Wb/nia/Yobi/21

< Wb‎ | nia‎ | Yobi
Wb > nia > Yobi > 21

I. Ena'ö na lafondrondrongo khönia awönia andrö

edit

1 Ba itema linia Yobi, imane: 2 "Mifondrondrongo, mifondrondrongo ligu andre! ya salahi wondrarami tödö da'ö. 3 Böi abua khömi ndra'odo, na humededo, ba na aefa wehedegu, ba hana na ö'o'aya ndra'o. 4 Hadia, ba niha, wa mangarö-ngarö ndra'odo, ba hana wa lö ambö wa'ebolo dödögu? 5 Minehegö ndra'o, ba ya tobali dödömi, ba mi'okhö mbawami! 6 Na itörö tödögu ine, ba tokeado, ba humokha mbu nösigu.

II. Sebua horö zohahau tödö ba guli danö andre

edit

7 Hana wa anau noso zanao horö, hana wa sara ba guli danö ira, ba hana wa itugu abölö ira.[1] 8 Sabölö nga'ötöra ba ngaira, ba zanehe ira, madoura andrö, la'ila-ila. 9 Lö hadihadia ba nahiara, lö ameta'uö: lö tohare khöra mbözi-bözi khö Lowalangi. 10 Saŵi si matua khönia [khö zanao horö andrö] ba fahömba ba ma'ono, sökhi wo'ono zigelo zaŵi khönia, ba lö saekhu. 11 Ladudu nono matua khöra, timba mbiri-biri, mamaröga misa ndraonora. 12 Manunö ira, labözi garamba ba lalau mbiola, la'omusoi'ö dödöra ba li zurune.[2] 13 Sagötö ya'ira, ba sohahau tödö ira; ba i'ogomuzaö dania, ba ahöndrö ira ba mbanua tou. 14 Ba noa sa lamane khö Lowalangi: 'Böi hatö'ögö khöma, lö omasiga aboto ba dödöma lala andrö khöu! 15 Ha niha Zi lö ambö fa'abölö andrö, wa möiga enoninia, ba hadia guna khöma, na ma'angaröfi li ia?' 16 Hiza, tenga moroi ba khöra wa'ohahau dödöra — ya aröu khögu dödö zebua horö andrö! 17 Ha ŵaraö ato mate wandru zebua horö, ha ŵara'ö itörö ira famakiko? Ha ŵaraö ilau wesu khöra ba wönunia?[3] 18 Ha ŵaraö hulö döla wakhe ira ba nangi, hulö ndrami, ni'oloi'ö nangi sabölö?[4] 19 [Ba mimane:] 'Ibe'e yaŵa Lowalangi wamakikora, nifatörö ba nonora dania'. Khönia yamube'e zulö, ena'ö i'ila wa'afökhö![5] 20 Ena'ö hörönia zangila famakikonia andrö, ena'ö na ya'ia zamadu fönu Zi lö ambö fa'abölö andrö! 21 Hadia, abu maö dödönia nga'ötönia, na no mate ia, na no aetu mbaŵania andrö? 22 Hadia ta'atua-tua'ö Lowalangi andrö, sanguhuku si so ba zorugö?[6] 23 Si samösa, ba mate na hino wa'abölö na, lö'ö na hadia ia, lö fangabu dödö; 24 mo'ösi na susu rumbi andrö khönia, famo'ösi dölania uto. 25 Ba si samösa, ba mate abu dödö, lö irai i'ila wa'ohahau dödö. 26 Ba no faedo ira barö danö ba faoma tehawu ira kukuö.

III. Itimba wamu'a nawönia Yobi

edit

27 Hiza, u'ila gera-erami, awö nikhoi dödömi andrö, wamalangögö ya'odo. 28 Na mimane: 'Heza so nomo zi faitoisi awönia, ba heza so nose andrö, nahia zebua horö mege?'[7] 29 Ba misofu manö ba zanörö lala, — tebai zi lö faduhu dödömi ba ni'ombakha'öra — 30 wa lö si göna hadia ia niha si lö sökhi, me baŵa wamakao, wa no te'ohe misa, me baŵa wa'atesao wönu.[8] 31 Ha niha zame'e famago mbawania bua-buania andrö? Ba na no ilau hadia ia, ba ha niha zanulöni khönia? 32 Ba lewatö te'ohe ia, ba sanaro na ia ba dete lewatö. 33 Ba okafukafu khönia danö ba ndraso, ba solo'ö ya'ia dozi niha, si mane si no mowaö-waö, si lö mutaha mu'erai. 34 Ba hadia wa mirara dödögu faya-faya? Fanedemami andrö, ba ha sambalö si lö sökhi."

Famotokhi ba gahe

edit
  1. Yer 12:1
  2. Yes 5:12
  3. Faigi 18:6; 20:29
  4. Sin 1:4
  5. Faigi 20:10
  6. Faigi 15:12,13; Yes 40:13
  7. Faigi 18:15
  8. Faigi 15:32

Fabaliŵa lala

edit

Olayama Yobi: 123456789101112131415161718192021222324252627282930313233343536373839404142

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö