Wb/nia/Yobi/7

I. Mangarö-ngarö Yobi ba wamakaonia ba ba wamakao niha bö'ö

1 "Hadia, tenga amaedola halöŵö zanuwö halöŵö niha ba guli danö, ha hadia, lö itörö nitörö genoni? 2 Si mane sawuyu sihulu tödö, ba we'amöi ba lumö ba si mane enoni, si döna-döna luonia, 3 si manö wa no mutörö khögu mbaŵa wamakao, awö wa no te'erai khögu mbongi wa'afökhö. 4 Na möido mörö, ba umane: Ha wa'ara dania maosodo? Ba ara zi bongi, ba atage ndra'o wombali-mbali ya'odo, irege ibörötaigö moluo. 5 Balu-balu nösigu gukuö ba goa-goa, si hulö danö; molawa kuligu, ba ifuli atöla. 6 Alio welalö mbaŵagu, moroi ba zi'ua ba zanoso; taya-taya manö, lö tötönafö.

II. Fe'angaröfi li Lowalangi, ena'ö ihakhösi tödö ia

7 Törö-törö tödöu, wa no hulö nangi we'asogu ba guli danö! Lö'ö sa'ae ifuli i'ila wa'ohahau dödö hörögu andre. 8 Hörö zangila ya'odo iada'e, ba lö'ö sa'ae i'ilado dania; na i'alui ndra'o höröu, ba lö ya'odo sa'ae. 9 Si mane lawuo si taya ba silalö misa, si manö wa lö mangawuli miyaŵa zi no numalö ba mbanua tou. 10 Lö'ö sa'ae ifuli ia ba nomonia, ba lö'ö sa'ae i'ila ia nahiania mege. 11 Ba lö'ö sa göi utenaŵa mbewegu, muhede ndra'o, ba wa'atosasa dödögu andre, ba mangarö-ngarödo, ba wa'abu dödögu. 12 Hadia, asi ndra'odo, ba ma hiu, wa öfataro zanaro ya'odo? 13 Na umane dödögu: Fondrara dödögu dania kasogu, itolodo wolu'i famakaogu kasogu andrö, 14 ba ökeani ndra'o fangifi ba öfeta'udo angilata, 15 tobali omasido, na nitögi bagi ndra'o, omasido wa'amate, moroi ba zi no hato töla andre. 16 Ariri manö ndra'o, tenga sauri si lö aetu ndra'odo: böhöido, angi sa we'asogu ba guli danö! 17 Hadia niha, wa no ebua ia ba dödöu, wa no soso dödöu ia? 18 Wa ö'erogö mahemolu, wamaigi-maigi ya'ia, wa lö aedu'aedu ötandraigö ia? 19 Ha wa'ara dania ö'efa'ö höröu khögu; ha wa'ara lö'ö manö öböhöido, irege utölö gilogu? 20 Na so horögu — ba hadia nilaugu khöu, ya'ugö sihörö-hörögö niha? Hana wa öbali'ö tandrösa ndra'o khöu, irege abua ndra'o khögu? 21 Ba hana wa lö öbe'e aefa khögu horögu, hana wa lö öheta lalögu? Ufalögu sa'ae ndra'o tou, ba gawu-gawu, ba na ö'alui ndra'o, ba lö ya'odo sa'ae."

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö