Razo Yoyaki ba Yoyakhi edit
I. 1 Ba götö Yoyaki so moroi si yaŵa Nebukanesa, razo Mbabeli,[1] ba möi barö mbawania Yoyaki, medölu fakhe, 2 ba aefa da'ö, ba ifuli iheta ia. Ba ifa'amöi khönia zanuwö Yehowa, Dawa Galedaia ba Dawa Garamo ba Iraono Moabi ba Iraono Gamoni; da'ö nifatenge Yehowa sanuwö mado Yuda, ba wamakiko ya'ira dali niŵa'ö Yehowa, nifa'ema genoninia, sama'ele'ö andrö. 3 Fönu Yehowa, wa ifatörö khöra da'ö, wangeheta ya'ira ba duduma hörönia, börö horö Manase andrö, dali nilaunia andrö, fefu;[2] 4 ba do zi lö horö andrö, nibe'enia aduwa, wa no anönö Yeruzalema do zi lö horö ibe'e — da'ö zi lö edöna ibe'e aefa khönia Yehowa. 5 Ba hadia na ena'ö nidunö-dunö ba khö Yoyaki, ba hadia ia fefu nilaunia, ba noa sa mutanö ba zura hikaya razo mado Yuda. 6 Ba mate Yoyaki, itörö lala ndra amania, ba fangalinia razo, ba ononia Yoyakhi. 7 Ba lö'ö sa'ae möi miyaŵa razo Miserayi, lö'ö sa'ae iröi danönia, me no ibe'e barö mbawania razo Mbabeli danö ma'afefu, i'otarai nidanö Miserayi andrö, hadia zi so barö mbawa razo Miserayi mege, numalö ba mbewe Oifarati. 8 Meweŵalu fakhe Yoyakhi, me tobali razo ia, ba ha tölu waŵa razo ia ba Yeruzalema. Ba töi ninania, ba Nehusa, ono Gelenata, banua Yeruzalema. 9 Ba si fatuwu khö Yehowa ilau, nifolau namania, fefu hadia ia.
Ibörötaigö i'oloi'ö ba Mbabeli mado Yuda Nebukanesa edit
II. 10 Ba me luo da'ö, ba so moroi si yaŵa genoni Nebukanesa, ba wanuwö Yeruzalema, ba lafa'u'u mbanua. 11 Ba me ilau ba Yeruzalema Nebukanesa, razo Mbabeli, me no lafa'u'u enoninia andrö, ba möi baero Yoyakhi, 12 razo mado Yuda, i'ondrasi razo Mbabeli, ya'ia ba inania ba enoninia ba kumandra khönia ba mandru yomo khönia. Ba itaha ia razo Mbabeli, me no alua mewitu fakhe razo Nebukanesa. 13 Ba ihalö fefu girö-girö ba gosali Yehowa razo Mbabeli, awö girö-girö ba gödo razo, i'ohe, ba ahori ifufu gama-gama ana'a andrö, nifazökhi Zelomo, razo Ndraono Gizeraeli, ba gosali Yehowa, itörö nidaö'ö-daö'ö Yehowa mege.[3] 14 Ba banua Yeruzalema ma'afefu ba kumandra fefu ba salaŵa, fefu, 10.000, ba i'oloi'ö, awö dozi ziambu, tuka zi'öli fefu; lö nisaigö, ha niha si numana, ba danö. 15 Ba i'ohe ba Mbabeli Yoyakhi razo Mbabeli; ba ina razo ba fo'omonia ba mandru yomo khönia ba salaŵa ba danö, ba ifara'u'ö ba i'oloi'ö ba Mbabeli, i'otarai Yeruzalema.[4] 16 Ba dozi solohe baluse, 7.000, ba siambu ba tuka zi'öli, 1.000, oi solohe baluse — i'oloi'ö ba Mbabeli razo Mbabeli.
Razo mado Yuda Zedekia edit
III. 17 Ba ibali'ö fangali Yoyakhi razo nama Yoyakhi si akhi, Matania, ba ifalalini döinia, Sedekia ibe'e töinia. 18 Dua wulu a sara fakhe Zedekia andrö, me tobali razo ia, ba mewelezara fakhe razo ia ba Yeruzalema. Ba töi ninania, ba Hamutala, ono Yeremia, banua Libena.[5] 19 Ba si fatuwu khö Yehowa ilau, nifolau Yoyaki, fefu hadia ia.[6] 20 Börö sa wönu Yehowa andrö, wa itörö Yeruzalema, awö mado Yuda, da'ö, irege itibo'ö ira, irege iheta ira ba duduma hörönia. Ba fabali khö razo Mbabeli Zedekia, molaŵa.[7]
Famotokhi ba gahe edit
Fabaliŵa lala edit
Olayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö