I. Mangesa Yobi ba gamuatania mege edit
1 Ba itema li Yehowa Yobi, imane: 2 "U'ila, wa lö hadia ia, si tebai ndra'ugö, awö wa lö tödöu, si tebai öfalua. 3 'Ha niha zombalugö tödö [Lowalangi], niha sambö tödö andrö'? Andrö uŵa'ö, ba wa lö tödö andrö, ngawalö si tebai aboto ba dödögu, si lö u'ila watahögö.[1] 4 'Ba fondrondrongo, alakha ya'odo zihede; da'usofu khöu, ba öfahaö ndra'o.'[2] 5 Ha turiamö nirongogu mege, ba iya'e, ba no i'ila'ö hörögu! 6 Andrö ufuli ligu, ba mangesa dödögu, ba gawu-gawu tou ba ba nawu!"
II. Itegu zi fahuwu khö Yobi si datölu andrö Lowalangi edit
7 Ba me no i'o'ozui huhuonia andrö khö Yobi Yehowa, ba imane khö Gelifasi, banua Dema: "No tesao wönugu khöu ba ba zi fahuwu khöu andrö, si darua, me no tenga satulö huhuomi andrö, wamatou ya'o, no tenga si mane huhuo genonigu Yobi. 8 Ba mihalö nono zaŵi, fitu rozi, ba biri-biri si matua, fitu nga'eu, ba mi'ae khö genonigu Yobi ba mibe'e zumange nitunu, tana khömi, ba akha mangandrö genonigu Yobi, salahimi, me no ha sambalö famaigigu ya'ia, wa utaha na dödögu, ba wolau khömi, me no tenga satulö huhuomi andrö, wamatou ya'o, no tenga si mane khö genonigu Yobi."[3] 9 Ba möi ndra Elifasi, banua Dema, Bilidado, banua Zua, Sofari, banua Na'ama, la'o'ö niŵa'ö Yehowa khöra; ba ifondrondrongo khö Yobi Yehowa.
III. Ifuli ohahau dödö Yobi edit
10 Ba ifadöhö wamakao Yobi andrö Yehowa, me mangandrö ia salahi zi fahuwu khönia andrö; ifabali sa'ae khö Yobi fefu zi so khönia föna.[4] 11 Ba möi khönia dalifusönia fefu, matua ba alawe, awö zi no fa'ila li khönia mege, fefu, manga ira khönia, ba nomonia, lafa'ele'ö wa'ahakhö dödöra, ba larara dödönia ba wamakao andrö fefu, nifatörö Yehowa khönia; ba mamuala ira khönia, sagörö hua balaki ba sambua laeduru ana'a zamösa. 12 Ba abölö ifahowu'ö Yobi Yehowa ba zi tosai noso Yobi, moroi me föna; falukha ia mbiri-biri, 14.000 nga'eu, ba ondra, 6.000 nga'eu, ba saŵi, 1.000 fasa, ba kalide si alawe, 1.000 nga'eu. 13 Ba tumbu khönia ndraono, 7 nono matua ba 3 nono alawe; 14 ba töi zi sambua khönia, ba Yemima ba si sambua, ba Kasia, ba si akhi, ba Kerene-Hafukha. 15 Ba ba danöra ma'asagörö, ba lö ira alawe si manö fa'asökhi bawa, si mane ono Yobi; ba ifanema ira ondröita amara, ba ngai dalifusöra matua.[5] 16 Ba aefa da'ö, ba 140 fakhe tö noso Yobi, ba tölu nga'ötö i'ila ma'uwunia. 17 Ba mate Yobi, me no atua sibai ia ba me no aföli ia wa'auri.[6]
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö