La'ohe ba Yeruzalema dawöla Lowalangi edit
I. 1 Ba molau omo Dawido — tenga ha sambua — ba mbanua Dawido andrö, ba ifazökhi göi nahia dawöla Lowalangi andrö, ose ilau ba da'ö. 2 Imane Dawido me luo da'ö: Tawöla Lowalangi andrö, ba lö tola la'osa'ö niha bö'o, ha Ono Lewi andrö; me no ya'ira nitutuyu Yehowa, ba wangosa'ö tawöla Lowalangi, ba wangai-ngai halöŵö khönia, si lö mamalö-malö. 3 Ba ifakaoni'ö ba Yeruzalema Ndraono Gizeraeli fefu Dawido, ba wolohe miyaŵa tawöla Yehowa ba nahiania andrö, nilaunia. 4 Ba i'owuloi nga'ötö Ga'aroni Dawido, awö Nono Lewi andrö: 5 Nga'ötö Gahati andrö: Urieli, satua, ba talifusönia, 120. 6 Ba he nga'ötö Merari: Asaya, satua, ba talifusönia, 220. 7 Ba he nga'ötö Gereso: Yoeli, satua, ba talifusönia, 130. 8 Ba he nga'ötö Elisafa: Semaya, satua, ba talifusönia, 200. 9 Ba he nga'ötö Heberona: Elieli, satua, ba talifusönia, 80. 10 Ba he nga'ötö Usieli: Aminadabi satua, ba talifusönia, 112. 11 Ba ifa'aso gere andrö Dawido, Sadoki ba Abiataro, ba ono Lewi andrö, Urieli ba Asaya ba Yoeli ba Semaya ba Elieli ba Aminadabi,[1] 12 ba imane khöra: No satua ngafu ami ba Nono Lewi, mi'amoni, ya'ami ba talifusömi, ena'ö mi'ohe miyaŵa dawöla Yehowa, Lowalangi Ndraono Gizeraeli ba naha andrö nilaugu nahania. 13 Me no lö ya'ami, ba zi föföna andrö, ba no ibözi ndra'aga Lowalangida, Yehowa, me lö ma'o'ö nifakhoinia.[2] 14 Ba mamoni gere andrö, awö Nono Lewi andrö, ba wolohe miyaŵa tawöla Yehowa, Lowalangi Ndraono Gizeraeli. 15 Ba lafazaŵa dawöla Lowalangi Ono Lewi andrö, lahare'ö ba galisira heahea andrö, la'o'ö niwa'ö Moze dali goroisa Yehowa,[3]
Lafataro zanunö, Ono Lewi edit
II. 16 Ba ibe'e li Dawido ba zatua Nono Lewi andrö, ba wamataro iwara andrö, sanunö, si so fakake ba wanunö, biola nitika, sebua ba side-ide ba faritia, ena'ö lafarongogö lua-lua wa'omuso dödö, sebua li. 17 Ba nifataro Nono Lewi andrö, ba Hemano, ono Yoeli, ba talifusöra Asafo, ono Mberekhia, ba iwara, nga'ötö Merari, Etano, ono Gusaya. 18 Ba awöra iwara na, amaedola dambalina: Sakharia, ono Ya'asieli, ba Semiramoto ba Yehieli ba Uni ba Eliabi ba Benaya ba Ma'aseya ba Matitia ba Elifelehu ba Mikeneya ba Obedi-Edomo ba Yeieli, sanaro ba mbawandruhö. 19 Ba Hemano ba Asafo ba Etano, sanunö, si so faritia, ba wangebua li.[4] 20 Ba Sakharia ba Azieli ba Semiramoto ba Yehieli ba Uni ba Eliabi ba Ma'aseya ba Benaya, ba si so biola nitika sebua, si ohia'ö li nono alawe. 21 Ba Matitia ba Elifelehu ba Mikeneya ba Obedi-Edomo ba Yeieli ba Azasia, ba si so biola nitika side-ide, soli sesolo, fondrönia'ö. 22 Ba Kenania, satua Nono Lewi, ba wangosa'ö [tawöla] ba samaigi fangosa'ö andrö, me no to'ölö ia ba da'ö. 23 Ba Berekhia ba Elikana, ba no sanaro ba mbawandruhö, ba naha dawöla. 24 Ba Sebania ba Yozafati ba Netane'eli ba Amisai ba Sakharia ba Benaya ba Eliezeri, ere andrö, ba solau torofe, sowaö-waö föna dawöla Lowalangi, ba Obedi-Edomo ba Yehia, ba no sanaro ba mbawandruhö [göi], ba naha dawöla.
Fa'omuso dödö Dawido, si fatuwu khö Mikhala edit
III. 25 Ba möi Dawido,[5] awö zatua Ndraono Gizeraeli, awö gumandra ngahönö, ba wolohe miyaŵa tawöla goroisa Yehowa, moroi ba nomo Gobedi-Edomo, oi so wa'omuso dödö. 26 Ba me itolo Lowalangi Nono Lewi andrö, sangosa'ö tawöla goroisa Yehowa, ba fitu rozi labe'e sumange ono zaŵi ba fitu nga'eu göi mbiri-biri si matua. 27 Ba baru sebua, tarafali, mbaru Dawido ba baru Nono Lewi fefu, sangosa'ö tawöla ba baru Genania, satua zangosa'ö, [högö] zanunö. Ba baru ba doto na, tarafali, mbaru Dawido. 28 Ba la'ohe miyaŵa dawöla goroisa Yehowa Iraono Gizeraeli fefu, no owua-wua dödö ba no ebua li dorofe sanau, ba so dorofe bö'ö ba faritia, ba biola nitika, sebua ba side-ide, lalau. 29 Ba me irugi mbanua Dawido tawöla goroisa Yehowa, ba ifaigi Mikhala andrö, ono Zaulo, moroi yaŵa ba zandrela. Ba me i'ila, wa ifaröga ia Dawido ba molaya, ba fatuwu ia khönia.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö