I. Mangarö-ngarö sibai Yobi khö Lowalangi edit
1 "Anuzu dödögu wa'aurigu, ba lö ubato wangarö-ngarö, humede ndra'o, ba wa'afökhö bakha dödögu. 2 Umane khö Lowalangi: Böi etu'ö hukugu; farongogö khögu, hadia mbörö, wa no hulö ösuwö ndra'odo. 3 Hadia, sökhi dödöu, na öfakao niha? na ötibo'ö niwöwöi dangau, ba na ötehe nikhoi dödö zebua horö? 4 Hadia, no hörö nösi niha höröu, ba no famaigi niha wamaigiu? 5 Hadia, ha fa'anau noso niha wa'anau nosou; hadia, ha sagötö niha götöu? 6 Wa ö'alui lalögu, wa ö'obini horögu? 7 He ŵa'ae no ö'ila, wa si lö horö ndra'odo, awö wa no lö sangefa'ö [ya'o] ba dangau. 8 No tangau zomböi ya'o, nihaogö, botogu ma'asambua — ba hadia, öfakiko ndra'odo?[1] 9 Törö tödöu, wa no öfazökhi ndra'o, amaedola wamöbözi la'uri, ba hadia, öfuli öfufu ndra'odo?[2] 10 Hadia, tenga no öfaduwa tou ndra'o, amaedola wamaduwa susu, ba tenga no abe'e ndra'o hulö kezu, öbe'e?[3] 11 No öfobalu-balu ndra'odo uli ba nagole, ba no öbe'e dayadayania döla ba uo. 12 No öfonoso ndra'o ba no falukhado wa'ebua dödö khöu, ba no öfaigi-faigi ndra'o, no ororogö hanu-hanugu. 13 Ba no öbini'ö da'ö ba dödöu; u'ila wa no nikhoi dödöu zi manö: 14 Na molalö ndra'o, ba ödarodarogö, ba lö zi lö ö'otu'ö ndra'o ba horögu. 15 Na so horögu ena'ö, ba alai ndra'o! Ba he si lö sala ndra'o, ba lö'ö zui ufaöga mbawagu, ya'odo si no fahöna fa'aila, ba sanehenehe famakao! 16 Ba na maöga mbawagu, ba ögohi ndra'odo, timba wolohi zingo, ba ö'oromaroma'ö ba khögu andrö wa'abölöu ba wolau sahöli-höli dödö.[4] 17 Lö öbato wama'aso sasi, udugu, ba öhöna wönumö khögu, mangalingali manö zanuwö ya'odo, öbe'e.
II Ifuli i'elifi wa'atumbunia edit
18 Hana wa no ösöbi ndra'o moroi ba dalu ninagu? Ena'ö na mate mege ndra'o, fatua lö i'ilado hörö niha![5] 19 Ena'ö na hulö zi lö irai alua ndra'odo, ena'ö na nidölö ba lewatö ndra'o, i'otarai dalu ninagu! 20 Lö anau tö nosogu — ba yamuböhölido, yamu'erogö ndra'o, fa ohahau dödögu, ma'ifu, 21 gasa-gasa usaŵa zi lö fangawuli, tanö sogömi-gömi, si so lumö wa'amate, 22 tanö nihawui fa'ogömi-gömi, si mane na talu mbongi, si göna lumö wa'amate ba si fakuyu manö; hagania, ba no si mane talu mbongi."
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö