Ihaogö gosali Yoasi edit
I. 1 Me no alua me'önö fakhe razo Yehu tobali razo Yoasi andrö, ba 40 fakhe razo ia ba Yeruzalema; ba töi ninania, ba Sibia, banua Mbereseba.[1] 2 Ba somasi Yehowa ilau Yoasi, götö wa'anau nosonia, me no ifahaö ia Yoyada ere andrö. 3 Ha hili-hili andrö zi lö mubulö'ö; mame'e-me'e sumange na zato ba hili-hili andrö, ba manunu kumöyö.[2] 4 Ba imane Yoasi ba gere: Fefu gefe andrö, ni'ohe ba gosali Yehowa, buala ni'amoni'ö, ömö zamösana, nihonogöi, ba hadia ni'ohe zamösana ba gosali Yehowa, 5 saoha gölö, ba ndramuhalö ere; ba zi no fa'ila li khönia ihalö zamösana. Ba labe'e balazo ba wangazökhi si no adudu ba gosali, hadia ni'ilara si no adudu. 6 Ba no alua 22 fakhe razo Yoasi, ba lö'ö na ni'a'azökhi gere si no adudu ba gosali. 7 Ba ifakaoni'ö razo Yoasi högö gere andrö, Yoyada, awö gere bö'ö, ba imane khöra: Hana wa lö mi'azökhi zadudu ba gosali? Böi sa'ae göi manema ana'a ami ba zi no fa'ila li khömi, milulu sa'ae balazo ba zadudu ba gosali. 8 Ba atulö dödö gere: lö'ö sa'ae latema gana'a ba zato, ba lö'ö göi la'a'azökhi zadudu ba gosali. 9 Ba ihalö kotakota Yoyada ere, itöla'ö lagö-lagö, ba ibe'e ba gambölö naha wame'e sumange ba zinga lala niha, na möi ba gosali Yehowa. Ba da'ö bakha labe'e ere sanaro ba mbawandruhö, gefe andrö, ni'ohe ba gosali Yehowa. 10 Ba na la'ila, no oya gefe ba kotakota andrö, ba so durutuli razo, awö gere sebua, ba labu'ugö gefe andrö, nisöndra ba gosali, ba la'erai. 11 Ba na no mutulo, ba labe'e ba mandru duka andrö, samaigi-maigi ba gosali Yehowa, ba da'ö same'e ba zohalöŵö, ba duka andrö, sohalöŵö ba gosali Yehowa, 12 zanoto kara ba sama'anö kara, ba ba wowöli eu, awö gara nitoto, ena'ö te'azökhi zi no adudu ba gosali Yehowa, — balazo hadia ia fefu ni'a'azökhi ba gosali Yehowa. 13 Ba ame'ela andrö, ni'ohe ba gosali, ba lö labe'e ba wamazökhi mako ba si'öli ba figa ba torofe, ba hadia ia wakake ana'a, ba ma fakake firö, soguna ba gosali Yehowa, 14 ba zohalöŵö andrö labe'e, balazo ni'a'azökhi ba gosali Yehowa. 15 Ba lö'ö sa fa'era ira ba niha andrö, nibe'e ba danga kefe andrö, ba wame'e ba zohalöŵö, faduhu manö dödöra khöra.[3] 16 Ba ame'ela andrö, na so zame'e sumange ogauta, ba sumange fameta horö, ba lö la'ohe ba gosali, ba gere möi da'ö.
Isuwö ia Hazaeli. Labunu Yoasi edit
II. 17 Ba me luo da'ö, ba so moroi yöu Hazaeli, razo Ndrawa Garamo, isuwö Gata, ba atu'a ia ba mbanua. Ba me isuwö göi ena'ö Yeruzalema Hazaeli,[4] 18 ba ihalö gana'a andrö ba gosali Yoasi, razo mado Yuda, buala ni'amoni'ö andrö fefu, ni'amoni'ö ndra tuania Yozafati, Yehoramo ba amania Ahaseyahu, razo mado Yuda, ba bualania, ni'amoni'ö, awö gana'a andrö fefu, si so ba mbate'e girö-girö andrö, ba gosali Yehowa ba ba gödo razo, ba ifa'ohe'ö khö Hazaeli, razo Ndrawa Garamo. Ba lö alua isuwö Yeruzalema.[5] 19 Ba hadia na nidunö-dunö ena'ö ba khö Yoasi andrö ba hadia ia fefu, nilaunia, ba noa sa mutanö ba zura hikaya razo mado Yuda. 20 Ba maoso genoninia, molaŵa, mamagölö, ba labunu Yoasi.[6] 21 Ira Yozakhari, ono Zimeata, Yozabadi, ono Zomeri, enoninia, zamunu ya'ia; ba ba mbanua Dawido lako'o ia, ba ngai ndra amania. Ba fangalinia razo, ba ononia Amasia.[7]
Famotokhi ba gahe edit
Fabaliŵa lala edit
Olayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö