Wikimedia Incubator

Wb/nia/Razo II/15

< Wb‎ | nia‎ | Razo II
Wb > nia > Razo II > 15

Asaria (Usia), razo mado Yuda edit

I. 1 Me no alua 26 fakhe razo Ndraono Gizeraeli Yerobeamo tobali razo mado Yuda Gasaria andrö, ono Gamasia.[1][2] 2 Meweleönö fakhe ia, me tobali razo, ba 52 fakhe razo ia ba Yeruzalema. Ba töi ninania, ba Yekholia, banua Yeruzalema. 3 Ba somasi Yehowa ilau, i'ohia'ö sibai nilau namania Amasia. 4 Hatö hili-hili andrö zi lö labulö'ö; lö tebulö wame'e zato sumange, awö sanunu kumöyö ba hili-hili andrö.[3] 5 Ba ifatörö wamakao khö razo andrö Yehowa, mobou auri ia ibe'e Yehowa, götö wa'anau nosonia na, ba yomo soso ia. Ba satua baomo ba gödo, ba ononia Yotamo, da'ö zamatunö huhuo zato,[4] 6 Ba hadia na ena'ö nidunö-dunö ba khö Gasaria andrö ba hadia ia fefu, nilaunia, ba noa sa mutanö ba zura hikaya razo mado Yuda. 7 Ba mate Gasaria, itörö lala ndra amania, ba ba ngai ndra amania, ba mbanua Dawido, lako'o ia. Ba fangalinia razo, ba ononia Yotamo.[5]

Sakharia, razo Ndraono Gizeraeli edit

II. 8 Me no alua 37 fakhe razo Gasaria andrö, razo mado Yuda, tobali razo Ndraono Gizeraeli ba Zamaria Zakharia andrö, ono Yerobeamo, ba ha önö waŵa.[6] 9 Ba si fatuwu khö Yehowa ilau, nifolau ndra amania ba ira tuania mege. Lö iböhöli horö Yerobeamo, ono Nebati, famaelungunia Iraono Gizeraeli.[7] 10 Ba molaŵa Zalumi, ono Yabesi, mamagölö ia ba niha bö'ö, ba möi ia mubunu Zakharia, ba Yibelea, ba tobali razo ia, fangali nibununia.[8] 11 Ba hadia na ena'ö nidunö-dunö ba khö Zakharia, ba noa sa mutanö ba zura hikaya razo Ndraono Gizeraeli. 12 Tobali itörö li Yehowa, niŵa'önia khö Yehu, me imane: Irege tölu nga'ötö ma'uwumö dania zidadao ba dadaoma razo ba Ndraono Gizeraeli: Itörö niŵa'ö andrö.[9]

Ibunu Zalumi, razo Ndraono Gizeraeli, Menahe andrö. Isuwo ira Fulo, razo Ndrawa Asiria edit

III. 13 Ba Salumi andrö, ono Yabesi, ba me no alua 38 fakhe razo mado Yuda Usia tobali razo ia, ba ha sara waŵa razo ia ba Zamaria. 14 Ba so moroi si tou, ba Dirisa Menahe andrö, ono Gadi, ba me no irugi Zamaria, ba ibunu Zalumi, ono Yabesi, ba Zamaria, ba tobali razo ia fangali nibununia.[10] 15 Ba hadia na ena'ö nidunö-dunö ba khö Zalumi andrö, ba folaŵania andrö, famagölönia ba niha bö'ö, ba noa sa mutanö ba zura hikaya razo Ndraono Gizeraeli. 16 Ba me luo da'ö, ba ifufu Dafua Menahe, fabaya ösi fefu ba tanöra fefu, i'otarai Dirisa, me lö nibokaira bawa göli khönia, ba dozi sanabina ba mbanua bakha, ba ifasikoi'ö dalu. 17 Me no alua 38 fakhe razo mado Yuda Gasaria andrö, tobali razo Ndraono Gizeraeli Menahe, ono Gadi, ba mewulu fakhe razo ia, ba Zamaria. 18 Ba si fatuwu khö Yehowa ilau; lö iböhöli horö Yerobeamo, ono Nebati, fefu, famaelungunia Iraono Gizeraeli.[11] 19 Ba me luo da'ö, ba isuwö ira Fulo andrö, razo Ndrawa Asiria. Ba 220.550 balaki ibe'e khö Wulo Menahe, ena'ö fa'awö ia khönia, ba ena'ö i'aro'ö wa'arazonia, 20 ba ihuku bobotolö Ndraono Gizeraeli gana'a andrö Menahe; dozi solohe baluse zame'e, ba wame'e khö razo Ndrawa Asiria, lima wulu ba rufia zamösa. Ba mangawuli razo Ndrawa Asiria, lö'ö sa'ae i'iagö danöra.[12] 21 Ba hadia na ena'ö nidunö-dunö ba khö Menahe, ba hadia ia fefu nilaunia, ba noa sa mutanö ba zura hikaya razo Ndraono Gizeraeli. 22 Ba mate Menahe, itörö lala ndra amania, ba fangalinia razo, ba ononia Fekaya.

Fekaya ba Feka, razo Ndraono, Gizeraeli edit

IV. 23 Me no alua 49 fakhe razo mado Yuda Gasaria, tobali razo Ndraono Gizeraeli ba Zamaria Wekaya andrö, ono Menahe, ba ha Mendrua fakhe. 24 Ba si fatuwu khö Yehowa ilau; lö iböhöli horö Yerobeamo, ono Nebati, famaelungunia Iraono Gizeraeli.[13] 25 Ba molaŵa Weka, ono Remalia, awö razo, mamagölö ia ba niha bö'ö, ba wamunu razo, ba ibunu, ba Zamaria, ba gödo razo, awö ndra Aregobi Arie; ba lima wulu nawö Weka, banua Gileadi. Ba ibunu Wekaya, ba tobali razo ia, fangali nibununia.[14] 26 Ba hadia na ena'ö nidunö-dunö ba khö Wekaya andrö ba hadia ia fefu, nilaunia, ba noa sa mutanö ba zura hikaya razo Ndraono Gizeraeli. 27 Me no alua 51 fakhe salaŵa mado Yuda Gasaria, tobali salaŵa Ndraono Gizeraeli ba Zamaria Weka andrö, ono Remalia, ba dua wulu fakhe salaŵa ia. 28 Ba si fatuwu khö Yehowa ilau; Lö iböhöli horö Yerobeamo, ono Nebati, famaelungunia Iraono Gizeraeli. 29 Ba me luo razo Ndraono Gizeraeli Weka andrö, ba so Digelata-Filezeri, razo Ndrawa Asiria, ba atu'a ia ba Iyono ba ba Habeli Beti Ma'akha ba ba Yanoa ba ba Gedesi ba ba Hasora; ba tanö Gileadi ba tanö Galilaia ba tanö mado Nafetali ma'asagörö, ba i'okhögö, ba ösi mbanua, ba i'ohe ba danö Asiria.[15] 30 Ba molaŵa Hosea, ono Ela, mamagölö ia ba niha bö'ö, ba khö Weka, ono Remalia, ba ibunu Weka, ba tobali razo ia, fangali nibununia, me no alua 19 fakhe razo Yotamo, ono Usia.[16] 31 Ba hadia na ena'ö nidunö-dunö ba khö Weka andrö, ba hadia ia fefu nilaunia, ba noa sa mutanö ba zura hikaya razo Ndraono Gizeraeli.

Yotamo, razo mado Yuda edit

V. 32 Me no alua döfi razo Weka, ono Remalia, tobali razo mado Yuda Yotamo, ono Usia.[17][18] 33 Dua wulu a lima fakhe ia, me tobali razo ia, ba 16 fakhe razo ia, ba Yeruzalema. Ba töi ninania, ba Yerusa, ono Zadoki. 34 Ba somasi Yehowa ilau, nifolau namania Usia mege, fefu hadia ia. 35 Ha hili-hili andrö zi lö labulö'ö, lö tebulö wame'e zato sumange ba hili-hili andrö, awö wanunu kumöyö. Yotamo zolau baŵa göli tanö yaŵa, ba gosali Yehowa.[19] 36 Ba hadia na ena'ö nidunö-dunö ba khö Yotamo andrö ba hadia ia fefu nilaunia, ba noa sa mutanö ba zura hikaya razo mado Yuda. 37 Ba me luo da'ö, ba ibörötaigö Yehowa wamarou Resino, razo Ndrawa Garamo ba Feka, ono Remalia, ba wanuwö mado Yuda.[20] 38 Ba mate Yotamo, itörö lala ndra amania, ba ba mbanua Dawido lako'o ia, ba ngai ndra amania. Ba fangalina razo, ba ononia Ahasi.

Famotokhi ba gahe edit

  1. ↑ Ayati 1—7: Nga'ötII 26:1.3—23
  2. ↑ Faigi 14:21
  3. ↑ Faigi 14,3:4
  4. ↑ MozIII 13:46
  5. ↑ Ayati 32
  6. ↑ Faigi 14:29
  7. ↑ RazI 12:26—33
  8. ↑ Ayati 14; Amos 7:9
  9. ↑ Faigi 10:30
  10. ↑ RazI 16:17
  11. ↑ Ayati 9
  12. ↑ Faigi 23:25
  13. ↑ Ayati 9
  14. ↑ Ayati 10,14,30
  15. ↑ Nga'ötI 5:26
  16. ↑ Faigi 17:1; Ayati 25
  17. ↑ Ayati 32—36,38: Nga'ötII 27
  18. ↑ Ayati 5,7
  19. ↑ Faigi 15:3,4
  20. ↑ Faigi 16:5

Fabaliŵa lala edit

Olayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Razo_II/15&oldid=6229034"