I. He wisa ba zi lö tödö edit
1 "Tema ao! Hadia so maö zanema liu? Ha khö ötandrösaigö liu, ba ni'amoni'ö andrö? 2 Ba zambö tödö, ba möi famununia walösökhi-sökhi dödönia, ba sowöhö mowa, ba ibunu fökhö dödönia. 3 No u'ila zambö tödö soŵa'a, ba u'anema'ö u'elifi nahiania.[1] 4 Ba ndraononia, ba no aröu wangorifi; möi ira nihundragö ba mbawa göli, lö sangorifi. 5 Basitönia, ba i'a solofo — he niba'a doi, ba ihalö — ba sowökhi tödö zorabu nibaya-bayania. 6 Tenga sa ba gawu-gawu tumbu wamakiko, ba famakao, ba tenga sauri ba danö. 7 Niha andrö, ba ba wamakao sa'ae tumbu, si mane fa'atokana miyaŵa nono galitö ba hola-hola galitö.
II. Famarou tödö ba wanötöna khö Lowalangi edit
8 Ba na ya'o, ba ufuli ena'ö khö Zi lö ambö fa'abölö, ba Lowalangi utunö huhuogu ena'ö. 9 Ba zolau sebua, si tebai aboto ba dödö niha, ba sahöli-höli dödö, si lö mutaha mu'erai,[2] 10 same'e teu ba danö ba sombuwui bolo nowi. 11 Sangalaŵa'ö yaŵa si so tou, ba wolohe ba wangorifi sabu tödö,[3] 12 Si lö boto ibe'e nifakhai zonekhe, fa tebai mofozu nilau dangara.[4] 13 Ira'u zatua-tua, ba wa'onekhera andrö, ba amaedola zi tetaru bagi nikhoi dödö zi töra fa'onekhe.[5] 14 Ba zi ma'ökhö ihawui ira fa'ogömi-gömi, ba hulö na ba zi bongi labayaisi lalara ba zi laluo.[6] 15 Ba tobali i'efa'ö zi numana ba mbawa zi'öli si otarai mbewera, ba ba danga zabölö i'efa'ö. 16 Ba tumbu wanötöna [fangorifi], ba zide-ide ba tefa'afu mbawa walösökhi.[7]
III. Famarou tödö ba wanehe fotu andrö khönia edit
17 Hiza, ya'ahowu niha nitegu Lowalangi! — andrö böi fatuwu khöu wotu andrö khö Zi lö ambö fa'abölö.[8] 18 Ifesokho sa niha, ba ifuli göi idalu-daluni; ifufu, ba sangorifi dangania.[9] 19 Önö ngawalö wa'atosasa, ba i'efa'ö ndra'ugö, ba ba wanete zi önö, ba lö göna'ö si lö sökhi.[10] 20 Na lofo mbanua, ba i'orifi'ö, fa lö mate ndra'ugö, ba ba wanuwö, ba itimba khöu mbawa zi'öli.[11] 21 Teba'a ndra'ugö ba mbözi-bözi lela andrö, ba lö ata'u'ö na itörö famufu. 22 Sa'iki ndra'ugö, na so wamufu ba ma fa'ebua mböli mbalazo, ba alakha lö ata'u'ö gutu ndru'u. 23 Noa sa fawu'u li ndra'ugö ba gara ba danö, ba no fahuwu khöu gutu ndru'u.[12] 24 Ba falukha'ö lö hadia ia ba noseu, ba na öfaigi nibaya-bayamö ba nahiau, ba lö hadia zi lö'ö. 25 Ba falukha'ö ato ma'uwumö, ba madoumö, ba si mane du'u ba danö. 26 Ba ginötö wa'atua örugi lewatö, si mane na te'ohe miyaŵa mbua nowi, na inötö. 27 Hiza, da'ö ia ni'alu-aluima tödöma, si manö ia; fondrondrongo, ba be'e ba dödöu!"
Famotokhi ba gahe edit
Fabaliŵa lala edit
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö