Wb/nia/Yobi/38

< Wb‎ | nia‎ | Yobi
Wb > nia > Yobi > 38

I. To'ele Yehowa ba mbanua ba ifahede Yobi

edit

1 Ba humede Yehowa khö Yobi ba we'ugu-ugu mbanua, imane:[1] 2 "Ha niha ba da'ö, zamalugö tödö [gu] andrö fehede si lö fa'aboto ba dödö?[2] 3 Faoso, amöbö talu, si mane ira matua, ba uzofu-zofu khöu, ba öfahaö ndra'odo!

II. Ituturu khönia halöŵö Lowalangi si tebai aboto ba dödöda

edit

4 Heza so ndra'ugö, me ulata danö? Ombakha'ö, na so wa'aboto ba dödöu.[3] 5 Ha niha zi honogöi su'ania — na ö'ila ha niha zamatörö khönia fanu'a! 6 Hadia dayadaya gehomonia, ba ha niha zame'e tou toyo ba watalinga. 7 Me ma'iki-iki madala andrö fefu, ba me owua-wua dödö nono Lowalangi, dozi.[4] 8 Ha zame'e ba'a-ba'a nasi, lagö mbawandruhö, me alua ia, me böla ia, timba ba dalu nina,[5] 9 me ube'e nukhania lawuo, ba me ube'e lölönia zogömi-gömi sibai? 10 Me ufakhoi wondregenia ba me ube'e lagö mbawandruhönia, fabaya lazi. 11 ba me umane: "Ba da'e örugi ba lö ösawö, ba ba da'e aboto ndrulumö andrö, si no fayaŵa!"[6] 12 Hadia, no örai öbe'e goroisa ba zi moluo andrö, no örai öŵa'ö naha wa'oyo mbanua na mahemolu mbanua, 13 ena'ö itugelai wondrege danö, ba ena'ö tetimba tou zolau si lö sökhi? 14 Tobali si mane galögalö andrö ba dandro, ba hulö nukha fefu, hadia ia. 15 Ba aböda haga ba zolau si lö sökhi, ba terasa da'io, si no mu'oro'ö. 16 Hadia, no örugi dawuyu andrö ba nasi, ba hadia, no mowaö-waö'ö ba doyo namö? 17 Hadia, no teboka khöu mbawandruhö ba wa'amate, ba hadia, no anehe'ö mbawa göli mbanua tou, si no ogömi-gömi sibai? 18 Hadia, no irugi höröu wamaigi fa'ebolo danö? Ombakha'ö, na no ahori ö'ila da'ö?

III. Fa'asalaŵa Lowalangi ba famatörönia fefu hadia ia

edit

19 Heza ato so lala ba zonahia haga, ba fa'ogömi-gömi andrö — ba heza ato so nahiania? 20 Fa ö'ohe ba kandrania, fa ö'ila lala ba nomonia? 21 Ö'ila, me luo da'ö sa tumbu ndra'ugö; no ara ndra'ugö ba guli danö. 22 Hadia, no örugi zi fahöna teu si baku andrö, ba no ö'ila halasa deu kara, 23 nihönagu, ba mbaŵa wamakao dania, ba mbaŵa wasöndrata, ba mbaŵa wanuwö?[7] 24 Heza so lala ba zi fabali haga, ba zi otarai angi timu andrö, wanörö uli danö misa. 25 Ha zamatörö lala deu, awö lala gari mbanua andrö, 26 ba wame'e aekhu deu ba danö si lö niha, ba danö si mate, si lö banua niha, 27 ba wangabusoi'ö si lö sinanö ba tanö si mate, ena'ö ifuli tumbu ndru'u?[8] 28 Hadia, so nama deu andrö, ba ha niha nama mböiböi namo andrö? 29 Ha niha zi adonogö idanö sabe'e andrö, ba ha ono namo si baku moroi yaŵa ba mbanua. 30 Abe'e nidanö, timba gara, ba fadoro wa'abe'e dete nasi. 31 Hadia, ö'ila öfaböbö "zara" andrö, ba ö'ila ötoto'ö wesu "zi tölu". 32 Hadia ö'ila ö'ohe baero ndröfi sebua andrö, na inötö, ba samatörö "berua" andrö, awö nononia, ndra'ugö? 33 Hadia, ö'ila nifakhoi andrö si yaŵa ba mbanua; hadia, no ya'ugö zamakhoi famatörönia uli danö? 34 Hadia, mu'ao ndra'ugö ba lawuo, ena'ö ihawui ndra'ogö teu sabölö-bölö? 35 Ya'ugö zolau gari mbanua, ena'ö itörö ba ena'ö imane khöu: Ya'e ndra'o? 36 Ha zame'e ba mbua [niha] fa'atua-tua ba ha niha zamotödö zilatao?[9] 37 Ha zangofaya lawuo ba wa'atua-tuania, ba asoa andrö ba mbanua si yaŵa, ba ha zamatutue? 38 Fa farafö tou gawu-gawu, fa fakhitö danö sabe'e. 39 Hadia, ahulu ndra'ugö ö zi alawe zingo, ba döhö wangisö nono zingo öbe'e,[10] 40 na laköŵö ira ba nahara, na manaronaro ira ba ndru'u?[11] 41 Ha zangasiwai gö gaga, na la'angaröfi li Lowalangi ononia, na manörö-nörö ira lö ö?"[12]

Famotokhi ba gahe

edit
  1. RazI 19:11; Hez 1:4
  2. Faigi 42:3
  3. Amaed 30:4
  4. Sin 19:2
  5. Amaed 8:29
  6. Yer 5:22
  7. Yos 10:11; Yes 30:30
  8. Sin 107:35
  9. Faigi 32:8
  10. Sin 104:21
  11. Sin 10:9
  12. Sin 147:9

Fabaliŵa lala

edit

Olayama Yobi: 123456789101112131415161718192021222324252627282930313233343536373839404142

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö