Atu'a Yoabi ba Raba edit
I. 1 Ba döfi aefa da'ö,[1] me baŵa wanuwö ba razo, ba i'ohe zabölö Yoabi ba ifufu danö Ndraono Gamoni. Ba möi ia musuwö Raba, ba no toröi ba Yeruzalema Dawido. Ba atu'a Yoabi ba Raba, ba idudugö. 2 Ba ihalö zaembu ba högö [nadu] Milikomo Dawido, ba itulo, ba 49 kilo [ana'a] wa'abua, si so mani-mani, sambua, sebua sibai böli. Ba i'anaembu Dawido; ba ebua sibai lahalö sahulu ira ba mbanua andrö. 3 Ba he niha, ösi mbanua, ba la'oloi'ö, ba ibali'ö dawa rate Dawido, sogaragazini eu ba samaku tanö ba solau eu. Ba si manö göi wolaunia ba mbanua Ndraono Gamoni bö'ö, fefu. Ba mangawuli ba Yeruzalema Dawido, awö zato fefu.
Fasuwöta ba Ndrawa Wilisiti edit
II. 4 Ba aefa da'ö,[2] ba fasuwö zui ira ba Ndrawa Wilisiti, ba ngai Gezeri. Ba da'ö ibunu Sibekhai, banua Husa, Zifa'i, nga'ötö zebua niha andrö, ba tobali tehöndrögö ira.[3] 5 Ba me fasuwö zamuza tö ba Ndrawa Wilisiti, ba ibunu Elihana, ono Ya'iro, Lami andrö, talifusö Goliato no, banua Gata, si so toho, sezai hao totoa. 6 Ba me fasuwö zui ba ngai Gata, ba so ba da'ö niha sebua sibai, si önö'önö tuturu danga ba önö'önö duturu kahe, 24 fefu, nga'ötö zebua niha göi. 7 Me i'o'aya Ndraono Gizeraeli da'ö, ba ibunu ia Yonata, tana nono Dawido, ono ga'ania Simea.[4] 8 Nga'ötö zebua niha da'ö no mege, ba Dawido ba enoninia zamunu ya'ira.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö