I. Itunö wamakaonia Yobi edit
1 "Ba iada'e, ba la'igi'igi'ö ndra'odo si akhi moroi khögu, ba ira amara, ba no si tenga si nangea ube'e awö nasu gubalo khögu. 2 Ba fa'abölö dangara, ba hadia guna khögu? Sariri so ato ira.[1] 3 Soköliköli sa'ae ira, ba wa'ambö gö ba ba wa'olofo, la'ö'ökhi danö si mate, si bongi ba zasai'ö ba ba ndrekha. 4 Lakhete mbulu ndru'u, ba ŵa'a da'uli göra. 5 Latimba ira niha bö'ö; mu'ao ba khöra andrö, hulö ba zanagö. 6 Ba mbaho danö sihokha mbuda nahiara, ba dögi narö hili ba ba dögi gara. 7 Ba dalu zasai'ö mundröndröndröndrö ira, ba mbörö lato orudu ira. 8 Ono zowöhö mowa ba ono zi lö töi: lafofanö ba danö, labözi-bözi moroi furi. 9 Ba iada'e, ba ayara ndra'o, amatoulara.[2] 10 La'ogorofi ndra'o, la'aröu'ö ira khögu; lö ata'u ira wondriloi bawagu. 11 Noa sa ilulu zinaligu Lowalangi, ba no ifaöndrö ndra'o; ba lalau-lau manö khögu. 12 Ba gambölö maoso zi si lö yaŵa andrö, latimba gahegu ba lafari lalara khögu, lala ba wamakiko. 13 Lalagu, ba no ladudugö, latolo ba wolaugö ya'odo, ya'ira andrö, si lö sanolo. 14 Hulö zanörö si no ebolo atöla göli wa'asora; adudula latörö, wanguhurufai ya'odo. 15 Ameta'uö ba gamaudugu, te'oloi'ö wa'asalaŵagu, timba ba nangi sabölö, ba hulö wa'ataya lawuo wa'ataya wa'ohahau dödögu.
II. Lö ifondrondrongo wangarö-ngarönia Lowalangi edit
16 Ba iada'e, ba maniö nosogu barö dotogu, itahado baŵa wamakao. 17 Manögi ba dölagu zi bongi, faefa ibe'e, ba no si lö mörö zi ö'ökhi ya'odo. 18 Ba wa lö ambö fa'abölö andrö, ba hulö zi tobali mbarugu, si mane töla mbagi kameza khögu wa'afatöfania khögu.[3] 19 No ituli'ö ba dambu ndra'odo, ba no fadoro gawu-gawu ba awu ndra'o. 20 U'angaröfi li ndra'ugö, ba lö ötema ligu; sodo ba da'ö, ba ötöngötöngö manö ndra'o. 21 Öbali'ö si lö fa'ahakhö dödö ndra'ugö khögu, udugu ndra'ugö, ba wa'abölö dangau andrö.[4] 22 Öfazaŵa ndra'o, öbe'edo ba nangi sabölö, numalö misa ndra'o öbe'e, humombo ndra'o ba nangi. 23 U'ila sa'ae: ba wamunu ö'ohe ndra'o ba ba gorudua zauri, fefu.[5] 24 Ba hadia, lö ta'oro'ö dangada, na alau ita? Ba hadia, lö mu'ira-ira ita, na alömö ita? 25 Ba hadia, lö ni'e'esigu si no göna famakao, ba lö sahakhö dödögu si numana?[6] 26 Si sökhi sa udöna-döna, ba itörödo si lö sökhi; haga udöna-döna, ba sogömi-gömi zalua. 27 Si fadoro mo'otu bakha narö dotogu; ihawuido baŵa wamakao. 28 Mawaö-waödo manö, no aitö ndra'odo, ba tenga moroi ba wa'aukhu zino; maoso ndra'o mangarö-ngarö, ba zowulo niha. 29 No tobali iwa nasu ana'a ndra'odo ba awö wofo ondra.[7] 30 No aitö guligu, abo'a ba nösigu, ba hulö zi no akhozi dölagu; ba wa'aukhu andrö.[8] 31 Ba no tobali fangarö-ngarö li mbiola khögu, ba fege-ege li zurune."
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö