I. Si lö sinegu mbua-buania edit
1 "No u'abe'e'ö nifakhoigu ba hörögu andre ba hana wa uleke'ö mena'ö nono alawe![1] 2 Hadia nifatörö Lowalangi mena'ö moroi yaŵa ba hadia dana khögu khö Zi lö ambö fa'abölö ba mbanua si yaŵa? 3 Hadia, tenga famakiko dana ba zanaonao horö, ba tenga famakao ba zamazökhi si lö sökhi? 4 Hadia, lö anehe ia lalagu andrö, ba bekagu, ba hadia, lö i'erai?[2] 5 Na si falimolimo ndra'odo ba na i'ohi waya-faya ahegu, — 6 ba yamutulo ndra'o Lowalangi, ba waliera, si lö fa'angaya, ena'ö i'ila, wa si lö horö ndra'o. — 7 Na no uhole'ö mbekagu ba zinga lala, ba na no i'o'ö hörögu tödögu, ba na no togule ba dangagu zi lö sökhi, 8 ba hana na manaru ndra'o, ba na niha bö'ö zi manga dania, ba hana na tedeha lewiö zinanögu.[3] 9 Na no owöhö dödögu ba ndra alawe, na no udarodarogö barö mbatö nawögu, 10 ba yamöi sanutu fakhe niha bö'ö ngambatögu, ba ndramutalagui ia niha bö'ö.[4] 11 Horö sebua zi manö, olalöŵa, ni'otu'ö zanguhuku;[5] 12 alitö sa'ae ia, si manga-manga hadia ia, irugi gohokoho si tou, same'e aetu ŵa'a zi so khögu, fefu. 13 Na lö ba dödögu lala khö zawuyugu ira matua ba khö zawuyugu ira alawe, na so nifadönima, — 14 ba he uwisa göi, na maoso ena'ö Lowalangi, na izofu-zofu, ba hadia niŵa'ögu wanema linia? 15 Hadia, tenga somböi ya'odo zomböi göi ya'ia, ba dalu ninania, tenga ha samösa zamazökhi ya'aga, ba dalu ninama andrö![6] 16 Na so zi lö u'o'ö somasi zi numana, ba na no ube'e ariri hörö zi no mate ira matua, 17 na u'a manö gögu, ha ya'o, na lö ukhete ba si lö ama, si lö ina: — 18 Lö'ö; i'otarai ono matua na ndra'odo, ba no amaedola namania ndra'o, ba wanöinia andrö, ba i'otarai ono sawuyu ndra'o, ba u'ohe'ohe danga zi lö ira matua. 19 Na u'ila zi numana si lö nukha, ba ma si lö ambala, 20 na lö nifahowu'ö zolania ya'odo, ba na lö si möi famadöhö wa'oafunia mbu nono mbiri-biri khögu; 21 na no ubaha dangagu ba zi lö ama, si lö ina, me no udöna-döna nawögu barö mbawa göli, 22 ba yafaefa mbu'u galisigu ba ya afatö döla da'iogu. 23 Sata'u ndra'o sa'ae wamakiko andrö, nifatörö Lowalangi khögu, ba si tebai ndra'o, ba wa'asalaŵania andrö.
II. No i'ogorofi nadu, i'omasi'ö zi fatiu tödö khönia ba ibe'e-be'e gö dome edit
24 Na no ube'e tötönafögu gana'a ba na no ube'e töi mbalaki "wondrara dödögu";[7] 25 na no omuso dödögu ba wa'ebua gana'agu, ba me no fahöna gölögu[8] — 26 Na ufaigi-faigi haga luo, fa'atarania andrö, ba fa'asökhi mbaŵa ba lalania andrö,[9] 27 ba na no tefowöhö dödögu, si lö oroma, ba na no u'ago dangagu, wangoro'ö ya'ia[10] — 28 ba olalöŵa göi da'ö mena'ö, ni'otu'ö zanguhuku, me no samini tödö ndra'o khö Lowalangi yaŵa. 29 Na omuso ena'ö dödögu, na göna famakao zi fa'udu khögu, na owua-wua ena'ö dödögu, na itörö ia si lö sökhi[11] — 30 ba lö urai utehe ba mbewegu wolau si lö sökhi, wangelifi ya'ia, ena'ö aetu nosonia.[12] 31 Na lö lamane mena'ö awögu baomogu: 'Ha niha zi lö abuso diwo andrö nibe'enia?!' 32 Lö tola mörö ba danö niha bö'ö; no ufa'amö amöi yomo zikoli. 33 Na no ubini'ö horögu, si mane Tuada Adamo no, wamalugö barö dötö'agu lalögu,[13] 34 börö wa'ata'ugu zato, awö wa u'ata'ufi tetibo ndra'o ba dödö soi niha; tobali uhonogö ndra'o, lö möido tou.
III. I'angaröfi wa'atulö Lowalangi edit
35 Ena'ö na so zamösa samondrongo khögu! Ya'e dandro tangagu — yamutema ligu Si lö ambö fa'abölö! Ba ena'ö na so ba dangagu zura andrö, nisura nudugu andrö! 36 Si ndruhu, u'angalisigö ena'ö; ube'e saembu ba högögu. 37 U'ofaya khönia mbekagu; salaŵa ndra'o wangondrasi ya'ia. 38 Na mangarö-ngarö nowigu, börö ndra'o, ba na me'e gowotonia fefu; 39 na no u'a mbuania lö usulöni, ba na no u'etu'ö noso zokho, 40 ba yatumbu za'a-sa'a mao, salahi wakhe, ba du'u salahi rigi!" Ba da'e aetu huhuo Yobi andrö.
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö