Wb/nia/Yesaya/32

I. Fama'ele'ö razo wa'atulö andrö ba famatörönia ba zatulö

1 Ba dania, ba so razo satulö huku ba kumandru andrö, ba ba lala sadölö lafatörö fefu hadia ia. 2 Ba dozi ira, ba amaedola zaŵatö, na so nangi ba amaedola nöu, na teu laöhö ba amaedola mbombo, na no ara lö teu ba amaedola lumö gara hili, ba danö si no oköliköli. 3 Tenga sa'ae si balunö hörö zamaigi ba labe'e sa'ae mbörö dalingara samondrongo li. 4 Tödö zi lö tödö mege, ba isöndra lala, ba ba lela zangöhöna li mege ba ahele ni'ilada eluaha. 5 Ba lö'ö sa'ae lafotöi salaŵa zi lö tödö; ba he si falimo, ba lö lafotöi sebua. 6 Si lö tödö, ba falötödö wehedenia, si lö sökhi ifakhai tödönia, ba wolau si lö atulö ba ba wehede si fakuyu ba khö Yehowa, ba wa lö mame'e gö ba zolofo ba ba wa lö mame'e idanö ba zowökhi tödö. 7 Si falimo, ba i'oguna'ö wakake si lö sökhi, ifakhai zi lö atulö, ena'ö ifakiko zebua famakao huhuo falimosa, he no satulö wehede zi numana andrö. 8 Ba si ndruhu salaŵa, ba era-era sadölö gera-erania, ba lö iböhöi zadölö niha si manö.

II. Na no aefa wangide-ide'ö andrö, ba fa'ohahau dödö ba fa'ahono

9 Ya'ami ira alawe si lö abu tödö! Mifaoso, mifondrondrongo ligu! Ya'ami ono alawe si no ahono-hono! Mibe'e ba dödömi wehedegu andre! 10 Ya alu-alua ndröfi na, ba ya numalö na mbaŵa, ba tokea ami, ya'ami si lö abu tödö iada'e! Lö'ö sa'ae fangozaragö bua nagu ba lö'ö sa'ae alua wangai bua geu andrö. 11 Ya tokea ami, ya'ami si no ahono-hono! Ya humufa ami, ya'ami si lö abu todö! Miheta nukhami, mibe'e tou; mi'olembe lembe ba wa'abu dödö. 12 Labözi dania dotora ba nowi omasiö andrö ba ba nagu andrö, sabölö bua. 13 Sa'a-sa'a mao ba sai'ö zalua dania ba nowi mbanuagu andrö, ba irege ba dete nomo omasiö fefu, ba mbanua sowua-wua dödö niha mege. 14 Si lö niha dania gödo misa ba si lö nini-nini sa'ae yomo ba mbanua. Hili-hili andrö ba malige naha zanaro, ba amaedola dögi narö hili dania, götö wa'ara dania, omasiö galide ndru'u; modu'u, ö göröbao. 15 Irege telau khöra Geheha moroi yaŵa, ena'ö tobali kabu zinanö danö si mate andrö ba ena'ö hulö gatua kabu zinanö andrö wamaigida. 16 Fa monahia wa'adölö ba danö si mate andrö ba fa ahono wa'atulö ba kabu zinanö no mege. 17 Ba lua-lua wa'atulö andrö, ba fa'ohahau dödö, ba bua wa'atulö, ba fa'ahono-hono ba fa lö hadia ia, götö wa'ara dania. 18 Ba mowanua mbanuagu ba nomo wa'ohahau dödö, ba nomo sabe'e dödöda ba ba golombaseŵa si lö hadia ia. 19 Ba aekhu ba danö deu kara ba wa'aso'a gatua andrö, ba wa'adudu tou mbanua. 20 Ya ahowu ami, ya'ami sanaru ba mbewe nidanö misa fefu, ya'ami si dudu fefu gofu heza saŵi ba kalide!

Famotokhi ba gahe

Fabaliŵa lala

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö