I. I'andrö khö Yobi Elihu ena'ö na ifondrondrongo khönia edit
1 "Ba fondrongondrongo sa'ae huhuogu, ya'ugö Yobi, ba be'e mbörö dalingau ba daroma ligu andre fefu. 2 Hiza sa, ubokai mbawagu, ba muhede lelagu, barö gararogu. 3 Moroi ba dödö sadölö ligu andre; hadia ni'ila mbewegu, ba ifalua, sadölö. 4 Eheha Lowalangi zomböi ya'odo, ba hanu-hanu Zi lö ambö fa'abölö wamonoso ya'o. 5 Na ö'ila öbu'a niŵa'ögu, ba bu'a; fa'anö ndra'ugö udugu, faoso! 6 Hiza, no faoma ita khö Lowalangi, no fagölö-gölö mbörötada la'uri.[1] 7 Alakha lö tokea'ö, wangata'ufi ya'odo, ba lö'ö sa ilangö ndra'ugö fa'ebuagu.[2]
II. I'otu'ö niha Lowalangi ba wangehao ya'ia edit
8 Ba no urongo niŵa'öu — taroma liu andrö no urongo [me ömane]: 9 'Sohau-hau ndra'o, lö horögu; lö sinegu khögu ba lö lalö.[3] 10 Hiza, fatiusa ifakhai khögu, ibe'e udunia ndra'odo.[4] 11 Ibe'e ba galo gahegu; idarodarogö nitörögu fefu.'[5] 12 Hiza, da'ö zi lö atulö khöu, uŵa'ö khöu; noa sa ebua Lowalangi moroi ba niha. 13 Hana wa fasoso ndra'ugö khönia, wa no sambua lö itema liu? 14 Humede sa Lowalangi, samuza, mendrua — ba lö tatöngöni.[6] 15 Ba wangifi, ba gangilata ba zi bongi, na ihawui niha femörö sabölö-bölö, ba wemörö andrö ba gasora,[7] 16 ba da'ö ibokai dögi dalinga niha ba ifotandro wanegu ya'ira.[8] 17 Ba wanenaŵa niha, ba wolaunia andrö, ba ba wanimba ba ndra matua fayaŵasa. 18 Irorogö nosonia, fa lö aekhu ba dögi, fa lö aetu noso ba nono wana. 19 Ba te'otu'ö göi ia fa'afökhö, ba gasonia tou; lö mamalö-malö wasöndrata andrö ba dölania. 20 Ba ogoro ia gönia ibe'e nosonia andrö, anuzu dödönia zami khönia mege.[9] 21 Ariri nösinia, irege lö sökhi-sökhi sa'ae, timba zi lö oroma sa'ae nösinia andrö, si no oköliköli. 22 Tobali sahatö ba lewatö nosonia, no sahatö ba mbekhu samunu niha.
III. Na i'ide-ide'ö ia niha ba ifuli ifarongogö khönia wa'ebua dödö edit
23 Ba na so dania salahinia mala'ika si lului manguma'ö, awö ngahönö andrö, ba wanguma'ö lala ba niha,[10] 24 na ahakhö dödönia ia ba na imane: 'Orifi ia, ba böi fonumalö ia ba gohokoho; no utema höli',[11] 25 awena dania ifuli abe'e nösinia, timba nono matua, mangawuli ia ba götö wa'onomatua. 26 I'angaröfi li Lowalangi, ba ihakhösi tödö ia; ifa'ele'ö khönia mbawania, suwua-wua dödö niha, ba isulöni ba niha wolau-launia satulö andrö.[12] 27 Manunö ia, ba zi so niha bö'ö, imane: 'Noa sa ufazökhi horö, ba no ubila'ö lala, ba lö'ö sa musulöni khögu. 28 No i'orifi nosogu, lö ibe'e numalö ba gohokoho, ba omuso dödögu ba zohaga.' 29 Hiza, da'ö fefu ilau Lowalangi ba niha, irege mendrua, irege medölu, 30 ba wangefa'ö ba gohokoho nosonia, ena'ö humaga khönia haga ba wa'auri andrö.[13] 31 Töngöni, ya'ugö Yobi, fondrongondrongo khögu; böi hede-hede, hana na ya'odo zi fahuhuo! 32 Na so khöu daroma li, ba bu'a niŵa'ögu; hede manö, amasido wamu'au. 33 Ba na lö'ö, ba öfondrongondrongo khögu; böi hede-hede, ena'ö ufahaö ndra'ugö ba wa'atua-tua."
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö