Lahalö dawöla ni'amoni'ö andrö, la'ohe ba Yeruzalema edit
I. 1 Ba mamagölö Dawido ba gumandra zi hönö ba ba gumandra zi otu ba ba zalaŵa fefu.[1] 2 Ba imane Dawido, ba Ndraono Gizeraeli sato, fefu: Na omasi ami [göi], ba na moroi khö Lowalangida, Yehowa, ba datafatenge ba niwada misa, si no toröi furi heza, ba danö Ndraono Gizeraeli ba ba gere ba ba Nono Lewi, ba mbanua misa, nitehe khöra, fabaya benua ba ngai, ena'ö la'ondrasi ita, 3 ba ena'ö tafuli tahalö khöda dawöla Lowalangida andrö; me luo razo Zaulo, ba lö'ö sa ba dödöda ya'ia. 4 Ba latema linia sato fefu, hana na lamanö, me omasi zato niŵa'önia andrö. 5 Ba ifakaoni'ö Ndraono Gizeraeli fefu Dawido, i'otarai mbewe Zihora, ba danö Miserayi, numalö ba lala ba Hamata andrö, ena'ö lahalö dawöla Lowalangi, ba Giriati Yeari. 6 Ba möi ba Mba'ala [ya'ia Giriati Yeari ba mado Yuda] Dawido, awö Ndraono Gizeraeli fefu, ba wolohe miyaŵa, moroi ba da'ö, tawöla Lowalangi andrö, nifotöi tawöla Yehowa sidadao yaŵa kerubi.[2] 7 Ba lahalö dawöla Lowalangi, ba nomo Gabinadabi, ba labe'e ba gureta si bohou, ba Usa ba Ahio zolohe kureta andrö. 8 Ba Dawido ba Iraono Gizeraeli fefu, ba molaya, wowaö-waö föna Lowalangi, laforege, manunö ira ba lalau mbiola nitika, side-ide ba sebua, ba labözi rafa'i ba faritia ba lalau dorofe.
Fa'amate Usa andrö. Teröi ba nomo Gobedi-Edomo dawöla edit
II. 9 Ba me larugi golayama mbasitö andrö ba Gidono, ba i'oro'ö dangania Usa, ba wolohelohe tawöla, me no lahole'ö ira saŵi andrö. 10 Ba tesao wönu Yehowa khö Usa, ba ibözi ia, ba tobali mate ia ba da'ö, föna Lowalangi. 11 Ba lö sökhi-sökhi dödö Dawido, me no ira'u manö Usa andrö Yehowa, ba labe'e sa'ae töi naha andrö Weresi Usa (Fondra'u Usa), irugi ma'ökhö andre. 12 Ba ata'u Dawido Lowalangi, me luo da'ö, ba imane: Ba he uwisa wolohe khögu tawöla Lowalangi andrö? 13 Ba lö ifa'ohe'ö khönia ba mbanua Dawido dawöla, ba ngai lala ifa'ohe'ö, ba nomo Gobedi-Edomo, banua Gata. 14 Ba toröi ba da'ö dawöla Lowalangi, khö Gobedi-Edomo, ba nomonia, tölu waŵa; ba ifahowu'o Yehowa zi samba omo ndra Obedi-Edomo, awö fefu hadia ia zi so khönia.
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö