Wt/zea/sloôt

Zeêuws

Etymologie

Over Middelnederlands sloet van Oudnederlands s(c)lōt. Afgeleide van slute; gedachte is at 'n sloôt/dulve 'n land afscheit, afsluut zògezeid.

Omschrievienge

sloôt m (vanous v) Goerees, Flakkees, oôstelijk Tools in Fluplands

1. dulve, afvoerkenaol tussen de grippe en de waeterienge (op Tolen waetergang)
2. Aegte, Domburg en Oôskappel: sloot, flejen tied van slute

Zeêuwse naemen vò waeterlôpen in polders (van klein nae groôt)

Goereês: grippe, kaebelgrippe, poldersloôt, wegtsloôt, toedracht, waeterienge

Flakkees: grippe, scheisloôt, kaevelsloôt, poldersloôt, toedracht, waeterienge (kreek)

Schouwen-Duvelands: schaemel, grippe, binnedulve, peildulve, waetergank, vaert

Toôls in Fluplands: grippe, 'oôdgrippe, dulf/sloôt, waetergang

Noôrd-Bevelands: reêdulve, 'oôddulve, scheidulve, waetergank

Walchers: grippe, reê, dulve, sprienk(e), waetergank

Zuud-Bevelands: gruppe, middeldulve, schei- (scheê-)dulve, 'oôddulve (grôte dulve), waèter- (witter-)gank (kille, sprienk), leidige (leidienge)

Land-van-Axels: reêdulf, scheidulf, waotergank

Land-van-Kezands: reê (dulf/dulve), 'oôfdreê, slôte, waotergank/leidienge (aore/krêke)

Land-van-'Ulsters: grip, dulf, sloôt

ziet ok: mête, pottebuze

Uutspraek

[slʊɐt]

Verbugienge

slôten meêrvoud, sloôtje verkleinwoôrd

Afleiienge

• slôte

Saemenstelliengen

kaevelsloôt poldersloôt sloôskant sloôtaerde

sloôtgrond sloôthakker wegtsloôt

Varianten

• slôte Land-van-Kezands
• slwot Acht'uzen

Synoniemen

• dulve, dulf
• graft, gracht

Aore spelliengen

• slôôt Woordenboek der Zeeuwse Dialecten

Vertaeliengen

Ziet bie dulve.

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 203-5, 881

• Nicoline van der Sijs (2010, saemenstellienge), Etymologiebank

Oôst-Vlaems

Etymologie

Ziet bie Zeêuws.

Omschrievienge

sloôt m/v Land-van-'Ulsters

• groôste waeterafvoerkenaol, grôter as 'n dulf en daemeê eêder zòies as 'n waetergank op d'eilanden.

Uutspraek

[sloət]

Verbugienge

slôten meêrvoud, sloôtsje(n) verkleinwoôrd

Bronnen

• Dr. Ha.C.M. Ghijsen (red.), Woordenboek der Zeeuwse Dialecten. Van Velzen, Krabbendieke, 1964, ¹⁰1998: blz. 205, 881