Nga'ötö Yuda na edit
I. 1 Ba nga'ötö Yuda, ba Feresi ba Heserono ba Karimi ba Huri ba Sobala.[1] 2 Ba ono Reaya ono Zobala, ba Yahata; ba ono Yahata, ba Ahumai ba Lahadi. Da'ö watalifusöta mbanua Zorea andrö.[2] 3 Ba da'e ndraono Getama: Yezere'eli ba Yisima ba Yidibasi; ba talifusöra alawe, ba Haselelifoni. 4 Ba ononia na, ba Fenueli, ama Gedoro, ba Ezeri, ama Husa. Da'ö nga'öto Huri andrö, ono Geferata, si a'a, ama Mbetilekhema.[3] 5 Ba dombua ndronga Gasihuri, ama Dekoa, Helea ba Naera döi. 6 Ba ono Naera, ba Ahusa ba Heferi ba Timeni, ba Ahasari. Da'ö nono Naera andrö. 7 Ba ono Helea, ba Sareti ba Yisihara ba Etano. 8 Ba ono Gosi, ba Anubi ba Hasobeba, ba ya'ia na nga'ötö Gagareheli ono Harumi. 9 Ba Yaebesi, ba no niha soadu, moroi ba dalifusönia; ba ibe'e töinia Yaebesi inania, imane: No utaha wa'afökhö mege, me u'adonogö ia. 10 Ba i'angaröfi li Lowalangi Ndraono Gizeraeli Yaebesi, imane: Na öfahowu'ö ndra'odo ba na ebolo danögu öbe'e, na itolodo tangau ba na ötimba khögu wamakao; na lö gönado fa'afökhö öbe'e… Ba i'o'ö wangandrönia Lowalangi.[4] 11 Ba ono Gelubi, talifusö Zuha, ba Mehiri, ya'ia nama Gesihono. 12 Ba ono Gesihono, ba Beti-Rafa, ba Fasea ba Tehina, tua mbanua Nahazi. Da'ö mbanua Rekha andrö. 13 Ba ono Gena, ba Otenieli ba Seraya. Ba ono Gotenieli, ba Hatata.[5] 14 Ba ono Menota'i, ba Ofera, ba ono Zeraya, ba Yoabi, tua zi so ba ndraso andrö "benua duka"; noasa tuka ira. 15 Ba ono Galebi andrö, ono Yefune, ba Iru ba Ela ba Na'ama; ba ono Ela, ba Kenasi.[6] 16 Ba ono Yehaleleli, ba Sifi ba Sifa ba Tiria ba Asereli. 17 Ba ono Gesera, ba Yetero ba Meredi ba Eferi ba Yalono. Ba da'e nono Mbitia andrö, ono Wara'o, nihalö Meredi: mo'ono ia khönia, Miriya ba Samai ba Yisiba, ama Gesihemoa. 18 Ba ononia khö wo'omonia niha Yehuda, ba Yeredi, ama Gedoro ba Heberi, ama Zokho, ba Yekutieli, ama Zanoa. 19 Ba ono wo'omo Hodia andrö, talifusö Nahamo, ba ama Kegila, banua Garimi, ba Esihemoa, banua Ma'akhata. 20 Ba ono Zimoni, ba Amoni ba Rina ba Beni-Hanana ba Tilono. Ba ono Yisei, ba Soheti ba ono Zoheti andrö. 21 Ba ono Zela, ono Yuda, ba Geri, ama Lekha, ba Laeda, ama Maresa, awö watalifusöta zanoso muko andrö, banua Mbeti Asebea;[7] 22 ba Yokimi, ba banua Goseba andrö ba Yoasi ba Sarafa, samadöni tanö ba Ndraono Moabi, ba samuli ya'ira ba Mbetilekhema. Ba ba götö föna sa'ae da'o. 23 Samöbözi bowoa ira, ba ba Neta'i ba ba Gedara so ira khö razo, enoninia, ira, wa ba da'ö so ira.
Nga'ötö Zimeoni edit
II. 24 Ba ono Zimeoni, ba Nemueli ba Nemini ba Yaribi ba Sera ba Saulo;[8] 25 ono da'ö, ba Salumi, ba ono da'ö, ba Mibisama ba ono da'ö, ba Misima. 26 Ba ono Misima, ba Hamueli, ba ono da'ö, ba Sakuri, ba ono da'ö ba Sime'i. 27 Ba 22 nono Zime'i, 16 nono matua ba 6 nono alawe; ba talifusönia, ba sambö ono, ba tobali öna'öna wa'atedou nga'ötöra; sambua ba mado Yuda. 28 Ba banuara, ba Bereseba, ba Molada ba Hasara Zuali, 29 ba Biliha ba Eseme ba Tolada, 30 ba Betueli ba Horema ba Sikelagi,[9] 31 ba Beti Makaboti ba Hasara Zusi ba Beti Mbire'i ba Sa'ara'i. Da'ö mbanuara andrö, irugi götö me razo Dawido. 32 Ba banua side-ide khöra, ba Etama ba A'ini ba Rimono ba Tokhene ba Asana, — lima banua; 33 awö halama soya, si tefasui banua andrö, irugi Mba'ali. Da'ö nahiara, ba da'ö nga'ötöra. 34 Ba baero ö, ba Mezobaba ba Yamilekhi ba Yosa, ono Gamasia, 35 ba Yoeli ba Yehu, ono Yozibia, ono Zeraya ono Asieli, 36 ba Eliunai ba Ya'akoba ba Yezohaya ba Asaya ba Adieli, 37 ba Yezimieli ba Benaya, ba Sisa, ono Zifei ono Alono ono Yedaya ono Zimeri ono Zemaya. 38 Nitötöi töi ba da'e ba no salaŵa ba nga'ötö khöra, ba no ato sibai watalifusöta andrö khöra.
Lahori Ndraono Gamaleki edit
III. 39 Ba larugi tanö ba Gedoro, irege tanö ba gatumbukha luo, na ta'otarai ndraso andrö, ba wangalui sabölö du'u, ba guriföra. 40 Ba lasöndra zatabö du'u, si sökhi, ba tanö, ba no ebolo, ba lö hadia ia, lö emali; niha si so ba da'ö, fönara mege, ba ma'uwu Khamo.[10] 41 Ba so nitötöi mege andrö, me luo razo mado Yuda Hisikia, ladudugö nosera, lasuwö mbanua Ma'ono andrö, si no fatewu ba da'ö, ba lahori, irege ma'ökhö andre, ba la'iagö fangalira; me falukha ndru'u ba da'ö, ö guriföra. 42 Ba so ösa, mado Zimeoni, zi möi misi yaŵa ba hili Ze'ira — lima ngaotu; solohe ya'ira, ba Felatia ba Nearia ba Refaya, ba Usieli, ono Yisei andrö. 43 Ba labunu gangohorita Ndraono Gamaleki, ba lö labulö'ö ira ba da'ö, irugi ma'ökhö andre.[11]
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö