Wt/zea/aore

Zeêuws

Etymologie

Ziet bie aere en aor.

Omschrievienge

aore

1. zelfstandig naemwoôrd v (kôren)aere Zeêuws-Vlaonderen
2. zelfstandig naemwoôrd v klein waeterloôpje, sprienkje, as aftakkienge van 'n grôtere waetergank Land-van-Kezands
3. zelfstandig naemwoôrd v landmaet, 'n 'onderste van 'n bunder
4. verboge vurm van aor, ander

Opmerkiengen:

• In de zin van 'bloedvat' oort aore nie gebruukt; daevò in de plekke zeie ze in Zeêuws-Vlaenderen aoder. Dat woôrt is etymologisch wè 'tzelfde as aore in beteikenisse 2.
• De verboge vurm aore is in tegenstellienge toet 't onverboge aor nog vreêd gebrukelijk.

Zeêuwse naemen vò waeterlôpen in polders (van klein nae groôt)

Goereês: grippe, kaebelgrippe, poldersloôt, wegtsloôt, toedracht, waeterienge

Flakkees: grippe, scheisloôt, kaevelsloôt, poldersloôt, toedracht, waeterienge (kreek)

Schouwen-Duvelands: schaemel, grippe, binnedulve, peildulve, waetergank, vaert

Toôls in Fluplands: grippe, 'oôdgrippe, dulf/sloôt, waetergang

Noôrd-Bevelands: reêdulve, 'oôddulve, scheidulve, waetergank

Walchers: grippe, reê, dulve, sprienk(e), waetergank

Zuud-Bevelands: gruppe, middeldulve, schei- (scheê-)dulve, 'oôddulve (grôte dulve), waèter- (witter-)gank (kille, sprienk), leidige (leidienge)

Land-van-Axels: reêdulf, scheidulf, waotergank

Land-van-Kezands: reê (dulf/dulve), 'oôfdreê, slôte, waotergank/leidienge (aore/krêke)

Land-van-'Ulsters: grip, dulf, sloôt

ziet ok: mête, pottebuze

Uutspraek

[ˈɑːrə ~ ˈɒːrə]

Verbugienge

aoren meêrvoud, aortje verkleinwoôrd

Aore vurmen

Ziet bie aere.

Aore spelliengen

• are gin standaerdspellienge

Vertaeliengen

Ziet bie aere.

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 8, 43

• Dr. Frans Debrabandere (red.), Zeeuws etymologisch woordenboek. De herkomst van de Zeeuwse woorden. Uutgeverie Atlas, Amsterdam/Antwerpen, 2007: blz. 44

Oôst-Vlaems

Etymologie

Ziet bie aere.

Omschrievienge

aore v

• (kôren)aere

Uutspraek

[ˈɒːrə]

Verbugienge

aoren meêrvoud, aorken verkleinwoôrd

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 8