1 Tola lasöndra ndra'o si lö manofu-nofu ya'odo ube'e, ba tola falukha khögu zi lö mangalui ya'o. No umane ba niha, si lö ba döi töigu: Ya'e ndra'o! ya'e ndra'o![1] 2 No ma'öma'ökhö u'oro'ö dangagu ba niha sabe'e tandro, sanörö lala si lö sökhi, 3 dali nikhoi dödöra: ba niha si lö mangetu'ö fangandrö fönugu, ba zanehe ndra'odo, wame'e adu ba kabu misa, awö wanunu kumöyö ba dete gara tembo.[2] 4 Sidadao ba lewatö ba si mörö ba naha si tobini ira, si manga mbawi, ba dino sogoro ita nösi makora.[3] 5 Sanguma'ö: "Aröu'ögö, böi hatö'ögö khögu; ni'amoni'ö sa ndra'o khöu!" — simbo ba nikhugu niha si manö, alitö si hola-hola, si lö mate-mate![4] 6 Hiza, no so ba zura fönagu; tenga si lö hede-hede ndra'o, atö na no usulöni. 7 Usulöni ba gahetara horömi, awö horö ndra tuami, ni'orudugö, iŵa'ö Yehowa, ba zi no manunu kumöyö ba hili misa, si no mango'aya ya'odo ba hili-hili — ba u'ofönai'ö usu'a ba gahetara luora.
II. I'ombakha'ö wotu ba zi no faröi, ba fa'omuso dödö ba fangorifi ba genoninia
edit8 Imane Yehowa: Hulö na so'ösi mbua nagu ba na lamane: "Böi fakiko, so sa bakha howu-howu", si manö wolaugu, börö genonigu andrö, fa lö ahori ufakiko. 9 Ba moma'uwu Yakobo ube'e, ba so madou Ndraono Yuda, sokhö hili andrö khögu: ba tana ba nitutuyugu andrö [tanö], ba enonigu andrö zowanua ba da'ö. 10 Benua nahia mbiri-biri dania Zarona, ba daso Nakhori andrö, ba olombaseŵa zaŵi, ba mbanuagu andrö, ha wa'ato ira zanofu-nofu ya'odo.[5] 11 Ba ya'ami sangerogö Yehowa, ba solifu hili ni'amoni'ö andrö khögu, ya'ami samazökhi naha wame'e sumange ba "nadu salöfö" andrö ba samabadugö sumange nibadu, nifaruka, 12 ba "wamakhö," — ba khömi ufatörö zi'öli nihaogö, ba dozi ami, ba mifaöndrö ami ni'ö'ötö, me no lö mitema li, me mu'ao ndra'o; humede ndra'o, ba lö mifondrondrongo; ba milau zi fatuwu ba hörögu, ba si lö omasi ndra'o, ba omasi ami![6] 13 Andrö imane So'aya, Yehowa: Hiza, si manga-manga genonigu andrö, ba ya'ami, ba solofo! Hiza, samadu-madu hadia ia genonigu, ba ya'ami ba sowökhi tödö! Hiza, somuso tödö genonigu, ba ya'ami, ba saila! 14 Hiza, sa'iki-iki genonigu, ba wa'owua-wua dödö andrö, ba ya'ami, ba sangarö-ngarö, ba wa'afökhö dödömi bakha, ba sege-ege ba wa'arasa dödö! 15 Ba mifa'ema ba nitutuyugu andrö döimi, ba [wanötöi ba] wangelifi [na lamane]: Yamubunu'ö So'aya Yehowa! Ba ba genoninia andrö, ba ifatörö döi bö'ö.[7] 16 Tobali, na so ba danö zamahuwu'ö ya'ia, ba ba Lowalangi si ndruhu andrö ifahowu'ö ia, ba si fahölu ba danö, ba ba Lowalangi si ndruhu andrö fahölu ia, me no taya ba dödö wamakao andrö, si no numalö, ba me lö'ö sa'ae oroma khögu.
III. Famabu'u banua si yaŵa si bohou ba tanö si bohou
edit17 Hiza sa, uwöwöi mbanua si yaŵa si bohou ba tanö si bohou, ba lö'ö sa'ae itörö tödö zi föföna andrö, lö'ö sa'ae i'angeragö niha![8] 18 Ba owua-wua dödö ba ma'iki-iki ba niwöwöigu andrö si lö mamalö-malö; hiza sa, ma'iki-iki Yeruzalema ba wamazökhigu ya'ia ba owua-wua dödö nösi mbanua! 19 Ba sa'iki-iki bakha dödögu, börö Yeruzalema andrö, ba sowua-wua dödögu mbanuagu, ba lö'ö sa'ae terongo ba khöra li wege-ege ba he li wangarö-ngarö.[9] 20 Lö'ö sa'ae ba da'ö ono sawuyu, si ha ba ngaluo fa'anau noso, ba lö satua, si lö a'ozu noso; mate ono matua, na no otu fakhe ba si ha otu fakhe, ba si so horö, si no göna fangelifi.[10] 21 Ba lalau nomo, ba la'onahia göi; lafazökhi kabu nagu ba la'a mbua. 22 Tenga solau omo ira, ba tanö bö'ö zi onahia ba tenga sananö sinanö, ba tanö bö'ö zi manga mbua; fa'ara döla geu sa'ae wa'anau noso mbanuagu andrö, ba ölö dangara, ba nitutuyugu andrö zi oguna'ö. 23 Tenga serege tödö ira, ba zaya-zaya gölö, ba tenga so'ono, ena'ö itörö famakhö. Nga'ötö sebua howu-howu sa'ae ira khö Yehowa, ba so ba ngaira madoura. 24 Ba tobali, lö si'ao na ira, ba no utema li; fatua humede na ira, ba ufondrondrongo![11] 25 Orudu ira nasu gatua nono mbiri-biri, wangalui göra; i'a ndru'u singo, si mane saŵi, ba tanö gö gulö; tenga sa'ae sangalani awöra ba tenga samakiko ira ba hili ni'amoni'ö andrö khögu fefu, iŵa'ö Yehowa.[12]
Famotokhi ba gahe
editFabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö