Wt/zea/grippe

Zeêuws edit

Etymologie edit

Van Middelnederlands, greppe, grippe. D'r mag ore angenome dat de vurm *gruppe ok a in de middeleêuwen bestaen eit en misschien zelfs d'ouste is; greppe/grippe is dan 'n ontrondienge. Kom van Middelnederlands gropen 'uutgraeve', uutendelienge van Oergermaons *graupaną en verwant mee graeve.

Omschrievienge edit

grippe

zelfstandig naemwoôrd v ondiep gedolve geultje vò d'afwaeterienge op weitjes en akkers, meêsta 't begin van 't (vroeger) afwaeteriengssysteem.
werkwoôrd grippele, grippen delve

Opmerkienge: op kleigrond, zòas in Zeêland en op Goereê-Overflakkee, bin grippen deu de komst van pottebuzen overbôjig gerocht. Op veengrond, zòas in grôte dêlen van 'Olland, zie je ze nog wè.

Zeêuwse naemen vò waeterlôpen in polders (van klein nae groôt)

Goereês: grippe, kaebelgrippe, poldersloôt, wegtsloôt, toedracht, waeterienge

Flakkees: grippe, scheisloôt, kaevelsloôt, poldersloôt, toedracht, waeterienge (kreek)

Schouwen-Duvelands: schaemel, grippe, binnedulve, peildulve, waetergank, vaert

Toôls in Fluplands: grippe, 'oôdgrippe, dulf/sloôt, waetergang

Noôrd-Bevelands: reêdulve, 'oôddulve, scheidulve, waetergank

Walchers: grippe, reê, dulve, sprienk(e), waetergank

Zuud-Bevelands: gruppe, middeldulve, schei- (scheê-)dulve, 'oôddulve (grôte dulve), waèter- (witter-)gank (kille, sprienk), leidige (leidienge)

Land-van-Axels: reêdulf, scheidulf, waotergank

Land-van-Kezands: reê (dulf/dulve), 'oôfdreê, slôte, waotergank/leidienge (aore/krêke)

Land-van-'Ulsters: grip, dulf, sloôt

ziet ok: mête, pottebuze

Uutspraek edit

[ˈɣrɪpə ~ ˈɦrɪpə]

Verbugienge edit

grippen meêrvoud, gripje verkleinwoôrd

Afleiiengen

grippe werkwoôrd
grippele

Vervoegienge edit

infinitief	grippe(n)
gerundium	te grippen(e)
tegewoordigen tied	ik grip(pe)	oôns grippe(n)
	jie grip(t) (grippe)	julder grippe(n)
	'ie grip(t)	'ulder grippe(n)
flejen tied	ik, jie, 'ie gripte(n), grippe(n)de	oôns, julder, 'ulder gripte(n), grippe(n)de
gebieënde wieze	gript
onvoltoôid deêlwoôrd	grippende
voltoôid deêlwoôrd	ei (g)egript
Ziet vò details en verschillen tussen de Zeêuwse dialecten 't artikel Zeêuwse grammaotica op Wikipedia.