I. I'o'aya wa'atua-tuara andrö
edit1 Ba itema linia Yobi, imane: 2 "Ya'ia, si ndruhu ami, ba na mate ami dania, ba aetu wa'atua-tua? 3 Ba satödö göi ndra'odo, si mane ya'ami; tenga si tohude ami, moroi khögu, ba ha niha zi lö aboto ba dödö da'ö? 4 Aya zi fahuwu khögu sa'ae ndra'odo, ya'odo andre, nifondrondrongo Lowalangi, me u'angaröfi li ia; aya zatulö tödö ba si lö lalö![1] 5 Si göna famakao, ba lö ba dödö zohahau tödö — tetuli'ö na zi no mangiwa ahe. 6 Lö hadia ia ba nose zorabu, ba lö fa'abu dödö ba zangandrö fönu Lowalangi, samali'ö Lowalangira gokhöra.[2] 7 Ba sofu ato ba gurifö niha, ba lafahaö ndra'ugö, ba ba wofo ba dalu mbanua, ba la'ombakha'ö khöu. 8 Ba ma zui tanö tou öfaigi, ba ibotokhi ba dödöu; ba i'a ba nasi, ba latunö khöu. 9 Ha niha zi lö aboto ba dödö, ba da'ö fefu, wa no tanga Yehowa zamazökhi si manö. 10 Ya'ia andrö, si so ba danga noso zauri fefu, awö hanu-hanu nösi niha fefu? 11 Hadia, lö itandra daroma li tögi dalinga, si mane araro, na itandra wa'ami gö?[3] 12 Ba zi no tohare huwa so wa'atua-tua, ba ba wa'ara ba guli danö fao wa'aboto ba dödö.[4]
II. Ba ifa'ele'ö wa'atua-tua Lowalangi ba fa lö ambö wa'abölönia
edit13 Ba Khönia so wa'atua-tua ba fa'abölö; Khönia so lala dödö ba fa'aboto ba dödö. 14 Na idudugö hadia ia, ba tebai lafuli la'otomosi; nikurunia, ba lö'ö sa'ae te'efa'ö.[5] 15 Na iba'a nidanö, ba ogo'ö; ba na itöla'ö, ba aruru danö ibe'e. 16 Ba Khönia so wa'abölö ba fa'aro; Khönia zelungu, fabaya samöwöhö. 17 I'oloi'ö zalaŵa rafe, niheta gama-gama, ba awöhö mowa zanguhuku ibe'e.[6] 18 Itoto'ö wesu razo [famesura niha bö'ö] ba ifesu lafoyora, 19 I'oloi'ö gere, niheta baru, ba itimba zi no aro ŵa'a. 20 Ifa'afu mbawa zi no to'ölö ba huhuo, ba ibunu dödö zatua. 21 Ihawui fa lö ba dödö niha bö'ö zalaŵa, ba ilulu mböbö talu zabölö.[7] 22 Ibokai zi no tobini sibai ba zogömi-gömi, i'ohe ba zohaga zi so ba dalu zogömi-gömi.[8] 23 I'abölö'ö soi niha, ba ifuli ifufu; ato sibai ibe'e, ba ifuli ilulu, ni'oloi'ö. 24 Itayaigö dödö zalaŵa niha ba danö, selungu ira, ibe'e, ba zi lö lala, ba danö si mate.[9] 25 Labayaisi lalara ba zogömi-gömi sibai ba alau-lau ira, hulö zi mabu, ibe'e."
Famotokhi ba gahe
editFabaliŵa lala
editOlayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö