Wb/nia/Nga'ötö I/6

Nga'ötö Lewi

I. 1 Ba ono Lewi, ba Gereso ba Kahati ba Merari. 2 Ba ono Gahati, ba Ameramo ba Yisihara ba Heberona ba Usieli. 3 Ba ono Gameramo, ba A'aroni ba Moze ba Miriya. Ba ono Ga'aroni, ba Nadabi ba Abihu ba Eleazari ba Itamari. 4 Ba ono Geleazari, ba Fineha, ba ono Wineha, ba Abisua. 5 Ba ono Gabisua, ba Buki, ba ono Mbuki, ba Usi. 6 Ba ono Usi, ba Seraya, ba ono Zeraya, ba Marayoto, 7 ba ono Marayoto, ba Amaria, ba ono Gamaria, ba Ahitubi. 8 Ba ono Gahitubi, ba Sadoki, ba ono Zadoki, ba Ahimasi. 9 Ba ono Gahimasi, ba Asaria, ba ono Gasaria, ba Yohanano. 10 Ba ono Yohanano, ba Asaria [zui]; da'ö zangai halöŵö gere andrö, ba gosali, nilau Zelomo, ba Yeruzalema. 11 Ba ono Gasaria, ba Amaria, ba ono Gamaria ba Ahitubi. 12 Ba ono Gahitubi, ba Sadoki, ba ono Zadoki, ba Salumi. 13 Ba ono Zalumi, ba Hilikia, ba ono Hilikia, ba Asaria. 14 Ba ono Gasaria, ba Seraya, ba ono Zeraya, ba Yosadaki. 15 Ba Yosadaki andrö, ba saheta, me ibe'e Yehowa i'oloi'ö mado Yuda ba banua Yeruzalema Nebukanesa. 16 Ba no da'e nono Lewi: Gereso ba Kahati, ba Merari. 17 Ba da'e döi nono Gereso: Libeni ba Sime'i. 18 Ba ono Gahati, ba Ameramo ba Yisihara ba Heberona ba Usieli. 19 Ba ono Merari, ba Maheli ba Musi. Ba da'e nga'ötö nono Lewi, ba ngafura andrö: 20 Ono Gereso, ba Libeni, ba ono da'ö, ba Yehata, ba ono da'ö, ba Sima, 21 ba ono da'ö, ba Yoa, ba ono da'ö, ba Ido, ba ono da'ö, ba Sera, ba ono da'ö, ba Yeaterai. 22 Ba ono Gahati, ba Aminadabi, ba ono da'ö ba Kora, ba ono da'ö, ba Asiri, 23 ba ono da'ö, ba Elikana, ba ono da'ö, ba Ebiasafo, ba ono da'ö, ba Asiri, 24 ba ono da'ö, ba Tahata, ba ono da'ö, ba Urieli, ba ono da'ö, ba Usia, ba ono da'ö ba Saulo. 25 Ba ono Elikana, ba Amiza'i ba Ahimoti; 26 ba ono da'ö, ba Elikana, ba ono da'ö, ba Sofa'i, ba ono da'ö, 27 ba Nahata, ba ono da'ö, ba Eliabi, ba ono da'ö, ba Yerohama, ba ono da'ö, ba Elikana. 28 Ba ono Zamueli, ba Yoeli, si a'a, ba itete, ba Abia. 29 Ba ono Merari, ba Maheli, ba ono da'ö, ba Libeni, ba ono da'ö, ba Sime'i, ba ono da'ö, 30 ba Usa, ba ono da'ö, ba Simea, ba ono da'ö, ba Hagia, ba ono da'ö ba Asaya.

Haloŵöra, ba nifataro ya'ira

II. 31 Ba da'e nifataro Dawido ba wanunö, ba gosali, me no mo'ahonoa nahia dawöla andrö: 32 fanunö halöŵöra, föna nahia nose wama'ele'ö andrö, irege ilau gosali Yehowa Selomo, ba Yeruzalema, ba lafalua nifataro ya'ira, dali nifakhoi khöra. 33 Ba da'e nifataro ba da'ö ba onora: Nga'ötö Gahati: Hemano, sanunö andrö, ono Yoeli ono Zamueli 34 ono Elikana ono Yerohamo 35 ono Elieli ono Du ono Zufi ono Elikana 36 ono Mahata ono Amizai ono Elikana ono Yoeli ono Gasaria ono Zefania 37 ono Dahata ono Asiri ono Gebiasafo ono Gora 38 ono Yisihara ono Gahati ono Lewi ono Gizeraeli. 39 Ba talifusönia Gasafo, si so ba gambölönia, Asafo 40 ono Mberekhia ono Zimea ono Mikhaeli ono Mba'aseya ono Malikhia 41 ono Getini ono Zera ono Gadaya 42 ono Getano ono Zima ono Zime'i 43 ono Yahata ono Gereso ono Lewi. 44 Ba talifusöra, iraono Merari, ba ba gabera la'iagö: Etano, ono Gisi ono Abidi 45 ono Malukhu ono Hazabia ono Gamasia, 46 ono Hilikia ono Gamisi 47 ono Mbani ono Zemeri ono Maheli ono Musi ono Merari ono Lewi. 48 Ba talifusöra, ono Lewi andrö, ba si no mufataro ba halöŵö andrö, fefu, ba nahia andrö, ba gosali Lowalangi. 49 Ba A'aroni ba ononia, ba same'e sumange ba naha wame'e sumange nitunu ba ba naha wanunu kumöyö, ba sangai halöŵö ba wondrege ni'amoni'ö, fefu, ba samaigi fameta horö Ndraono Gizeraeli, dali sibai nifakhoi Moze, enoni Lowalangi, khöra. 50 Ba da'e nono Ga'aroni: Ononia Eleazari, ba Fineha nono da'ö, ba Abisua nono da'ö, 51 ba Buki nono da'ö, ba Usi nono da'ö, ba Seraya nono da'ö, 52 ba Merayoto nono da'ö, ba Amaria nono da'ö, ba Ahitubi nono da'ö, 53 ba Sadoki nono da'ö, ba Ahimasi nono da'ö.

Banuara

III. 54 Ba da'e nahiara, nibe'era osera, ba danöra: Ba nga'ötö Ga'aroni andrö, nga'ötö Gahati — me no ya'ira zi göna si a'a dahö-dahö — 55 ba khöra labe'e Heberona ba danö mado Yuda, fabaya sabölö du'u, ö gurifö, si fasui ya'ia. 56 Ba benua, tanö nowi, si faböbö ba mbanua andrö, awö halama soya khöra, ba khö Galebi andrö, ono Yefune, labe'e. 57 Ba ba nga'ötö Ga'aroni labe'e mbanua saŵatö [zange'e] andrö, Heberona ba Libena, awö zabölö du'u si faböbö ba da'ö, ba Yatiri ba Esemoa, awö zabölö du'u ba ngai, 58 ba Holono, awö zabölö du'u ba ngai, ba Debiri, awö zabölö du'u ba ngai, 59 ba Asana, awö zabölö du'u ba ngai, ba Beti Zemesi, awö zabölö du'u ba ngai. 60 Ba nilulu mado Mbeniyami, ba Geba, awö zabölö du'u khöra, ba Alemeti, awö zabölö du'u khöra ba Anatoti, awö zabölö du'u khöra. Banuara fefu, ba no feledölu, fabaya sabölö du'u khöra. 61 Ba ba nga'ötö Gahati, tanö bö'ö andrö, ba fulu lalulu banua fatalifusöta mado Geferayi ba mado Dano ba si matonga mado Manase, nilau dahö-dahö. 62 Ba ba nga'ötö Gereso, ba watalifusöta khöra, ba feledölu lalulu banua mado Isasari ba mado Gaseri ba mado Manase ba Mbazana. 63 Ba ba nga'ötö Merari, ba felendrua lalulu banua mado Rubeno ba mado Gado ba mado Zebuloni, nilau dahö-dahö. 64 Si manö wanehe Ndraono Gizeraeli banua andrö, awö sabölö du'u ba zi fasui, ba nono Lewi. 65 Mado Yuda ba mado Zimeoni ba mado Mbeniyami zanehe banua andrö, nitötöi mege, nilau dahö-dahö. 66 Ba ba watalifusöta nga'ötö Gahati, ba ba mado Geferayi latema mbanua andrö, si göna dahö-dahö, wa khöra. 67 Banua saŵatö [zange'e] andrö, Siehema, labe'e khöra, fabaya zabölö du'u, si faböbö ba da'ö, ba hili mado Geferayi, ba Gezeri, awö zabölö du'u khöra, 68 ba Yokemea, awö zabölö du'u khöra, ba Beti Horona, awö zabölö du'u khöra, 69 ba Ayalona, awö zabölö du'u khöra, ba Gata Rimono, awö zabölö du'u khöra. 70 Ba nibe'e zi matonga mado manase, ba Aneri, awö zabölö du'u khöra, ba Yibelea, awö zabölö du'u khöra — ba watalifusöta nga'ötö Gahati, tanö bö'ö. 71 Ba nitema nga'ötö Gereso ba zi matonga mado Manase, ba Golana, ba danö Mbazana, awö zabölö du'u khöra, ba Asaroti, awö zabölö du'u khöra. 72 Ba nibe'e mado Isasari, ba Kedesi, awö zabölö du'u khöra, ba Daberata, awö zabölö du'u khöra, ba Ramoti, 73 awö zabölö du'u khöra, ba Anemi, awö zabölö du'u khöra. 74 Ba nibe'e mado Gaseri, ba Masala, awö zabölö du'u khöra, ba Abedono, awö zabölö du'u khöra. 75 Ba Hukoko, awö zabölö du'u khöra, ba Rehobo, awö zabölö du'u khöra. 76 Ba nibe'e mado Nafetali, ba Kedesi, ba Galili, awö zabölö du'u khöra, ba Hamota, awö zabölö du'u khöra, ba Kiriata'i, awö zabölö du'u khöra. 77 Ba nitema nga'ötö Merari, tanö bö'ö, ba mado Zebuloni, ba Rimono, awö zabölö du'u khöra, ba Tabora, awö zabölö du'u khöra. 78 Ba yefo Yoridano, ba gamaudu Yerikho, ba latehe khöra mado Rubeno, ba Beseri, ba danö si mate, awö zabölö du'u khöra, ba Yasa, awö zabölö du'u khöra, mado Rubeno, ba Beseri, ba danö si mate, awö zabölö du'u khöra, ba Yasa, awö zabölö du'u khöra, 79 ba Kedemoti, awö zabölö du'u khöra, ba Mefa'ata, awö zabölö du'u khöra. 80 Ba nibe'e mado Gado, ba Ramoti ba danö Gileadi, awö zabölö du'u khöra, ba Mahana'i, awö zabölö du'u khöra, 81 ba Hesibona, awö zabölö du'u khöra, ba Yaseri, awö sabölö du'u khöra.

Famotokhi ba gahe

Fabaliŵa lala

Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö