I. Tedaö'ö-daö'ö wanguhuku Iraono Geferayi
edit1 Alai zaembu ana'a andrö si no muhokhaini, ba zi mabu-mabu andrö Iraono Geferayi, awö mbunga saleu andrö, ayara andrö, si sökhi sibai ba högö ndraso andrö, satabö sinanö, daso zi no mabu agu![1] 2 So sa'ae moroi sa zabe'e ba sabölö khö Zo'aya! Hulö na laöhö deu kara, hulö nangi sabölö sibai, hulö deu toho, si nönöi tanö wanimbania tou ya'ira tangania.[2] 3 Ba tobali tehundrahundra tou zaembu zi mabu-mabu andrö, Iraono Geferayi, si no muhokhaini. 4 Ba bunga saleu andrö, ayara andrö, si sökhi sibai ba högö ndraso andrö, satabö sinanö, ba itörö lala marafala sahulö, na lö irugi baŵa na, nidölö niha femanga, na i'ila, moroi ba danga manö.
5 Na luo da'ö, ba saembu lakhömi ba roto si no maulu Yehowa ngahönö andrö ba zi tosai banuania andrö. 6 Ba ibe'e wa'atulö dödö ba zanguhuku ba fa'abölö ba zanimba sanuwö ba mbawa göli. 7 Ba ya'ira andre göi, ba alau-lau ba nagu andrö ba mangiwa ba zi mabu-mabu ita! Ere ba sama'ele'ö, ba alau-lau ba zi mabu niha, no fawuka dödö ba nagu andrö, mukhölökhölö mbanua ba zi mabu niha, alau-lau ba wama'ele'ö andrö, mangiwa ba wangetu'ö huku. 8 Fefu meza, ba no anönö uta si ta'unö, sambua lö nahia si lö si ta'unö. 9 Ha niha nifahaönia, ena'ö aboto ba dödö, ba ha khö i'ombakha'ö lala? Hadia, ba zawena aefa famaenu, ba zawena aefa ba mbagi zusu? 10 Falaete manö sa gamakhoita, falaete manö gamakhoita; fatete manö ndrali, fatete manö ndrali; ba da'e ma'ifu ba ba da'ö ma'ifu." 11 Ya'ia! Ilau ba niha andre li si tebai alua ba mbewe, li Ndrawa bö'ö.[3] 12 Ya'ia, si no manguma'ö khöra: Da'e naha wolombase, mifolombase zerege tödö, ba da'e naha wangokafu tödö! Ba lö edöna ira mamondrongo. 13 Ba si mane sa'ae li Yehowa khöra: Falaete manö gamakhoita; falaete manö gamakhoita; fatete manö ndrali; fatete manö ndrali; ba da'e ma'ifu ba ba da'ö ma'ifu, ena'ö alau ira ba lala, ena'ö arasa döla, ena'ö tokhai gahe, ena'ö tera'u ira.
14 Andrö mifondrondrongo li Yehowa, ya'ami sango'aya, ya'ami samatörö soi andre ba Yeruzalema! 15 Me no miŵa'ö: No fawu'u li ndra'aga ba wa'amate, ba ba mbanua tou andrö, ba no mafataro zamaigi-maigi? Na itörö molö famakao, ba lö irugiga. Noa sa mabe'e sawatöma waya ba ba'a-ba'a khöma walimosa!" 16 Andrö imane Yehowa, So'aya: Hiza, no ube'e tou gowe dayadaya ba Ziona, gowe si no mutandraigö, gowe toyo ba watalinga sebua böli, saro dayadaya. Samati, ba alakha lö moloi.[4] 17 Ba ube'e dali wa'adölö, ba fanulo wa'atulö. Saŵatömi faya andrö, ba irasa teu kara ba ba'a-ba'a andrö khömi, ba ihanigö molö. 18 Ba fawu'usa li andrö khömi ba wa'amate ba nibunu [ba zura] ba hadia niŵa'ömi ba mbanua tou, ba si lö boto. Na itörö molö famakao andrö, ba imama ami. 19 Ero na itörö, ba ikhamö ami; ero mahemolu sa'ae itörö, he ba zi ma'ökhö, ba he ba zi bongi, ba ha sambalö fehokha mbu wamahaö da'ö. 20 Sambö fa'anau sa'ae dania gaso, tobali tebai mifadölö ami, ba sabölö ide-ide gambala, fa tebai mibalugö ami. 21 Maoso sa'ae dania Yehowa, si mane ba gahe hili Werasi, si mane ba ndraso no ba Gibeona wönunia dania, ba wolau nilaunia — hulö zi lö tarai mila wolaunia andrö! — ba ba wangai nihalönia — sahöli-höli dödö halöwönia andrö![5] 22 Andrö böi mango'aya ami, fa böi tedou wa'aro mböbö andrö khömi; noa sa urongo khö Zo'aya, Yehowa ngahönö andrö, wa no muhonogöi wangohori, nifatörö ba guli danö ma'asagörö.[6]
23 Mibe'e mbörö dalingami ba mifondrondrongo ligu! Mitöngöni ba mifondrondrongo huhuogu! 24 Hadia, adölö manö sinanö dania? Hadia ha sambalö famali'ö tanö ba famoboto ba nowi? 25 Hadia, tenga si mane? Na no ihaogö danö, ba ifazaewe lönga ba höwa ba ifa'oli wakhe, awö rigi ba danö si no mundrohugö, ba rigi ö manu ba zinga hinölu? 26 No Lowalanginia zangoroma'ö khönia satulö lala, wamahaö ya'ia. 27 Tenga kureta famöbörö wamöbörö lönga ba lö lafatörö gaolo gureta ba höwa; famöbörö lönga, ba si'o, ba famöbörö höwa, ba ono geu. 28 Böra andrö, ba hadia, nimama? Tenga nimama; lö'ö sa iböbörö manö wamatörö kureta, awö kudo: tenga nimama! 29 Moroi khö Yehowa ngahönö andrö da'ö göi! Sahöli-höli dödöda wamolalania hadia ia, ba no abölö sibai wa'atua-tuania.[7]
Famotokhi ba gahe
editFabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö