I'o'aya zinenge Dawido razo Ndraono Gamoni edit
I. 1 Aefa da'ö no mege, ba mate Nahasi andrö, razo Ndraono Gamoni, ba fangalinia razo, ba ononia Hanuno.[1] 2 Ba imane Dawido: Da'u'oroma'ö wa'ebua dödögu khö Hanuno, ono Nahasi, me no ebua göi dödö namania khögu mege. Ba ifatenge zinenge Dawido, ba wondrara tödö Hanuno ba khö namania. Ba me larugi danö Ndraono Gamoni, khö Hanuno, enoni Dawido andrö, 3 ba wondrara tödönia, ba lamane salaŵa Ndraono Gamoni, khö Hanuno: Hadia, faduhu dödöu, wa sumange namau khö Dawido wamatenge khöu sondrara tödöu? Faya na tenga ba wamauze banua ba ba wanudugö dania ifatenge khöu genoninia Dawido, ba ba wamauze tanö. 4 Ba ifara'u'ö genoni Dawido Hanuno, ifatöwö'ö ira, ba barura, ba lafalo'o, irege daro'o, ba ifatenge mangawuli ira. 5 Ba me so zangombakha khö Dawido, hadia nilau ba zinengenia andrö, ba ifatenge zamaondragö ya'ira — noa sa aila sibai ira — imane khöra razo: Mi'iagö Yerikho, irege ifuli anau gambimi, awena dania mifuli ami.
Fasuwöta ba Ndraono Gamoni, ba zi fa'awö Dawa Garamo; Dawido zabölö edit
II. 6 Ba me aboto ba dödö Ndraono Gamoni, wa no abao dödö Dawido khöra, ba 220.500 balaki lafa'ohe'ö firö ira Hanuno, ba wowöli kureta, fabaya si fakudo, ba Ndrawa Garamo ba Mezofotamia ba ba Ma'akha ba ba Zoba. 7 Ba 32.000 la'öli kureta, ba fao razo Ma'akha ba sabölö andrö khönia. Ba so da'ö, ba wanuwö Medeba. Ba la'owoloi ira Iraono Gamoni, moroi ba mbanua khöra misa, ba möi manuwö. 8 Ba me irongo da'ö Dawido, ba ifatenge Yoabi, awö zaradadu andrö fefu. 9 Ba so moroi yomo Ndraono Gamoni, la'angenoligö ira, fönaföna mbawa göli mbanua, ba razo andrö, si no möi awöra, ba no tonia, baero ba mbenua. 10 Ba me i'ila Yoabi, faoma so zolau khönia, he moroi föna, ba he moroi furi, ba itutuyu zabölö Ndraono Gizeraeli ba ifaondragö Ndrawa Garamo. 11 Ba si tosai niha, ba ibe'e ni'ohe nakhinia Abiza'i, ba wolau ba Ndraono Gamoni. 12 Ba imane wame'e li ba da'ö: Na tebai ulaŵa Ndrawa Garamo, ba möi'ö manolo ya'odo; ba na tebai ölaŵa Ndraono Gamoni, ba so ndra'o, ba wanolo ya'ugö. 13 Abe'e'ö dödöu, ba ena'ö faoma abe'e ita, ba wangorifi banuada ba banua Lowalangida andrö — ba yamulau zomasi ia Yehowa![2] 14 Ba ifaondragö Ndrawa Garamo Yoabi, ba wolau khöra, i'ohe zabolö andrö, si fao khönia, ba moloi Ndrawa Garamo ibe'e. 15 Ba me la'ila Iraono Gamoni moloi Ndrawa Garamo ibe'e Yoabi, ba moloi göi ira föna nakhinia, lawuwu ira miyomo ba mbanua. Ba ifuli ia ba Yeruzalema Yoabi. 16 Ba me la'ila Dawa Garamo te'ala ira labe'e Iraono Gizeraeli, ba lafatenge zinenge, lafakaoni'ö Ndrawa Garamo yefo Oifarati; ba solohe ya'ira, ba Sofakhi, kumandra andrö khö Hadarezeri. 17 Ba me la'ombakha'ö da'ö khö Dawido, ba i'owuloi Ndraono Gizeraeli fefu, i'ötö Yoridano, irugi Helami ba ibase'ö ira ba da'ö. Ba so Ndrawa Garamo, la'angenoligö ira, ba wolau khö Dawido, ba fasöndra ira khönia. 18 Ba moloi Ndrawa Garamo labe'e Iraono Gizeraeli, ba 7.000 kudo sondröni kureta ba 40.000 niha si lö kudo zi mate ba Ndrawa Garamo labe'e ira Dawido, ba he Sofakhi andrö, kumandra, ba labunu. 19 Ba me la'ila banua Hadarezeri no te'ala ira labe'e Iraono Gizeraeli, ba la'atulö'ö ira khö Dawido, möi ira barö mbawania, ba abua gölö Ndrawa Garamo latohugö wanolo Iraono Gamoni.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö