Wb/nia/Yobi/16

I. Mangarö-ngarö ia ba wa lö fa'ahakhö dödö nawönia andrö

1 Ba itema li Gelifasi andrö Yobi, imane: 2 "No fahöna urongo zi manö; sondrara tödö fangabu dödö ami fefu. 3 Hadia, aetu sa'ae huhuo si lö boto andrö? ma hadia wamarou dödöu, wanedema ligu? 4 Tola sa ulau göi huhuo nilaumi, asala si mane tödögu göi dödömi; tola sa ufakhai ena'ö huhuo khömi, ba tola ufalikhö ndra'o ba khömi andrö. 5 Ba u'abe'e'ö ena'ö dödömi bawagu andre ba urara dödömi bewegu.

II. Fa'ala-alai ia ba wamakaonia

6 Na humede ndra'o, ba lö alö wa'afökhö andre khögu; ba na lö hede-hedegu, ba hadia wa'alö? 7 Ba iya'e, ba no erege dödögu ibe'e; no öse'e zoroiyomogu fefu; 8 no öra'u ndra'odo, da'ö wamaduhu'ö. Tobali udugu wa'aririgu andrö, ikaoni ba mbawagu wangadugö ya'o. 9 Isasawi ndra'o fönunia andrö, isuwö ndra'odo; ifatangi mbohania khögu: no udugu ia, i'atarösi hörönia khögu. 10 No lafaboka mbawara khögu, lafalisi mbawagu, fa'ailagu; la'osara'ö dödöra fefu, udugu. 11 No ilulu ndra'o Lowalangi, ba zolau si lö atulö, no itou'ö ndra'o ba danga zebua horö. 12 Sohahau tödö mege ndra'odo, ba i'ogomuzaö ifufu ndra'o; no ituyu mbörö du'igu, ba no irasa ndra'o, ba no ibe'edo tandra wana khönia. 13 Tehawu ndra'o ono wana khönia; ifabali mbuagu, lö fa'ahakhö dödö, aduwa ba danö nösi gawökhu khögu ibe'e. 14 Atölatöla ndra'odo ibe'e, ihawui ndra'o, si mane sanuwö. 15 No ube'e balu-balu gigimögu andrö gonigoni, utagu, ba no utaru'ö ba danö tou dandrugu. 16 No oyo sibai mbawagu, ba wege-ege andrö, ba ba mbu hörögu, ba so lumö wa'amate. 17 He ŵa'ae lö si lö atulö, si falemba ba dangagu, ba he ŵa'ae lö famini tödö ba wangandrögu andrö.

III. Lö horönia iŵa'ö

18 He ya'ugö tanö, böi balugö ndrogu andrö! Böi yafalukha wolombase wangarö-ngarögu andrö: 19 Iya'e sa'ae, ba hiza, ba ba zorugo andrö so zamaduhu'ö, khögu, ba ba zalaŵa yaŵa so zi so ba wali khögu. 20 He ŵa'ae fasali khögu nawögu, ba khö Lowalangi ifaöga ia hörögu, mo'ala'ala. 21 Ena'ö ibu'a ba hulu niha, khö Lowalangi, ba ba hulu nono niha, ba khö nawönia. 22 Lö'ö sa oya tö ndröfi, ba utörö lala si lö fangawuli."

Famotokhi ba gahe

Fabaliŵa lala

Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö