Fao na ira Geliya Gelisa ba tehalö miyaŵa ba zorugo Geliya edit
I. 1 Ba me edöna i'ohe ba zorugo Geliya Yehowa, si fao fe'ugu-ugu mbanua, ba iheta ia ba Giligala Eliya, awö Gelisa.[1] 2 Ba imane Eliya, awö Gelisa: I'agö da'e, noa sa iŵa'ö khögu Yehowa we'amöi ba Mbetieli. Ba imane khönia Elisa: Faya wa no sauri Yehowa ba faya, wa no sauri ndra'ugö, na fabalido khöu: Ba lasaŵa mitou Mbetieli. 3 Ba möi baero khö Gelisa nono zekola zama'ele'ö andrö, si so ba Mbetieli, ba lamane khönia: Hadia no aboto ba dödöu, wa edöna Yehowa i'ohe yaŵa zokhö ya'ugö, iheta khöu ma'ökhö! Ba imane: U'ila göi, böi manö mihede-hede! 4 Ba imane khönia Eliya: He Elisa, iagö da'e, noa sa iŵa'ö khögu we'amöi ba Yerikho Yehowa! Ba imane khönia: Faya wa no sauri Yehowa ba faya wa no sauri ndra'ugö, na fabalido khöu! Ba larugi Yerikho. 5 Ba la'ondrasi Gelisa ono zekola zama'ele'ö ba Yerikho, ba lamane khönia: Hadia, no aboto ba dödöu, wa edöna Yehowa i'ohe yaŵa zokhö ya'ugö, iheta khöu, ma'ökhö? Ba imane: U'ila göi, böi manö mihede-hede! 6 Ba imane khönia Eliya: Iagö da'e, noa sa iŵa'ö khögu we'amöi ba Yoridano Yehowa. Ba imane: Faya wa no sauri Yehowa ba faya wa no sauri ndra'ugö, na fabalido khöu! Ba fao ira. 7 Ba lima wulu ono zekola zama'ele'ö zi möi, la'agö ngai lala, aröu ma'ifu; ba möi ba mbewe Yoridano zi darua. 8 Ba ihalö mbarunia sebua Eliya, igölugö ba i'amözi'o idanö. Ba fabali nidanö ba latörö si darua, no sabe'e tanö. 9 Ba me no larugi si yefo, ba imane Eliya khö Gelisa: Andrö hadia nilaugu khöu, gasa-gasa wangeheta ya'o khöu. Ba imane Elisa: Yatefodua winaeta khögu Gehehamö! 10 Ba imane Eliya: Safökhö ni'andröu! Na ö'ila ndra'odo, na teheta ndra'o khöu, ba tebe'e khöu da'ö; ba na lö ö'ila ndra'odo, ba lö itörö. 11 Ba me la'owaö-waö'ö wamatunö da'ö, ba hiza gureta alitö ba kudo alitö, ba fabali zi darua ibe'e, ba numalö miyaŵa ba zorugo Geliya ba fao we'ugu-ugu mbanua. 12 Ba i'ila Elisa, ba mu'ao ia, imane: He amagu! he amagu! kureta ba si fakudo [ndra'ugö], ba Ndraono Gizeraeli! Ba lö'ö sa'ae oroma ia khönia. Ba ituyu nukhania, isika, ifabali.[2] 13 Ba ihalö mbaru Geliya, baru sebua, si no aekhu tou khönia, ba mangawuli ia, möi ia ba mbewe Yoridano. 14 Ba ituyu mbaru Geliya andrö, si no aekhu tou khönia, ba i'amözi'ö idanö, imane: Ba heza so Yehowa, Lowalangi Geliya andrö? Ba me ibözi nidanö, ba fabali, ba itörö Elisa.
La'alui ia ono zekola zama'ele'ö edit
II. 15 Ba me larongo da'ö ono zekola zama'ele'ö, si yefo ba Yerikho, ba lamane; No ahono khö Gelisa geheha Geliya! Ba lafaondragö ia, lafaöndrö ira fönania, irugi tou danö. 16 Ba lamane khönia: Hiza, so ba da'e zabölö, lima wulu, enoniu; hana na möi da'ö, ba wangalui sokhö ya'ugö; ma dania no i'oloi'ö ia Eheha Yehowa; ma no ifazaumba ba hili, heza, ba ma ba ndraso, heza ia. Ba imane: Böi mifatenge! 17 Ba me laforege sibai khönia, ba imane: Ba mifatenge! Ba lima wulu lafatenge niha, sangalui ya'ia, tölu ngaluo, ba lö lasöndra. 18 Ba lafuli ira khönia — ba Yerikho na sa so ia — ba imane khöra: Tenga no uŵa'ö khömi: Böi mi'ae'e?
Tandra, nifazökhi Gelisa ba Yerikho ba ba Mbetieli edit
III. 19 Ba lamane banua Yerikho khö Gelisa: Si sökhi sa naha mbanua, ö'ila, ya'ugö Tua, ba idanö, ba lö sökhi; soso wa'adudu dalu ba danö andre. 20 Ba imane: Mihalö khögu wiga si bohou ba milau yaŵa nasio. 21 Ba lahalö khönia. Ba möi ia mitou ba gumbu nidanö, ilau bakha nasio andrö, ba imane: Da'ö niŵa'ö Yehowa: No uheta wökhö ba nidanö andrö, lö'ö sa'ae möi famunu, ba lö'ö sa'ae ibe'e adudu dalu. 22 Ba tobali sökhi nidanö andrö, irugi ma'ökhö andre, itörö niŵa'ö Yehowa, nifa'ema Gelisa. 23 Ba mofanö ia, isaŵa misi yaŵa Mbetieli. Ba me ba lala miyaŵa; ba mbanua so ia, ba so moroi yomo ndraono, la'o'aya ia, lamane: Ae miyaŵa, si mate batule! Ae miyaŵa, si mate batule![3] 24 Ba ibali'ö ia furi; ba me i'ila ira, ba i'elifi ira ba döi Yehowa. Ba so moroi ba gatua mberua si alawe, dua geu, ba 42 lasasawi iraono andrö. 25 Ba i'otarai da'ö, ba isaŵa hili Garemeli, ba moroi ba da'ö ifuli ia ba Zamaria.
Famotokhi ba gahe edit
Fabaliŵa lala edit
Olayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö