I. Mangarö-ngarö zui ia ba wa lö ahakhö dödö nawönia andrö edit
1 Ba itema linia Yobi, imane: 2 "Ha wa'ara na mibusi dödögu ba mirasa ndra'odo huhuomi andrö? 3 No mewulu sa'ae mitandraŵaisi ndra'o; lö aila ami mifakaodo. 4 Ba he meziŵa no molalö ndra'o, ba ha sambalö khögu mangawuli. 5 Na si ndruhu edöna fayaŵa ami khögu, ba mi'oroma'ö duruturu, börö wa'ailagu.
II. Ifuli ifa'ele'ö wamakaonia andrö edit
6 Ya'aboto ba dödömi, wa Lowalangi zamaöndrö ya'o, awö wa no ifa'u'u ndra'o u'önia andrö. 7 Hiza, mu'ao ndra'o, umane: 'Famakao!' ba lö samondrongo; u'andrö wanolo, ba lö folohe ba lala. 8 No iba'a lalagu, fa tebai utörö, no ihawui fa'ogömi-gömi döröŵagu.[1] 9 Sumangegu, ba no ituyu, ba saembu ba högögu, ba no iheta. 10 No ifasui ndra'o, wanudugö ya'odo ba taya ndra'o, ba no ideha dötönafögu, timba wondreha eu. 11 Humola wönunia khögu, ba ifaedogö ndra'o ba zi fa'udu khönia. 12 So moroi sa zanuwö andrö khönia, lafari lalara khögu ba lafasui nosegu olombaseŵara. 13 Talifusögu, ba no aröu ifabali khögu, ba no fabö'ö sibai khögu zi fahuwu khögu mege. 14 Lö'ö sa'ae möi khögu golembatagu, ba si no fa'ila li khögu, ba no olifu ira ndra'odo. 15 Moroi yomo khögu ba sawuyugu ono alawe, ba labe'e niha bö'ö ndra'odo, no Dawa ndra'odo wamaigira. 16 Na muhededo ba zawuyugu, ba lö itema ligu, na lö fakaodo khönia. 17 Ogoro ngambatögu hanu-hanugu, ba si manö dalifusögu, ono ninagu, ba wa'aböugu andre. 18 Numalö iraono, ba lö ba dödöra ya'odo; na maosodo ena'ö, ba lahede-hede'ö ndra'o. 19 Dozi la'ogorofi ndra'odo si no fahuwu sibai khögu mege, ba somasi ndra'o ba no tobali udugu.[2] 20 Falemba ba dölagu guligu ba nagolegu, ba hato uli ba mbohagu zauri.
III. I'andrö wa'ahakhö dödö nawönia edit
21 Mihakhösi tödö ndra'o, mihakhösi tödö ndra'o, ya'ami si fahuwu khögu, noa sa gönado tanga Lowalangi! 22 Hana wa migohido, si mane Lowalangi, ba hana wa lö abuso ami wanasawi ya'odo? 23 Ena'ö na tetanö ba zura ligu andre; ena'ö na lasura ba gara wanura, — 24 nisura fanura si'öli ba simo, nisua ba gara, si lö tebulö, irugi zi lö aetu! 25 Ba u'ila: sauri zangorifi ya'odo, ba ifazaŵa dania ia, safuria, yaŵa gawu-gawu andrö. 26 Ba na no adudu guligu andre, ba anehedo Lowalangi, lö ösigu andre! 27 U'ila dania ia, fangorifigu, hörögu ya'o zangila ya'ia, ba tenga niha bö'ö: ariri dödögu, barö dotogu! 28 Ba na mimane: 'He tawisa wolohi ya'ia?' na miwai, ba khögu so mbörö, 29 ba mi'ata'ufi mbawa zi'öli — fönu sa, ba horö zi'öli — ena'ö aboto ba dödömi, so huku."
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö