Möi ba Zamaria Na'ema andrö, ba wamadöhö bou aurinia edit
I. 1 Ba Na'ema andrö, kumandra sebua khö razo Ndrawa Garamo, ba no sebua töi khö zokhö ya'ia, no si teturia, no khönia mbörö wa'abölö Ndrawa Garamo, ibe'e Yehowa; ba no mobou auri ia. 2 Ba no larabu nono alawe Dawa Garamo, me möi manuwö, ba danö Ndraono Gizeraeli, no la'oloi'ö, ba no tobali sawuyu wo'omo Na'ema nono alawe andrö. 3 Ba imane khö zokhö ya'ia ira alawe. Ena'ö na möi khö zama'ele'ö ba Zamaria zokhö ya'o, ba ifodöhö ena'ö mbou aurinia! 4 Ba möi khö razo Na'ema, i'ombakha'ö khönia, imane: Da'ö niwa'ö nono alawe andrö, Iraono Gizeraeli. 5 Ba imane razo Ndrawa Garamo: Ba ae'e, da'ufa'ohe'ö zura khö razo Ndraono Gizeraeli. Ba möi ia, 46.200 rufia fanimba i'ohe firö ba 4.620 balaki ana'a, ba fulu nga'örö baru luo, 6 ba ibe'e ba danga razo Ndraono Gizeraeli zura no mege. Ba no imane ba zura andrö razo: Na möi ba dangau zura andre, ba ena'ö ö'ila: ufatenge khöu genonigu Na'ema, ena'ö öfadöhö mbou aurinia. 7 Ba me no ibaso zura andrö razo Ndraono Gizeraeli, ba isika nukhania ba imane: Hadia, Lowalangi ndra'odo, sangila mangetu'ö noso ba sangila mangorifi niha, wa ifa'andrö'ö khögu da'ö, ufadöhö mbou auri ba niha? Aboto manö sa'ae ba dödömi, wa sangalui tandraŵa.[1]
Ifadöhö Elisa edit
II. 8 Ba me irongo enoni Lowalangi andrö, Elisa, no isika nukhania razo Ndraono Gizeraeli, ba ifatenge khö razo, imane khönia: Hadia wa no ösika nukhamö? Fatenge manö ia khögu, ba aboto dania ba dödönia so zama'ele'ö ba Ndraono Gizeraeli! 9 Ba so Na'ema, awö kudonia, awö gureta, ba ba golayama khö Gelisa tebato ia. 10 Ba ifatenge khönia Elisa, imane khönia: Ae ondri ba Yoridano, mewitu, ba te'ali nösiu ba döhö wökhöu! 11 Ba mofönu Na'ema ba mofanö, imane: Uwalinga möi ia tou, ba iagö da'e, ba i'angaröfi li Lowalanginia, Yehowa ba i'oro'ö dangania, i'otahögö ni'amoni'ö andrö, wamadöhö bou auri andrö. 12 Tenga no si sökhi moroi ba nidanö ba Ndraono Gizeraeli fefu nidanö ba Ndramaseko andrö, Abana ba Farifari? Hadia, tebai ba da'ö mondrido, ena'ö döhö wökhögu? Ba ibali'ö ia, mofanö, mofönu sibai. 13 Ba so genoninia, humede ira khönia, lamane: Hadia, na safökhö mena'ö iŵa'ö khöu sama'ele'ö andrö, ba hadia, lö ö'o'ö mena'ö? Ba tenga mendrua manö me no iŵa'ö khöu: 14 Ondri, ba döhö wökhöu! Ba möi ia mitou, fatu ia ba Yoridano, mewitu, i'o'ö niŵa'ö genoni Lowalangi andrö; ba te'ali nösinia, timba nösi nono matua, ba no döhö wökhö.[2]
Lö ihalö mbuala Elisa, ba itehe ni'andrö Na'ema edit
III. 15 Ba ifuli ia khö genoni Lowalangi andrö, fabaya awönia fefu, ba me irugi, ba i'ondrasi, ba imane: Hiza, no aboto ba dödögu, dozi tanö ba lö Lowalangi, ha ba Ndraono Gizeraeli, ba ya'e sa'ae khöu mbuala zawuyumö![3] 16 Ba imane Elisa: Faya wa no sauri Yehowa, si no möido enoni, na uhalö hadia ia! Ba he ŵa'ae iforege khönia, ena'ö ihalö, ba lö edöna ia. 17 Ba imane Na'ema: Ba hadia na labe'e atö khö zawuyumö danö da'e tou ndrohu-ndrohu noro kudo kalide, si dua geu. Lö'ö sa'ae edöna zawuyumö andre ifosumange Lowalangi bö'ö, sumange nitunu ba sumange nitaba, hatö Yehowa ifosumange. 18 Ba ha sambalö nibologöu tödöu khögu: na möi ba gosali Rimono zokhö ya'o, ba wangalulu ba da'ö, ba na itendro'ö ia ba da'iogu, ba na tobali fao ndra'o wangalulu ba gosali Rimono andrö, na mangalulu razo ba da'ö, ba yamubologö dödönia Yehowa, khö zawuyumö andre, ba zi sambalö andrö.[4] 19 Ba imane khönia Elisa: Fuli'ö khömi, böi busi dödöu!
Fa'atebakha Gehasi andrö ba falimosania, ni'otu'ö bou auri edit
IV. 20 Ba me no aröu ma'ifu ia, ba imane dödönia Gehasi: Noa sa ahakhö dödö zokhö ya'o Ndrawa Garamo andrö, Na'ema, ba lö nihalönia ni'ohe Na'ema. Ba wa'aduhu wa'auri Yehowa, u'o'ö, ena'ö ibe'e khögu ösa! 21 Ba fagohi Gehasi, i'o'ö Na'ema. Ba me i'ila Na'ema so zolo'ö ya'ia, ba möi ia tou moroi ba guretania, ifaondragö Gehasi, ba imane khönia: He wisa, lö hadia ia? 22 Ba imane Gehasi: Lö'ö sa hadia ia, ba ifatengedo sokhö ya'o, imane khöu: So sibai zi möi tomegu, banua ba hili mado Geferayi, ono matua, darua, ono zekola zama'ele'ö, ba ena'ö na öbe'e khögu wirö, 4412 ba rufia, ba na dua görö mbaru, nibe'e khöra. 23 Ba imane Na'ema: Na omasi'ö, ba manö tö halö! Ba iforege khönia, ilau ba mbola zi 8824 ba rufia, dombua bola, awö mbaru, si dua görö, ba ibe'e ba genoninia si darua, ba wolohe ya'ia khö Gehasi. 24 Ba me larugi gahe hili-hili andrö, ba ihalö khöra Gehasi [norora andrö], ba i'irö'ö yomo, ba ifofanö niha andrö. 25 Ba me no mofanö ira, ba möi ia mangondrasi sokhö ya'ia. Ba imane khönia Elisa: Heza ö'otarai, Gehasi? Ba imane: Lö'ö manö sofanö zawuyumö. 26 Ba imane khönia Elisa: Hadia, lö si fao khöu dödögu, me so zamali'ö ya'ia khöu, ba gureta? Ba lau, ba no ötema wirö andrö, ba so sa'ae dania khöu nukha ba kabu nohi ba kabu nagu ba biri-biri ba saŵi ba sawuyu ira matua ba sawuyu ira alawe; 27 ba bou auri Na'ema andrö, ba khöu molemba ba ba nga'ötömö dania, si lö mamalö-malö. Ba möi ia baero, no afusi bou auri, hulö nilau betua.
Famotokhi ba gahe edit
Fabaliŵa lala edit
Olayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö