Tefataro razo Zelomo. Fa'ato Nono Lewi ba famöfö'ö edit
I. 1 Ba me no atua Dawido, me no aföli ia wa'auri, ba ifataro razo Ndraono Gizeraeli nononia Selomo.[1] 2 Ba ifalukha'ö zatua Ndraono Gizeraeli fefu, awö gere, awö Nono Lewi. 3 Ba la'ofaya Nono Lewi, si no 30 fakhe ba si a'a moroi andrö; ba fa'atora, ni'ofaya, ba no 38.000, ira matua. 4 "Ba 24.000 nifataro ba halöŵö ba gosali Yehowa; ba 6.000, ba amaedola gumandru ba sanguhuku, 5 ba 4000, ba sanaro ba mbawandruhö ba 4000, ba sanuno Yehowa, wolau biola, nifazökhigu ba wanunö andrö." [Imanö Dawido]. 6 Ba iföfö'ö ira Dawido, nga'ötö ndraono Lewi andrö, Gereso ba Kahati ba Merari.[2] 7 Nga'ötö Gereso, ba Laedana ba Sime'i. 8 Ba ono Laedana, ba Yehieli, si a'a, ba Setama ba Yoeli, tölu.[3] 9 Ba ono Zime'i, ba Selomiti ba Hazieli ba Harana, tölu [göi]. Da'ö högö ngafu ba nga'ötö Laedana. 10 Ba ono Zime'i, ba Yahata ba Sina ba Yeusi ba Beria; da'ö nono Zime'i, öfa. 11 Ba si a'a Yahata, ba fanetenia Zina. Ba Yeusi ba Beria, ba no sambö ono, tobali ha sawu ira labe'e, wamataro ba halöŵö ya'ira. 12 Ba ono Gahati ba Ameramo ba Yisihara ba Heberona ba Usieli, öfa.[4] 13 Ba ono Gameramo, ba A'aroni ba Moze. Ba A'aroni, ba ni'oniagö, ena'ö ni'amoni'ö sibai ia, ya'ia ba iraononia, si lö mamalö-malö, ena'ö sanunu kumöyö khö Yehowa ira, götö-götö wa'ara, ba ena'ö enoninia ira ba samahowu'ö niha ba döi Yehowa.[5] 14 Ba ba khö Moze andrö, enoni Lowalangi, ba ba mado Lewi te'ofaya ndraononia.[6] 15 Ono Moze andrö, ba Gereso ba Eliezeri.[7] 16 Ba ono Gereso, ba Sebueli, si a'a.[8] 17 Ba ono Geliezeri, ba Rehabia, högö andrö. Awai nono Geliezeri, ono matua; ba oya sibai sa ndraono Rehabia.[9] 18 Ba ono Yisihara, ba Selomiti, högö andrö. 19 Ba ono Heberona, ba Yeriya, högö andrö, ba Amaria, fanetenia, ba Yahazieli, fanete da'ö, ba Yekameama, fanete da'ö. 20 Ba ono Usieli, ba Mikha, högö andrö, ba Yisia, fanetenia. 21 Ba ono Merari, ba Mali ba Musi; ba ono Mali, ba Eleazari ba Kisi.[10] 22 Ba Eleazari, ba si mate lö ono matua, ha ono alawe khönia. Ba sangai da'ö, ba akhira, ono Gisi. 23 Ba ono Musi, ba Mali ba Ederi ba Yeremoto, tölu.
Famataro ya'ira edit
II. 24 Da'ö Nono Lewi, ba ngafura, högö ngafu, ha wa'ato ira ni'ofaya, dali döira, samö-samösa, nibe'e sangai halöŵö ba gosali Yehowa, si no 20 fakhe ba si a'a moroi andrö. 25 Imane sa Dawido: "No falukha wa'ahono mbanuania ibe'e Yehowa, Lowalangi Ndraono Gizeraeli, ba i'iagö sa'ae Yeruzalema, si lö mamalö-malö.[11] 26 Ba lö'ö sa'ae la'osa'osa'ö Ono Lewi nahia ose andrö, fabaya fakake andrö, soguna ba halö-halöŵö andrö ba khönia." 27 Ba nirongoda khö Dawido, safuria, ba te'ofaya Nono Lewi, i'otarai zi no 20 fakhe fa'ebua. 28 Halö-halöŵöra wanolo iraono Ga'aroni, ba halöŵöra ba gosali Yehowa famaigi-maigi olayama ba bate'e andrö, ba fangehao, ni'amoni'ö andrö fefu, awö ba halö-halöŵöra andrö ba gosali Lowalangi, 29 ba ba wamaigi roti nifaigi-faigi andrö, awö hamo si sökhi andrö ba zumange ni'a, awö kue andrö, si lö mu'aisöni, ba he gali, awö nifakoe andrö, awö zu'a-zu'a hadia ia, 30 ba he ba we'amöi awöra ero mahemolu, na so ira ba wangandrö saoha gölö khö Yehowa ba ba wanuno ya'ia, ba si manö göi, na tanö owi,[12] 31 ba ba wame'e sumange nitunu fefu, khö Yehowa, na luo sabato ba na fasulöna mbaŵa ba ba gowasa, ha wa'oya nibe'e-be'e khö Yehowa, si lö mamalö-malö, dali zi no mufakhoi andrö; 32 ena'ö lahalö-halö halöŵö ba nose wama'ele'ö andrö, awö halöŵö ba ni'amoni'ö, ba he halöŵö ba wanolo iraono Ga'aroni andrö, iwara; enoni ira ba nahia Yehowa andrö.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö