Wb/nia/Nga'ötö I/14

Ifatenge duka khö Dawido Hiramo. Donga Dawido ba ononia ba Yeruzalema

I. 1 Ba Hiramo andrö, razo Diro, ba ifatenge zinenge khö Dawido,^[1] ba ifa'ohe'ö geu, eresi, ba tuka gara ba tuka geu ifatenge, ba wolau omo khö Dawido. 2 Ba aboto ba dödö Dawido, wa no ifataro ia razo Ndraono Gizeraeli Yehowa, wa itugu ebua wa'arazonia [ibe'e Yehowa], börö mbanuania Iraono Gizeraeli. 3 Ba ba Yeruzalema, ba ihalö na ndra alawe Dawido, ba tumbu-tumbu na khönia ndraono, ono matua ba ono alawe. 4 Da'e döi ndraono andrö, si tumbu khönia ba Yeruzalema: Samua ba Sobaba ba Natano ba Selomo, 5 ba Yibihara ba Elisua ba Elefeleto, 6 ba Noga ba Nefegi ba Yafia, 7 ba Elisama ba Be'eliada ba Elifeleti.

Mendrua i'alani Ndrawa Wilisiti Dawido

II. 8 Ba me larongo Dawa Wilisiti, no mubayoini razo Ndraono Gizeraeli fefu Dawido, ba so ira moroi si tou, dozi ira, ba wangalui Dawido. Ba me irongo da'ö Dawido, ba ifaondragö ira. 9 Ba me no larugi danö Dawa Wilisiti, me no lafazaewe ira ba zalo'o, ba Refa'i, 10 ba isofu khö Lowalangi Dawido, imane: Hadia, ufaondragö Ndrawa Wilisiti andrö, hadia, öbe'e ba dangagu ira? Ba imane khönia Yehowa: Ae'e — ube'e ba dangau ira! 11 Ba me lafa'ese ira miyaŵa, ba Mba'ali Werasi, ba ilau khöra Dawido, ba te'ala ira ibe'e. Ba imane Dawido: No muzaewe nemaligu fönagu ibe'e Lowalangi tangagu andre, si mane na atöla mba'a-ba'a nidanö! Andrö wa labe'e töi naha andrö Mba'ali Werasi (Sokhö fa'atöla) 12 Ba laröi furi ba da'ö nadura, ba ifatunu'ö Dawido.^[2] 13 Ba ifuli so Ndrawa Wilisiti, labologö ira ba zalo'o. 14 Ba me ifuli isofu khö Lowalangi Dawido, ba imane khönia Lowalangi: Böi faondragö ira, fasui ira, moroi furi, ba otarai mbörö keretau andrö, wolau khöra! 15 Ba na örongo ruru zanörö ba hogu keretau andrö, ba labu; noa sa mowaö-waö fönau Lowalangi, ba wolau ba Ndrawa Wilisiti, ba zanuwö andrö. 16 Ba i'o'ö Dawido niŵa'ö Lowalangi khönia, ba te'ala Ndrawa Wilisiti labe'e, i'otarai Gibeona, irugi misa Geseri. 17 Ba humöngö duria Dawido ba danö niha bö'ö, fefu, ba dozi soi, ba ihawui fa'ata'ura Dawido Yehowa.

Famotokhi ba gahe

↑ Faigi göi SamII 5:11–25
↑ MozV 7:5,25

Fabaliŵa lala

Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] Faigi göi SamII 5:11–25

[2] MozV 7:5,25

[1]

[2]