1 Nitandrösaigö ba Ndrawa Miserayi da'e: Hiza, fakureta Yehowa ba lawuo salio ba irugi danö Miserayi. Ba manizi-nizi nadu ba danö Miserayi, na so ia, ba mangulu dödö Ndrawa Miserayi barö dotora.[1] 2 Ba faoma ufa'udu Ndrawa Miserayi ba nawöra, ena'ö udu dalifusönia zi fatalifusö ba udu zi fahuwu khönia zi fahuwu ba udu mbanua si sambua zi sambua ba udu zi sara öri zi sara. 3 Ba eheha baro dötö Ndrawa Miserayi, ba nitayaigö, ba era-erara, ba si lö boto ube'e, ba bawa nadu dania lasofu ba bawa zebua elemu ba bawa zi faeta ba bawa gere. 4 Ba ube'e ba danga zalaŵa sabe'e Ndrawa Miserayi andrö; salaŵa safaito dania zamatörö ya'ira, iŵa'ö So'aya, Yehowa ngahönö andrö. 5 Ogo'ö dania nidanö Nilo, otufo bakha nungo nidanö, lö idanö. 6 Aböu wabaliŵania; tobali lö abakha-bakha tö nidanö niko'o andrö, ogo'ö; mate zukhu ba honu. 7 Du'u ba ndraso, ba luaha Nilo, awö zinanö ba zingania, ba oköli, ariri ba lö ya'ia sa'ae. 8 Tobali mangarö-ngarö zangalui i'a, abu dödö; dozi ira, he si fagai ba he si fadora, ba la'abusi tödö. 9 Ba lö lala dödö zamoboto taliö, sanoso muko. 10 Adudu dayadaya ba abu bakha dödö zi manga gazi, fefu.
11 Salaŵa ba Zoana, ba no adölö si lö tödö: anofula Wara'o andrö, fondrege zatua-tua; tobali tödö zowöhö mowa dödöra andrö. Hadia, wa mimane khö Wara'o: "Nga'ötö zatua-tua ndra'odo; nga'ötö zalaŵa föna?"[2] 12 Hezo zatua-tua andrö khöu? Ena'ö la'ombakha'ö khöu, ena'ö aboto ba dödö he wisa dödö Yehowa ngahönö andrö ba Ndrawa Miserayi. 13 Si lö tödö zalaŵa Zoana andrö, selungu zalaŵa Nofi; lafowöhö Ndrawa Miserayi samatörö banuara. 14 No ibe'e ba dödöra Geheha famowöhö Yehowa, ba lafowöhö sa'ae Ndrawa Miserayi ba nilaura fefu, timba zi mabu tuo, si hundra-hundra utania. 15 Ba lö dania ba danö Miserayi solau nilau högö ba i'o ba nilau bulu nohi ba bulu zinasa.[3] 16 Ba na luo da'ö, ba timba ndra alawe Ndrawa Miserayi, wa'atalö dödö ba fa'ata'ura danga Yehowa Ngahönö andrö, nibahania khöra. 17 Ba ata'u Ndrawa Miserayi göi danö Ndraono Yuda; dozi tehawu fa'ata'u ba nitörö lida ya'ia, börö dödö Yehowa ngahönö andrö, tödönia ba Ndrawa Miserayi.
18 Ba na luo da'ö, ba lima banua ba danö Miserayi zolau li ba danö Gana'ana ba si möi ba hölu ba khö Yehowa ngahönö, ba töi zi sambua ba banua wa'atulö labe'e dania.[4] 19 Na luo da'ö, ba so naha wame'e sumange Yehowa ba dalu danö Miserayi, awö gowe tandra, khö Yehowa, ba nolara.[5] 20 Tobali tandra da'ö khö Yehowa ngahönö ba famaduhu'ö ba danö Miserayi: na la'angaröfi li ia, ba zamakao andrö, ba ifatenge khöra zangorifi; da'ö zanimba sanuwö, wangorifi ya'ira. 21 Ba ifa'ele'ö ia ba Ndrawa Miserayi Yehowa, ba tobali aboto ba dödö Ndrawa Miserayi Yehowa, na luo da'ö, ba lafosumange ia sumange nitaba ba sumange bö'ö ba so dania nifabu'ura khö Yehowa ba labu'a göi.[6] 22 Si manö wamözi Yehowa Dawa Miserayi andrö ba famadöhönia safökhö khöra; ba lafuli dania ira khö Yehowa, ba ifondrondrongo li wangandröra ba i'orifi ira. 23 Na luo da'ö, ba so lala nihaogö, i'otarai danö Miserayi numalö ba danö Asiria; tobali möi ba danö Miserayi Ndrawa Asiria ba Dawa Miserayi andrö, ba möi ba danö Asiria; ba awö Ndrawa Asiria Ndrawa Miserayi wamosumange Yehowa. 24 Ba na luo da'ö, ba tölu soi ira, Dawa Miserayi ba Dawa Asiria, ba Iraono Gizeraeli, si faböbö khöra, howu-howu ba danö. 25 Famahowu'ö Yehowa ya'ira, wanguma'ö: Ya ahowu mbanuagu Dawa Miserayi ba Dawa Asiria, niwöwöigu tangagu, ba tana khögu andrö, Iraono Gizeraeli.
Famotokhi ba gahe
editFabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö