Wb/nia/Nga'ötö I/12

Sabölö andrö, si fao-fao khö Dawido, me moloi ia, me igohi ia Saulo

I. 1 Ba da'ö zi möi awö Dawido ba Zikelagi, me no moloi ia ibe'e Saulo, ono Gisi. Föfö zabölö andrö göi ira, sanolo ba wasöndrata, 2 solohe fana, ba si no to'ölö ba waribosa, he kambölö ba he kabera, ba he zui ba wafanata. Iwa Zaulo andrö, mado Mbeniyami, ba 3 Ahieseri, högö, ba Yoasi, iraono Hasema'a, banua Gibea, ba Yesieli ba Feleti, iraono Gasimaweti, ba Berakha ba Yehu, banua Ganatoti. 4 Ba Yisimaya, banua Gibeona, sabölö ba zi tölu ngafulu andrö ba solohe ya'ira; ba Yeremia ba Yahasieli ba Yohanano ba Yosabada, banua Gedera. 5 Ba Eluzai ba Yerimoto ba Bealia ba Semaria ba Sefatia, banua Harifi; 6 ba Elikana, ba Yisiya ba Asare'eli ba Yuzeri ba Yasobeamo, ma'uwu Gora. 7 Ba Yula ba Sebadia, iraono Yerohamo, banua Gedoro. 8 Ba mado Gado, sanaŵa Dawido — ba hatinia andrö, ba danö si mate — niha sabölö, si no mangaro, ba wasöndrata, solohe baluse ba toho, hulö zingo wamaigida, ba no saoha ahe, si mane nago ba hili: 9 Ya'ia Geseri, högö, ba fanetenia, ba Obadia, ba fanete, ba Eliabi, 10 ba fanete, ba Misimana, ba fanete, 11 ba Yeremia, ba fanete, ba Ata'i, 12 ba fanete, ba Elieli, ba fanete, ba Yohanano, ba fanete, ba Elisabada, 13 ba fanete, ba Yeremia, ba fanete, ba Makhabanai. 14 Da'ö mado Gado; side-idera, ba ilaŵa zi otu, ba sabölöra, ba hönö ilaŵa. 15 Da'ö zangötö Yoridano, ba mbaŵa si föföna, me no afönu ngöfi, ba same'e moloi banua ba ndraso fefu, tanö ba gatumbukha luo ba tanö ba gaekhula. 16 Ba so göi ösa mado Mbeniyami, awö mado Yuda, sanaŵa Dawido, ba hati andrö. 17 Ba möi tou Dawido, i'ondrasi ira, humede ia khöra, imane: Na ba wa'atulö möi ami khögu, ba wanolo ya'odo, ba data'osara'ö dödöda; ba na ba wemanga mböligu, ba zi fa'udu khögu, möi ami, he ŵa'ae lö lalögu, si togule ba dangagu, ba yamufaigi Lowalangi ndra tuada, ba yamufatörö huku! 18 Ba ifarou Gamasai, högö zi 30, Eheha, ba imane: "Khöu ndra'aga, ya'ugö Dawido, awöu, ya'ugö, ono Giza'i! Ya ahowu, ya ahowu ndra'ugö, ba ya ahowu zanolo ya'ugö; noa sa itolo'ö Lowalangiu!" Ba itema ira Dawido, ba ifataro solohe sabölö andrö khönia. 19 Ba mado Manase ösa, sanaŵa Dawido, me möi ia awö Ndrawa Wilisiti, me lasuwö Zaulo ba lö'ö sa latolo Ndrawa Wilisiti, lafofanö sa'ae Dawido Dawa Wilisiti, me no mamagölö ira, lamane: Ma isaŵa zokhö ya'ia, Saulo, ba möi fa'aetu mbagida. 20 Ba me isaŵa Zikelagi, ba si möi khönia mado Manase, ba Adana ba Yosabada ba Yediaeli ba Mikhaeli ba Yosabada [na] ba Elihu ba Sileta'i, högö ngahönö mado Manase. 21 Ba latolo Dawido ba nemali andrö; noa sa sabölö ira fefu, ba tebe'e solohe sato ira. 22 Ero ma'ökhö sa so zanaŵa Dawido, ba wanolo ya'ia, irege ato sibai khönia zabölö, hulö si mane sabölö khö Lowalangi.

Töi zi möi ba Heberona, ba wamataro razo Dawido

II. 23 Ba da'e wa'ato högö zi möi fasuwö, si no mangaro, si möi khö Dawido, ba Heberona, ba wama'ema khönia fa'arazo Zaulo andrö, dali goroisa Yehowa: 24 Mado Yuda, solohe baluse ba toho, si no mangaro ba wasuwöta, ba no 6.800. 25 Ba mado Zimeoni, ba 7.100 zabölö. 26 Ba mado Lewi, ba 4.600. 27 Ba baero ö, ba Yoyada, salaŵa nga'ötö Ga'aroni, 3.700 ira, 28 ba Sadoki, ono matua sabölö; 22 zalaŵa ba watalifusöta andrö khöra. 29 Ba mado Mbeniyami, iwa Zaulo, ba 3.000; sato khöra, ba lö'ö sa laböhöli nga'ötö Zaulo, irugi luo da'ö. 30 Ba mado Geferayi, ba 20.800, sabölö ba sebua turia, ba watalifusöta andrö khöra. 31 Ba si matonga mado Manase, ba 18.000, nitötöi, ena'ö möi ira, ba wamataro razo Dawido. 32 Ba mado Isasari, si no aboto ba dödö inötö, sangila watahögö nilau Ndraono Gizeraeli, ba 200 högö, awö niwara fefu, barö mbawara. 33 Ba mado Zebuloni, ba 50.000, sabölö ba wasuwöta, si so ngawalö wangöna, ba si no mangaro, sangendröna manolo, si ha sara dödö. 34 Ba mado Nafetali, ba 1000 högö, ba 37.000 nawöra, solohe baluse ba toho. 35 Ba mado Dano, ba 28.600, si no mangaro, ba wasöndrata. 36 Ba mado Gaseri, ba 40.000, sabölö, sangendröna fao, ba wasuwöta. 37 Ba moroi ba zi tambai Yoridano: Mado Rubeno ba mado Gado ba si matonga mado Manase, ba 120.000, si so fangöna, hadia ia ngawalö, soguna ba wasuwöta. 38 Sabölö andrö fefu, si no mama'anö ba wasuwöta, zi möi ba Heberona, ha sara dödö, ba wamataro razo Ndraono Gizeraeli fefu Dawido. Ba he Iraono Gizeraeli fefu, si tosai baero ö, ba ha sara dödö, ba wamataro razo Dawido. 39 Ba tölu bongi ira ba da'ö khö Dawido, ba lafodiwo ira talifusöra andrö. 40 Ba sahatö ba da'ö, irege mado Isasari ba mado Zebuloni ba mado Nafetali, ba la'ohe mbalazo ba hulu galide ba ba hulu gondra ba ba hulu kudo kalide ba ba hulu zaŵi: öra hamo ba kue nilau bua ara ba kue nilau bua nagu ba agu ba fanikha ba saŵi ba biri-biri, oya sibai, me no somuso tödö Ndraono Gizeraeli.

Famotokhi ba gahe

Fabaliŵa lala

Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö