Ihonogöi naha gosali Dawido, ba ihöna geu, awö gara edit
I. 1 Ba imane Dawido: Ba da'e dania nahia Lowalangi, Yehowa, ba da'e naha wame'e sumange nitunu andrö, nibe'e Ndraono Gizeraeli.[1] 2 Ba iŵa'ö Dawido, la'owuloi zi fatewu ba danö Ndraono Gizeraeli ba ifataro zanoto kara, ba wanoto kara si öfa sagi andrö soguna ba wolau osali Yehowa.[2] 3 Ba ihöna zi'öli Dawido, nibali'ö osö'osö lagö mbawandruhö ba famakhai; ba töla ihöna, irege lö mutaha mutulo, ba eu balo, eresi, 4 si tebai sa'ae la'erai; oya sibai sa la'ohe khö Dawido balo eresi banua Zidona ba banua Diro. 5 Imane sa dödönia Dawido: Iraono na nonogu Selomo, sambö fa'abe'e na; ba osali andrö, nilau khö Yehowa, ba lö tola lö ebua sibai, ena'ö fangebua döi ba fa'amoadu ia ba da'ö dania, wamaigi niha bö'ö fefu. Ba da'uhöna khönia zoguna. Ba ihöna sibai Dawido, gasa-gasa wa'amatenia.[3]
Ifarou dödö Zelomo, ba wolau osali dania edit
II. 6 Ba humede ia khö nononia Selomo ba ibe'e li khönia, ba wolau osali khö Yehowa, Lowalangi Ndraono Gizeraeli. 7 Imane Dawido khö Zelomo: He onogu! No uŵa'ö tödögu, ya'o zolau osali, nahia döi Lowalangigu Yehowa.[4] 8 Ba humede khögu Yehowa, imane: No oya aduwa do niha öbe'e, ba no abölö wanuwöu: lö tola ya'ugö zolau nahia döigu, me no oya aduwa ba danö do niha, öbe'e, ba zanehe ndra'odo. 9 Ba tumbu khöu nono matua dania, ba niha sahono-hono dania da'ö, ba utimba khönia nemalinia fefu, fasui. Selomo sa döinia; ba fa'atulö ba fa'ahono ube'e ba Ndraono Gizeraeli, ba götönia. 10 Da'ö dania zolau osali, nahia döigu; onogu ia, ba amania ndra'o, ba u'a'aro'ö dadaoma zalaŵa khönia, ba Ndraono Gizeraeli, irugi zi lö aetu. 11 Ba iya'e sa'ae, ya'ugö onogu, ba yamutolo'ö Yehowa, ena'ö mofozu wolaumö, ba ena'ö ölau gosali andrö kho Lowalangiu, Yehowa, si mane nifabu'unia, nitandrösaigö khöu. 12 Yamube'e khöu wa'atua-tua ba fa'aboto ba dödö Yehowa, ba yamufataro razo Ndraono Gizeraeli ndra'ugö, ba ena'ö ö'o'ö goroisa Lowalangiu Yehowa. 13 Awena dania mofozu wolaumö, na ötörö sibai gamakhoita andrö, awö nihuku andrö, niŵa'ö Yehowa khö Moze, nifa'ema ba Ndraono Gizeraeli. Abe'e'ö dödöu, ya sabölö ndra'ugö! Böi busi dödöu ba böi be'e nikeani ndra'ugö![5] 14 Hiza, lö lai wamakaogu andrö, ba no uhöna zoguna ba wolau osali Yehowa andrö: 397.050.000 balaki gana'a ba 220.500.000 balaki wirö, ba töla ba si'öli, si lö mutaha mu'erai, me no fahöna manö. Ba he eu balo, ba he kara, ba no uhöna, ba önönö na dania.[6] 15 Ba he tuka — sanoto kara ba sama'anö, ba sotomo, — ba no fahöna khöu, ba sonekhe-nekhe ba ngawalö hadia ia, 16 ba ngawalö halöŵö, ba gana'a ba ba wirö ba ba döla ba ba zi'öli, ato sibai ira. Ba labu, ba yamutolo'ö Yehowa!
Ifarou dödö zatua ba wanolo edit
III. 17 Ba ibe'e li Dawido, ba zalaŵa ba Ndraono Gizeraeli fefu, ba wanolo ononia Selomo, [imane]: 18 Hadia, tenga no itolo ami Lowalangimi, Yehowa, ba tenga no ibe'e, lö hadia ia khömi fasui manö? Noa sa ibe'e ba dangagu niha [si tohöna] ba danö, ba lö tola lö mangalulu ira khö Yehowa ba ba mbanuania.[7] 19 Ba mibe'e dödömi, ba era-era, ba wangalui Lowalangimi, Yehowa. Milabu, milau nahia ni'amoni'ö andrö khö Lowalangimi, Yehowa, ena'ö ba da'ö bakha mibe'e dawöla goroisa Yehowa andrö, fabaya fakake ni'amoni'ö andrö khö Lowalangi, ba gosali andrö, nilau ba döi Yehowa.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö