuwu'ö ya'ia ba wanuwönia Hadarezeri andrö, si no abölö ia — noa sa fasuwö ira göi föna Do'u Hadarezeri, — ifa'ohe'ö khönia gama-gama ana'a ba firö ba töla. 11 Ba da'ö göi, ba i'amoni'ö khö Yehowa Dawido, awö wirö andrö ba awö gana'a, nihalönia ba niha andrö, fefu, ba Ndraono Gedomo ba ba Ndraono Moabi ba ba Ndraono Gamoni ba ba Ndrawa Wilisiti ba ba Ndraono Gamaleki. 12 Ba Abiza'i, ono Zeruya, ba solau ba Ndraono Gedomo, ba ndraso nasio, 18.000 zi mate. 13 Ba ifataro gumandru ba danö Ndraono Gedomo ba tobali barö mbawa Dawido Ndraono Gedomo fefu. Ba sabölö Dawido, ibe'e Yehowa, gofu he irugi.
Enoni Dawido edit
II. 14 Ba razo Dawido ba Ndraono Gizeraeli fefu, huku satulö ifatörö ba mbanuania fefu. 15 Ba Yoabi, ono Zeruya, ba no kumandra zabölö, ba Yozafati, ono Gahiludi, ba no sa'asa sebua. 16 Ba Sadoki, ono Gahitubi, ba Abimelekhi, ono Gabiataro, ba ere; ba Sawesa, ba durutuli.[3] 17 Ba Benaya, ono Yehoyada, ba kumandra wazuri, ba iraono Dawido, ba no amaedola zi a'a genoni razo.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö