I. Fa'ohahau dödö Yobi föna
edit1 Ba itohugö huhuonia Yobi, imane: 2 "Ena'ö na si mane me baŵa föna ndra'odo, si mane me luo irorogö ndra'o Lowalangi, 3 me ihagaini högögu sulunia andrö, me ba hagania utörö zogömi-gömi andrö, 4 si mane me baŵa lökhö khögu, me ilumö'ö nosegu fahuwusa Lowalangi,[1] 5 me fao-fao na khögu Zi lö ambö fa'abölö, me so ba ngaigu na nonogu matua; 6 me ufemondrimondri gahegu ba zusu zaŵi, ba me mo'elea fanikha gara ba hili, ba ngaigu;[2] 7 me möidomöido barö mbawa göli ba mbanua, me baewalinia ube'e dadaomagu. 8 Na la'ila ndra'o ono matua, ba labini'ö ira, ba satua, ba maoso ba muziozio. 9 Salaŵa, ba labato huhuo, la'okhö mbawara. 10 Si lö li sa'ae zebua töi, falemba ba gararora lelara. 11 Na irongo [ligu] tögi dalinga niha, ba ifahowuhuwu'ö ndra'odo; ba na i'ilado hörönia ba ifaduhu'ö ndra'o.
II. Fa'oböwönia ba fa'atulö Yobi
edit12 Me no sangorifi sebua famakao ndra'odo, na mangarö-ngarö ia, awö zi lö ama, si lö ina, si lö sanolo.[3] 13 Lafahowu-howu'ö ndra'o si tekiko mena'ö, ba owua-wua dödö zi no mate ira matua, ube'e. 14 U'onukha wa'atulö, ba amaedola i'onukha ndra'o fa'atulö andrö; hulö mbaru sebua ba hulö zaembu oti khögu wa'adölö dödögu andrö. 15 Ba zi lö hörö, ba hörö ndra'odo, ba ahe ndra'o ba zi no ombuyu-mbuyu töla. 16 Ama ndra'o ba zi numana, ba u'alui lala ba huhuo zi lö irai fa'ila li ndra'odo. 17 Urasa zimbi zamakao awönia, ba usöbi ba niföra gondra'uara.
III. Fa'asalaŵa Yobi mege
edit18 Ba umane dödögu: 'Ba zinga gazunigu andrö mate dania ndra'o, ba fa'anau noso wofo fenisi wa'anau nosogu. 19 Molala nidanö ba ŵa'agu, ba mörö namo mbanua ba ndrahagu. 20 Mangalingali wa'ebua döigu andrö, ba ifulifuli bohou wanagu andrö, ba dangagu.'[4] 21 Khögu lafondrongondrongo ba mombasembase, ba lö hede-hedera, na ufolala hadia ia. 22 Na no fahuhuo ndra'odo, ba lö hede-hedera sa'ae; amaedola zowoi khöra moroi yaŵa huhuogu andrö.[5] 23 Labazebaze'ö ndra'o, amaedola wombase'ö teu, lafaboka mbawara, si mane ba deu sara andrö. 24 No uboho mbawagu wa'iki khöra, na no aragu-ragu dödöra; ba lö irai labe'e taya wehaga mbawagu andrö. 25 U'alui lala khöra, dumadaodo salaŵara, si mane razo ba hunö zabölö, si mane sondrara tödö zabu tödö."
Famotokhi ba gahe
editFabaliŵa lala
editOlayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö