Fa'amate ndra Saulo ononia edit
I. 1 Ba no lalau ba Ndraono Gizeraeli Dawa Wilisiti;[1] ba no moloi Ndraono Gizeraeli labe'e Dawa Wilisiti, ba hiza tou ba danö nibunu ba hili Giliboa. 2 Ba lö laböhöli ndra Saulo ononia Dawa Wilisiti, labunu sa'ae nono Zaulo, Yonata ba Abinadabi ba Malikhisua. 3 Ba me laforege khö Zaulo, me na la'ila ia si fafana, ba ata'u sibai ia zi fafana andrö. 4 Ba imane khö zolohe fangönania: Sobi zi'öliu ba fahö ndra'odo, fa böi möi dania zi lö muboto andrö, ba wango'aya ya'o! Ba lö edöna zolohe fangönania, me ata'u ia. Ba ituyu wöda Saulo, ba ilangögö. 5 Ba me i'ila solohe fangönania, no mate Zaulo ba ilangögö göi wödania, ba mate ia göi. 6 Si manö wa'amate Zaulo ba ononia si datölu, si samba omo ya'ira; endronga mate ira. 7 Ba me larongo Iraono Gizeraeli fefu ba ndraso, no moloi Ndraono Gizeraeli ba no mate Zaulo, fabaya ononia, ba laröi mbanuara, moloi. Ba so Ndrawa Wilisiti, ba la'okhögö nahiara.
La'o'aya mbotonia Dawa Wilisiti, ba lahaogö wogo'o ya'ia banua Yabesi andrö edit
II. 8 Ba mahemolu ö, ba so Ndrawa Wilisiti, ba wangai gama-gama nibunu, ba hiza tou Zaulo ba iraononia si datölu, ba hili Giliboa. 9 Ba lahalö gama-gamania, ba la'ohe högönia ba fangönania ba lafatenge zanöröi tanö Ndrawa Wilisiti, ba wangombakha ba nadura ba ba niha sato turia wemönara andrö. 10 Ba fangönania, ba labe'e ba gosali Lowalangira andrö, ba högönia, ba la'osö ba nomo Dagono. 11 Ba me larongo fefu nilau Ndrawa Wilisiti khö Zaulo banua Yabesi ba danö Gileadi, dozi, 12 ba maoso zabölöra fefu, lahalö mboto Zaulo ba boto ndraononia, la'ohe ba Yabesi. Ba lako'o mbotora ba mbörö manawa andrö ba Yabesi, ba mamoni ba gö ira, fitu bongi.[2] 13 Tobali mate Zaulo ba horönia khö Yehowa, me lö ni'o'önia oroisa Yehowa ba me no isofu ba mbekhu, ba wama'ele'ö khönia lala,[3] 14 me lö nisofunia khö Yehowa fama'ele'ö. Andrö wa ibe'e mate ia [Yehowa], ba fa'arazo, ba ibe'e khö Dawido, ono Giza'i.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö