Wb/nia/Yobi/11

I. Itegu Yobi, me no itahigö Lowalangi

1 Ba itema li Yobi Sofari andrö, banua Na'ama, imane: 2 "Hadia, lö tadema-dema huhuo si no fahöna andrö, ba alakha lö tebu'a wehede zi beweasö andrö? 3 Hadia, lö'ö sa'ae hede-hede niha bö'ö ibe'e beweu andrö? Hadia, sango'aya ndra'ugö, ba lö la'ailasi'ö? 4 Ömane: 'Satulö niŵa'ögu ba lö salagu, na öfaigidö'. 5 Ba ena'ö na muhede Lowalangi, ena'ö na ifalua baeha niŵa'önia, famu'a wehedeu; 6 ena'ö na ifarongogö khöu zi no tobini andrö, fa'atua-tua, wa no mendrua manö wa'aduhu da'ö, — ba aboto ena'ö ba dödööe, wa i'osilömilagö na Lowalangi horöu ösa. 7 Hadia, ösöndra dödö Lowalangi, ba ökhamö wondrege andrö khö Zi lö ambö fa'abölö? 8 Italu'i mbanua si yaŵa — he öwisa? Abakha moroi ba mbanua tou — hadia nisöndrau? 9 No ebua moroi ba guli danö, ma'asagörö, ba no ebolo moroi ba nasi. 10 Na itörö, ba na ira'u niha, ba na ifalukha'ö zalaŵa rafe — ba ha niha zanenaŵa ya'ia? 11 Ya'ia zangila niha sofaya, oroma khönia horö, he lö ifaigi sibai. 12 Ba isöndra gera-era si lö tödö ba tobali niha nono galide gatua.

II. Na i'ide-ide'ö ia ena'ö, ba falukha ia wa'ohahau dödönia

13 Ba na ö'adölö'ö dödöu, na ö'oro'ö dangau khönia — 14 ba no falemba ba dangau horö, heta ia ba böi tehe zi lö atulö ba noseu! — 15 Ba tola sa'ae öfaöga mbawau, lö sala; si lö mangiwa ndra'ugö ba si lö fa'ata'u. 16 Ba taya sa'ae ba dödöu wamakao andrö; na itörö tödöu, ba hulö nidanö, si no ahele misa, öŵa'ö. 17 Ba mohaga dödöu, moroi na laluo, ba he na ogömi-gömi, ba si mane na moluo dania. 18 Ba ödöna-döna zi sökhi, me so na sa dötönafö; ba he na ödaro-darogö na, ba möi'ö manö mörö, lö abu dödöu. 19 Ba mörö-mörö'ö, lö si keani ya'ugö, ba ato zomasi mangai tödöu. 20 Ba hörö zebua horö, ba ariri; lö'ö sa'ae saŵatö khöra, ba tötönaföra, ba fa'aetu noso".

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö