Famataro sanaro ba mbawandruhö edit
I. 1 Ba ba wamöfö'ö sanaro ba mbawandruhö, ba nga'ötö Gora, ba Meselemia, ono Goresi, nga'ötö Gasafo.[1] 2 Ba ono Meselemia, ba Sakharia, si a'a, ba Yediaeli, fanetenia, ba Sebadia, fanete zi darua, ba Yatenieli, fanete zi datölu, 3 ba Elama, fanete zi daöfa, ba Yohanano, fanete zi dalima, ba Eliunai, fanete zi daönö. 4 Ba ono Gobedi-Edomo, ba Semaya, si a'a, ba Yosabada, fanetenia, ba Yoa, fanete zi darua, ba Sakhara, fanete zi datölu, ba Netane'eli, fanete zi daöfa, ba Amieli, 5 fanete zi dalima, ba Isasari, fanete zi daönö, ba Feguleta'i, fanete zi dafitu — noa sa ifahowu'ö ia Lowalangi. 6 Ba mo'ono göi nononia Semaya, ono matua, salaŵa ba ngafura, dania, me no niha sabölö ira. 7 Ono Zemaya andrö, ba Otini ba Refaeli ba Obedi ba Elisabada, talifusönia, niha sabölö, ba Elihu ba Semakhia. 8 Oi nga'ötö Gobedi-Edomo da'ö, ya'ira ba onora ba talifusöra, niha sabölö, si faduhu dödöda ba halöŵöra, 62 nga'ötö Gobedi-Edomo. 9 Ba so göi nono Mezelemia, ono matua, ba talifusönia, niha sabölö, 18 fefu. 10 Ba ono Hoza, nga'ötö Merari, ba Simeri, högö (me lö'ö sa'ae si a'a, andrö ibali'ö högö ia amania), 11 ba Hilikia, fanetenia, ba Tebalia, fanete zi darua, ba Sakharia, fanete zi datölu. Ono Hoza andrö ba talifusönia, ba 13 fefu. 12 Da'ö ngenoli zanaro ba mbawandruhö, högö watalifusöta andrö, ba awö niwara ira ba halöŵö andrö, ba nifataro ya'ira ba gosali Yehowa. 13 Ba sambusambua bawandruhö, ba lalau dahö-dahö, laföfö'ö ngafu [zanaro], he ba zi akhi, ba he ba zi a'a.[2] 14 Ba [ba mbawandruhö] tanö ba gatumbukha luo, ba Selemia zi göna. Ba he khö nononia Sakharia, niha satua-tua, anofula, ba lalau göi dahö-dahö, ba tanö yöu khönia. 15 Ba tanö raya, ba khö Gobedi-Edomo, ba ba ndraononia, ba ba naha girö-girö. 16 Ba khö Zufimi ba khö Hoza, ba [ba mbawandruhö] tanö ba gaekhula luo, awö ba mbawandruhö Salekheti, ba newali miyaŵa; nifa'oli zanaro. 17 Tanö ba gatumbukha luo, ba daönö Nono Lewi, ba tanö yöu, ba daöfa ma'ökhö, ba tanö raya, badaöfa ma'ökhö, ba ba naha girö-girö, ba daru-darua; 18 ba ba Warabara, tanö ba gaekhula luo, ba daöfa ba newali ba darua ba Warabara. 19 Da'ö ngenoli zanaro, andrö, nga'ötö Gora, awö nga'ötö Merari.
Samaigi-maigi girö-girö edit
II. 20 Ba iwara, Ono Lewi andrö, ba samaigi-maigi girö-girö andrö ba gosali Lowalangi, awö nihöna andrö, ame'ela ni'amoni'ö: 21 Nga'ötö Laedana, Laedana ma'uwu Gereso, högö ngafu nga'ötö Laedana, ma'uwu Gereso,[3] 22 ma'uwu Yehieli andrö, Setama ba akhinia Yoeli zamaigi-maigi girö-girö andrö ba gosali Yehowa. 23 Ba ba ma'uwu ndra Ameramo, Yisihara, Heberona, Usieli, 24 ba Sebueli andrö, ono Gereso, ma'uwu Moze, högö zamaigi-maigi girö-girö.[4] 25 Ba ba niwara andrö, ma'uwu Geliezeri, ba Rehabia nono da'ö, ba ono da'ö, ba Yesaya, ba ono da'ö, ba Yoramo, ba ono da'ö, ba Sikhiri, ba ono da'ö, ba Selomiti. 26 Ba Selomiti andrö, ba talifusönia zamaigi-maigi girö-girö fefu, ame'ela ni'amoni'ö andrö, ni'amoni'ö razo, Dawido, ba högö ngafu andrö ba solohe ngahönö ba solohe ngaotu, ba ira kumandra andrö, 27 (nihalöra ba wanuwö, sahulu ira, ba no la'amoni'ö tolo-tolo ba gosali Yehowa), 28 fefu hadia ia ni'amoni'ö Zamueli, sangi'ila andrö, ba Saulo, ono Gisi, ba Abineri, ono Neri, ba Yoabi, ono Zeruya, — ni'amoni'ö andrö fefu, ba barö mbawa Zelomiti andrö so, ba barö mbawa ndra talifusönia.
Kumandru ba sanguhuku edit
III. 29 Ba ma'uwu Yisihara andrö, Kenania ba iraononia, ba no nifataro ba halöŵö baero, ba Ndraono Gizeraeli — kumandru ba sanguhuku. 30 Ba ma'uwu Heberona andrö Hazabia ba talifusönia, niha sabölö, 1700, ba no mube'e samatörö Iraono Gizeraeli ba zi tambai Yoridano, tanö ba gaekhula luo, ba ngawalö halöŵö khö Yehowa, fefu, ba ba ngawalö halöŵö khö razo. 31 Ma'uwu Heberona Yeria andrö, högö ma'uwu Heberona, ba watalifusöta khöra ba ba ngafura (me arakha 40 fakhe salaŵa Dawido, te'alui ira, ba tesöndra ba khöra niha sabölö, ba Yaezeri, ba danö Gileadi), 32 ba iwara, sabölö, 2.700 högö ngafu; da'ö nifataro razo, Dawido, samatörö mado Rubeno ba mado Gado ba si matonga mado Manase, ba ngawalö hadia ia khö Lowalangi, fefu, ba ba ngawalö khö razo.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö