Wb/nia/Yobi/6

I. Fa'abölö wamakao andrö khönia

1 Ba itema linia Yobi, imane: 2 "Ena'ö na latulo walösökhi-sökhi dödögu, ba ena'ö na labe'e ba wali'era wamakao andre khögu, 3 ba abua ena'ö, ta'ila, moroi ba wa'abua nene ba mbewe nasi, — andrö elungu-lungu ligu. 4 Noa sa tetaru ba nösigu nono wana Zi lö ambö fa'abölö: ibadu zöfunia tödögu, isuwö, ndra'odo ameta'uö andrö khö Lowalangi! 5 Hadia, mudele maö galide ba zabölö du'u, ba hadia mundröndrö zaŵi si matua ba zí sökhi gö? 6 Hadia, tola ta'a zi nami-namitö lö asio, ba hadia, ami zafusi gadulo? 7 Anuzu dödögu wanuyu ya'ia; ö sowoyu zi manö, uŵa'ö. 8 Ena'ö na itörö zomasido, ba ena'ö na ibe'e Lowalangi zihulu dödögu! 9 Ena'ö na nilau dödö Lowalangi ifufu ndra'odo, ena'ö na ifonumalö dangania, ba wangetu'ö ya'o! 10 Ba fondrara dödögu na atö [da'ö], — ba ufaröga ena'ö ndra'odo ba wa'afökhö andre, si lö fa'ahakhö dödö — wa lö urai uböhöli daroma li Ni'amoni'ö andrö. 11 Ba hadia ato wangabe'egu, wa mombase-mbase na ndra'o, ba he wisa wozu khögu, wa utaha manö dödögu? 12 Hadia, fa'abe'e gowe wa'abe'egu andrö, hadia, no töla garamba nösigu? 13 Hadia, tenga si lö'ö manö fangorifi ndra'odo; tenga no tetimba manö khögu we'e-we'e fefu?

II. Mangarö-ngarö ia ba wa'afaito nawönia andrö

14 Saragu-ragu tödö, ba no si nangea lahakhösi tödö awönia, he na iböhöli wangata'ufi Si lö ambö fa'abölö. 15 No lalimodo talifusögu, si mane mbombo, si mane ungo nidanö, si falawu. 16 No olotu idanö sabe'e, ilau ia bakha si baku deu. 17 Na aukhu zino khönia, ba ogo'ö; na abe'e lökhö, ba taya ba nahania. 18 Lahole'ö ira sikoli, lasaŵa miyaŵa danö si mate ba tekiko. 19 Lafaigi-faigi sikoli, banua Dema; sanörö, Dawa Zaba, ba ladöna-döna. 20 Ba tobali si lö boto wanötönara andrö; larugi, ba no saekhu ölö. 21 Si manö sa'ae ami khögu: mi'ila zata'u ita; ba humokha mbumi! 22 Hadia, no uŵa'ö: 'Mi'ohe khögu, ba mibe'e buala famawe'e gana'ami, khögu; 23 mi'efa'ö ndra'o ba danga zi fa'udu ba mihöli ndra'odo ba wa'abölö zamakao ya'o?' 24 Mifahaö ndra'o, ba ubato wehede, ba si no elungu ndra'o, ba mi'ombakha'ö khögu. 25 Hiza, taroma li si duhu, ba manandrösa! Ba hadia nitegu wanegumi andrö?! 26 Hadia, mitegu daroma li, niŵa'ö? — Fehede zaragu-ragu tödö, ba humombo ba nangi! 27 He ba zi lö ama si lö ina, ba milau fadahö-dahö ena'ö, ba si fahuwu khömi, ba mi'amawa. 28 Ba iada'e, ba mitöngöni ndra'odo; hadia, si ndruhu lö ata'udo ulimo ami. 29 Mitandraigö zamuza tö, böi mifatörö zi lö atulö; mifuli mitandraigö, atulö na khögu. 30 Hadia, so ba mbewegu zabila? Hadia, lö i'ila wamakiko ararogu?"

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö