Wb/nia/Yobi/39

Fa'atua-tua Lowalangi ba wamazökhi saliŵa-liŵa ba danö

1 "Hadia, ö'ila ginötö wo'ono nago, ba hadia, ötöngöni wa'afökhö hulu ba mböhö? 2 Hadia, ö'ofaya mbaŵara, ba ö'ila mbaŵa wo'onora? 3 Laköröbui ira, ba böla nonora, ba döhö wa'afökhö hulura. 4 Ba abe'e nonora, manöi ba ndru'u, moloi, ba lö'ö sa'ae mangawuli. 5 Ha zamoloi galide ndru'u ba ha zi dudu si so ba ndru'u andrö, 6 nibe'egu tanö si mate, ba we'aso ba da'ö, ba dekha mo'asio, nahiania? 7 Ma'iki ia ba gua-gua andrö yomo ba mbanua, ba fe'ao zamatörö, ba lö irongo. 8 Hadia ni'ilania ba hili, ba önia, ba i'alu-alui ngawalö ndru'u sauri, fefu. 9 Hadia, edöna möi ngoni-ngoniu göröbao ndru'u; hadia möi ia mörö ba kandra khöu? 10 Hadia, ö'ila öbe'e ba wesu göröbao ndru'u andrö, ba wanguhundra laza; hadia, igo'ögo'ö maö ndra'ugö, ba wonowi ba ndraso? 11 Hadia, ödöna-döna khönia, me no sabölö, ba öbe'e balazi ia halöŵömö andrö? 12 Hadia, ödöna-döna khönia i'ohe baose mbasitömö, i'ohe ba golayama mbasitö khöu? 13 Mangafongafo wofo ondra, omuso dödö; ba hadia, no afi dumbao ba bu dumbao [fofo si no ahono-hono]? 14 Tenga ya'ia; itou'ö manö tou ba danö gadulonia ba ifaukhu ba zogawu-gawu tou, 15 ba lö itörö tödönia, ma ihundragö sanörö ba ma amama ba gahe gutu ndru'u. 16 Safaito ia ba khö nononia, hulö zi tenga khönia; lö i'abusi tödö na zaya-zaya gölö wa'erege dödönia. 17 Noa sa lö nibe'e Lowalangi fa'atua-tua khönia; lö nifo'urakhania ya'ia tödö. 18 Ba na ifanoka ia, ba i'igi'igi'ö kudo, fabaya si fakudo ba hulu. 19 Hadia, ya'ugö zame'e fa'abölö ba kudo? Hadia, ya'ugö zamonukha baginia bu zöri sangafongafo andrö? 20 Hadia, ya'ugö zamanoka, fa amaedola kao mböhö? Sata'u ita wehöfuhöfunia andrö, si no ebua li! 21 Ikha'akha'ai danö ba ndraso; omuso dödönia, ba wa'abölönia andrö; ifaondragö zi no mangaro. 22 I'igi'igi'ö wa'ata'u, ba lö tokea, ba lö ibali'ö ia furi, na i'ila zi'öli. 23 Rumiti ba hulunia naha nono wana, ba takile doho ba kalakala. 24 Ikha'akha'ai tou danö, ba walö'ahono ba ba wofönu, ba lö ahono ia, na telau dorofe. 25 Ero na moli dorofe ba imane: 'Labu!' ba moroi ba zaröu i'ago wasöndrata; irongo we'ao zolohe, si ugu-ugu, ba fangahahagö andrö. 26 Hadia, ba wa'aboto ba dödöu andrö ifaliŵa gafinia fahaneŵa andrö, ba ibologö miraya? 27 Hadia, ba niŵa'öu isaŵa miyaŵa moyo, ba mangazuni ba zalaŵa yaŵa? 28 Ba dete gara ba hili i'iagö, ba da'ö monahia ia ba duturu gara, naha zanaro. 29 Moroi ba da'ö idaro-darogö gönia; ikhamö zaröu hörönia. 30 Ba labadu ndro ononia, ba ba zi so nibunu tou, ba da'ö so ia.

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö