Razo Manase; i'erogö Lowalangi
editI. 1 Mewelendrua fakhe wa'ebua Manase, me tobali razo ia, ba 55 fakhe razo ia ba Yeruzalema.[1] Ba töi ninania, ba Hefisiba. 2 Ba si fatuwu khö Yehowa ilau, i'ohia'ö zogoro ita andrö ba niha baero andrö, nitimba Yehowa mege, föna Ndraono Gizeraeli. 3 Ba ifuli i'a'azökhi hili-hili andrö, nidudugö namania Hisikia; ifa'anö naha wame'e sumange khö Mba'ali ba ifazökhi Gasera, nifolau Gahabi, razo Ndraono Gizeraeli, ba mangalulu ia ba ngahönö ba mbanua si yaŵa [luo ba döfi] ba ifosumange da'ö.[2] 4 Ba ifa'anö naha wame'e sumange ba gosali Yehowa, ba niŵa'ö Yehowa: Yeruzalema andrö, ba ubali'ö nahia döigu.[3] 5 Ba he ba golayama gosali Yehowa si dua görö, ba ifa'anö naha wame'e sumange ba ngahönö ba mbanua yaŵa.[4] 6 Ifatörö ba galitö nononia matua, ilau wakelemusa ba faetasa ba ifataro zogaoni hekhu ba sangombakha eluaha dandra-tandra hadia ia; oya ngawalö ilau si fatuwu khö Yehowa, wangandrö fönunia.[5] 7 Ba famaedo Gasera andrö, nifazökhinia, ba ba gosali ibe'e, ba gosali niŵa'ö Yehowa khö Dawido ba khö nononia Selomo: Osali andre, awö Yeruzalema andre, nituyugu ba mado ndraono Gizeraeli fefu, ba ubali'ö nahia döigu, irugi zi lö aetu.[6] 8 Ba lö'ö sa'ae ube'e abeta ba danöra Ndraono Gizeraeli, ba danö nibe'egu khö ndra tuara; ba ha na ibe'e dödöra, la'o'ö sibai niŵa'ögu khöra ba ma'ifu lö lasawö goroisa andrö, nifa'ema genonigu Moze khöra. 9 Ba lö'ö sa la'o'ö, ba ifowöhö ira Manase, ba wolau si lö sökhi, si tedou moroi ba nilau niha baero andrö, nihori Yehowa mege, föna Ndraono Gizeraeli.
Ifeta'u ia Lowalangi. Fa'amate Manase
editII. 10 Ba humede Yehowa, nifa'ema genoninia andrö, sama'ele'ö, imane: 11 Me no ilau zogoro ita andrö Manase, si tedou na, moroi ba nilau Ndraono Gamori andrö fönania, fefu, ba me no ifowöhö göi mado Yuda ba wamazökhi horö, ba nadu andrö khönia, 12 andrö wa imane Yehowa, Lowalangi Ndraono Gizeraeli: Famakiko ufatörö ba Yeruzalema ba ba mado Yuda, ena'ö ma'adombua tokea dögi dalinga zamondrongo, fefu.[7] 13 Ufatörö ba Yeruzalema zinali fanua, si mane ba Zamaria mege, ba faliera ufake, si mane ba zi sawu ndra Ahabi, ba u'osi Yeruzalema, nifolosi mako, nifalögu, na no mu'osi. 14 Ba si tosai tana khögu, ba utibo'ö, ube'e ba danga nemalira, ena'ö la'oloi'ö ira emalira fefu, ba ena'ö ahulua nemalira ira, 15 börö me no lalau zi fatuwu khögu ba me no si lö aetu wangandröra fönugu, i'otarai luo me aheta ndra tuara ba danö Miserayi, irugi ma'ökhö andre. 16 Ba ato göi ifabunu'ö Manase si lö horö, irege anönö Yeruzalema do da'ö ibe'e, baero horönia andrö famowöhö mado Yuda, ba wolau si fatuwu khö Yehowa.[8] 17 Ba hadia na ena'ö nidunö-dunö ba khö Manase andrö, ba hadia ia fefu nilaunia, ba horönia andrö nifazökhinia, ba noa sa mutanö ba zura hikaya razo mado Yuda. 18 Ba mate Manase, itörö lala ndra amania, ba ba lewatönia ba kabu Usa lako'o ia. Ba fangalinia razo, ba ononia Amoni.
Razo Gamoni, same'e-me'e adu
editIII. 19 Dua wulu a rua fakhe Gamoni, me tobali razo ia, ba ha mendrua fakhe razo ia ba Yeruzalema. Ba töi ninania, ba Mesulemeta, ono Harusi, banua Yotiba. 20 Ba si fatuwu khö Yehowa ilau, 21 nifolau namania Manase, itörö sibai lala nitörö namania mege, ifosumange nadu andrö nifosumange namania, ba da'ö mangalulu ia, ba i'erogö Yehowa, 22 Lowalangi ndra tuania, ba lö itörö lala andrö khö Yehowa. 23 Ba mamagölö genoni Gamoni, ba wamunu ya'ia, ba labunu razora andrö, ba gödonia. 24 Ba maoso niha ba danö, ba lahori zi no mamagölö mege, ba wamunu razo, Amoni; ba ononia Yosia labali'ö razo, fangalinia, niha ba danö. 25 Ba hadia na ena'ö nidunö-dunö, ba khö Gamoni andrö, ba hadia ia fefu nilaunia, ba noa sa mutanö ba zura hikaya razo mado Yuda. 26 Ba ba lewatö namania, ba kabu Usa, lako'o ia; ba fangalinia razo, ba ononia Yosia.[9]
Famotokhi ba gahe
editFabaliŵa lala
editOlayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö