Wb/nia/Moze I

Da'a newali zura Moze I, nihalö moroi ba Zoera Ni'amoni'ö nifa'anö Heinrich Sundermann, nga'örö 9-70.

Balö zura Moze I nisura töra 2.000 fakhe si lalö. To'ölö lasura Zura Ni'amoni'ö me luo da'ö ba garate sanau nigölugö na labe'e yaŵa. Oya zi no tekiko gölu-gölu andre me no atua sibai ia. Awena lasöndra ösa ia ba 11 dögi danö si so ba mbanua Khirbet Qumran ba gotalua ndröfi 1947 ba 1956

Famasao

Tebörögo mbuku Moze I faoma fehede "Ba mböröta..." Ba sindruhu göi wa buku andre no sanandrösa ba mböröta gulidanö, böröta niha ba amakhaitania khö Lowalangi.

Ba li bö'ö asese göi latötöi ia buku Fomböi (li Indonesia buku Kejadian, li Inggris Genesis), börö me bakha ba mbuku andre tetutunö hewisa womböi Lowalangi gulidanö awö zauri fefu fao bakha ba da'ö niha.

Na tahaogö wombaso ya'ia ba itaria ahöli dödöda wa fabö'ö sibai zalua khö ndra niha nitutunö bakha ba da'ö moroi ba zalua khöda ma'ökhö. Duma-dumania so ba da'ö gaurifö si tola muhede (ulö ba kabu faradaiso), so niha sirugi 900 fakhe ndröfi btn.

Baero da'ö hewisa tola tefazökhi fefu hadia ia ha ba zi ma'ö-ma'ökhö. Ba wamahaö ba zekola ta'ila wa ngahö-ngahönö fakhe wa'ara irege möi yaŵa ba danö soköli gaurifö moroi ba nasi, ba ngahö-ngahönö fakhe tö irege tola lasöndra gomböilara simane ni'ilada ma'ökhö.

Bahiza buku andre tenga buku biologi. Buku andre no buku waö-waö wa'awösa niha khö Lowalangi. Andrö göi sindruhu wa latötöi ia buku gamabu'ula li, buku sanandrösa khö Lowalangi samabu'u wa i'omasi'ö niha, wa omasi ia na auri niha ba na owua-wua dödöra, wa lö aetu i'o'awögö ira ba lala wa'aurira. Sindruhu da'a tenga buku biologi ma antropologi, bahiza no hikaya ni'amoni'ö.

Angolifa nösi

Faza: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50

Fabaliŵa lala

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö