1 Na luo da'ö dania, ba lamane wanunö ba danö Ndraono Yuda: "No so khöda mbanua saro! Ibali'ö öli ba ba'a-ba'a wanolonia andrö Yehowa.[1] 2 Mibokai mbawa göli, ena'ö möi miyomo soi satulö, si lö faröi.[2] 3 No aro dödö, lö öbulöbulö'ö wangorifi; khöu sa'ae ladöna-döna. 4 Böi mifamalö-malö wanötöna khö Yehowa; gowe si lö tebulö sa Zo'aya, Yehowa![3] 5 Noa sa ihöndrögö zowanua ba hili yaŵa; banua andrö si no alaŵa yaŵa, wanimba tou ya'ia, wanudugö ya'ia, irege danö tou. 6 Ahe zi numana zanguhundra tou, ahe zi lö töi andrö. 7 Lala zatulö tödö, ba ba zalo'o itörö, adölö lala zadölö tödö, nihaogöu andrö. 8 Ba lala wanguhukumö andrö, ya'ugö Yehowa, nidöna-dönama mege. Töimö andrö ba fanuno ya'ugö zomasi dödöma. 9 No humulu dödögu khöu, ba zi bongi; arö dotogu zihuluhulu khöu. Ha si'aikö sa'ae manandrösa ba guli danö wanguhukumö andrö, ba lasöndra lala satulö sowanua ba guli danö.[4] 10 Ba na falukha wa'ebolo dödö zebua horö andrö, ba lö latöngöni lala satulö, manao horö ira ba danö, ba nilau satulö ena'ö, ba lö lafaigi wa'ebua Yehowa andrö. 11 He Yehowa! si no mufazaŵa dangau andrö, ba lö la'ila. Ena'ö lanehegö wa'aukhu dödöu ba mbanuau andrö, ba ena'ö aila ira! Ena'ö i'a ira alitö andrö fangohori nudumö andrö! 12 He Yehowa! ohahau dödöma, öbe'e; noa sa ya'ugö zolau fefu hadia ia khöma.[5]
II. He na fondrege wa'ebua wamakao, ba lö faröi Zo'aya ba mbanuania andrö
edit13 He Yehowa, Lowalangima! No salaŵa bö'ö zamatörö ya'aga; tenga ha ya'ugö. Ba ya'ugö matehe, töimö andrö. 14 Si no mate, ba lö ifuli auri; lumö-lumö, ba lö ifuli maoso. Andrö no öfatörö khöra huku ba no öhori ira ba lö'ö manö sa'ae itörö, tödö öbe'e. 15 No ö'oya'ö niha, ya'ugö Yehowa, no öfolakhömi ndra'ugö, no öfa'ese nola danö fefu. 16 He Yehowa! na baŵa wamakao, ba no la'alui ndra'ugö; na öfatörö khöra wotu, ba lalau mangandrö. 17 Si mane sanabina, na no irugi baŵania, na iköröbui ia, na mu'ira-ira, ba wa'afökhö hulu andrö, si manö göi ndra'aga mege, ya'ugö Yehowa, börö ndra'ugö.[6] 18 No abeto ndra'aga, no maköröbui ndra'aga, ba me no madonoga, ba no angi. Lö ma'ila mafalua wangorifi ba danö, ba tebai alua zowanua ba guli danö.[7] 19 Ena'ö ifuli auri zi mate andrö khöu; ena'ö ifuli maoso mboto zi mate andrö khögu! Mifaoso, mi'a'iki, ya'ami si no mörö nibalugö tanö, namo haga sa namo andrö khöu ba ifalua yaŵa lumö-lumö tanö andrö. 20 Ba mi'ae si bakha, ya'ami banuagu, ba mbate'e andrö khömi, ba milazi mbawandruhö furimi! Mibini'ö ami, ha mamö'i hörö wa'ara, irege alö wönu andrö.[8] 21 Mangefa sa'ae ba nahania Yehowa, ba wame'e fotu ba zowanua ba guli danö, ba horöra andrö. Ba ifa'ele'ö dania, ndrora andrö tanö, lö'ö sa'ae ibalugö nibunu ba gulinia.[9]
Famotokhi ba gahe
editFabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö