Famataro högö si sara-sara waŵa edit
I. 1 Ba da'e Ndraono Gizeraeli andrö, ha wa'ato ira, högö ngafu, ba solohe ngahönö ba solohe ngaotu ba durutuli khöra, enoni razo, ba halöŵö ngenoli andrö, sara-sara waŵa we'asora, ba aheta, döfi fasui, 12 waŵa; 24.000 niha zangenoli. 2 Ngenoli si föföna andrö, ba mbaŵa si föföna, ba Yasobeamo zolohe, ono Zabadieli, ba 24.000 niha ba ngenoli khönia.[1] 3 Nga'ötö Weresi ia, högö zolohe andrö fefu, ba mbaŵa si föföna. 4 Ba ba ngenoli ba mbaŵa si dua, ba Eleazari zolohe, ono Doda'i andrö, ma'uwu Gahohi; ba Mikeloti mandru ba ngenoli khönia, 24.000 niha. 5 Ba solohe ngenoli si tölu, ba mbaŵa si tölu, ba Benaya, ono Yoyada ere, högö ia; ba 24.000 niha ba ngenoli khönia. 6 Da'ö Mbenaya andrö, sabölö ba zi tölu ngafulu; ba mandru ba ngenolinia nononia Amisabada. 7 Ba fanete zi tölu, ba mbaŵa si öfa, ba Azaheli, akhi Yoabi, ba fangalinia nononia Sebadia, ba 24.000 niha ba ngenoli khönia. 8 Ba fanete zi öfa, ba mbaŵa si lima, ba salaŵa andrö, Samihuti, banua Yiserahi; ba 24.000 niha ba ngenoli khönia. 9 Ba fanete zi lima, ba mbaŵa si önö, ba Ira, ono Ike, banua Dekoa; ba 24.000 niha ba ngenoli khönia. 10 Ba fanete zi önö, ba mbaŵa si fitu, ba Helesi, banua Welono, mado Geferayi; ba 24.000 niha ba ngenoli khönia. 11 Ba fanete zi fitu, ba mbaŵa si ŵalu, ba Sibekhai, banua Husa, ma'uwu Zera; ba 24.000 niha ba ngenoli khönia[2] 12 Ba fanete zi ŵalu, ba mbaŵa si siŵa, ba Abiezeri, banua Ganatoti, mado Mbeniyami; ba 24.000 niha ba ngenoli khönia. 13 Ba fanete zi siŵa, ba mbaŵa si fulu, ba Maharai, banua Netofa, ma'uwu Zera: ba 24.000 niha ba ngenöli khönia. 14 Ba fanete zi fulu, ba mbaŵa si felezara, ba Benaya, banua Wiratono, mado Geferayi; ba 24.000 niha ba ngenoli khönia. 15 Ba fanete zi felezara, ba mbaŵa si felendrua, ba Helida'i, banua Netofa, ma'uwu Gotenieli; ba 24.000 niha ba ngenoli khönia.
Salaŵa zi felendrua tua edit
II. 16 Ba da'e nibe'e salaŵa mado Ndraono Gizeraeli: Salaŵa mado Rubeno, ba Eliezeri, ono Zikhiri, ba ba mado Zimeoni, ba Sefatia, ono Ma'akha, 17 ba ba mado Lewi, ba Hasabia, ono Gemueli, ba ba nga'ötö Ga'aroni, 18 ba Sadoki, ba ba mado Yuda, ba Elihu, ga'a Dawido, ba ba mado Isasari, ba Omeri, ono Mikhaeli, 19 ba ba mado Zebuloni, ba Yisimaya, ono Gobadia, ba ba mado Nafetali, ba Yerimoto, ono Gaserieli, ba ba mado Geferayi, ba Hosea, 20 ono Gasasia, ba ba zi matonga mado Manase, ba Yoeli, ono Wedaya, 21 ba ba zi matonga mado Manase, ba danö Gileadi, ba Ido, ono Zakharia, ba ba mado Mbeniyami ba Ya'asieli, ono Gabineri, 22 ba ba mado Dano, ba Asere'eli, ono Yerohamo. Da'ö zalaŵa mado Ndraono Gizeraeli andrö. 23 Ba ha wa'ato zi lö 20 fakhe na, ba lö i'ofaya Dawido, me no ifabu'u Yehowa, i'oya'ö Ndraono Gizeraeli, timba ndröfi ba mbanua yaŵa wa'oya. 24 No ibörötaigö wangofaya Yoabi, ono Zeruya, ba lö ni'o'ozuinia, me no tesao wönu [Lowalangi] ba Ndraono Gizeraeli; ba fa'ato andrö, ba lö mutanö ba zura hikaya razo Dawido.[3]
Samaigi-maigi si so andrö ba anofula edit
III. 25 Ba samaigi-maigi girö-girö andrö khö razo, ba Asimaweti, ono Adieli, ba girö-girö bua nowi ba ba mbanua sebua ba ba mbanua side-ide ba ba hati misa, ba Yonata, ono Usia. 26 Ba sohalöŵö ba danö, sangahalö, ba Eseri, ono Gelubi, 27 zamaigi-maigi, ba kabu nagu, ba Sime'i, banua Rama; ba hadia zi so ösi nagu, ba kabu nagu andrö, ba Sabidi, banua Zifimi. 28 Ba kabu zai ba kabu ara, ba ndraso, ba Ba'ali-Hanano, banua Gaderi, ba fanikha zai, nihöna, ba Yoasi zamaigi-maigi. 29 Ba saŵi andrö, nikuloi ba Zarona ba Siterai, banua Zarona, ba saŵi ba ndraso misa, ba Safati, ono Adelai, 30 ba ondra, ba Obili, Iraono Zima'eli, ba kalide si alawe, ba Yedeya, 31 banua Meronoto, ba biri-biri ba nambi, ba Yasisi, Dawa Hagara, zamaigi-maigi. Oi si no amaedola högö mandru ba gokhöta razo Dawido. 32 Ba Yonata, tana nama Dawido, ba no anofula; no niha satua-tua ba sangila amakhoita; ba Yehieli, ono Hakhimono, ba no samahaö iraono razo. 33 Ba Ahitofeli, ba anofula razo göi, ba Huza'i, ma'uwu Garakhi, ba no si fahuwu khö razo.[4] 34 Ba fanete Gahitofeli, ba Yoyada, ono Mbenaya, ba Abiataro. Ba Yoabi, ba no kumandra sebua khö razo.[5]
Famotokhi ba gahe edit
Fabaliŵa lala edit
Olayama Nga'ötö I: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö