1 Fama'ele'ö andrö khö Yesaya, ono Gamosi, nifa'ele'ö khönia, me luo razo Yuda Usia ba Yatamo ba Ahasi ba Hisikia, ba nöri Yuda andrö ba ba Yeruzalema.
2 Fondrondrongo, ya'ugö banua si yaŵa! Be'e mbörö dalingau, ya'ugö tanö! muhede Yehowa. No urorogö ndraono, no u'e'ebua, ba no la'erogö ndra'odo. 3 Öröbao, ba i'ila zokhö ya'ia ba kalide, ba i'ila naha gönia, khö zokhö ya'ia andrö. Ba lö la'ila ndra'odo Iraono Gizeraeli, si lö tödö mbanuagu andrö. 4 Alai ndra'o soi samazökhi horö andrö, sonoro olalöŵa! Niha si no tanömö zamazökhi horö, iraono solau si tefuyu. No laröi Yehowa, no latandraŵaisi Ni'amoni'ö andrö, ba Ndraono Gizeraeli, no la'erogö.[1] 5 Hana wa latohugö wamözi ya'ami? Mitohugö sa atö wa'afabali andrö. No falawu fökhö högö ba no erege sibai dödö ma'asambua.[2] 6 I'otarai duturu kahe, numalö yaŵa ba högö, ba lö si lö fökhö khönia, ha sambalö sokho ba mbawa zi'öli ba selezitö ba si bohou mesokho, si lö mufera'ö ba si lö mu'olohuni ba si lö mu'okafui fanikha. 7 Tanö si mate danömi andrö, ba banua khömi, ba no i'a alitö. Bua danö khömi, ba no niha bö'ö zi manga, ba samaigi ami. Tanö si mate danö, si mane nifakiko niha bo'ö.[3] 8 Ba si tosai ono Ziona alawe andrö, ba no hulö nose ba kabu nagu, hulö ni'otete waöhö, naha wemörö, ba kabu lawogalö, si mane banua nifa'u'u nemali. 9 Ba na lö nisaigö Yehowa ngahönö andrö khöda gamogamo mena'ö, ba no tobali si mane Sodoma ita ba no fagölö-gölö ita ba Gomora andrö![4]
II. Lö ba dödönia zumange andrö khöra
edit10 Mifondrondrongo li Yehowa, ya'ami sanguhuku andrö ba Zodoma! Ya'ami, banua Gomora andrö, mifondrondrongo goroisa Lowalangida! 11 Hadia wa mi'oya'ö khögu zumange andrö? iŵa'ö Yehowa. No aföli ndra'odo zumange nitunu andrö, biri-biri si matua, ba tawö nibula andrö, ba lö omasido ndro nono zaŵi andrö ba do nono mbiri-biri ba do zi matua mbiri-biri andrö.[5] 12 No so ami, ba wangondrasi ya'odo, ba ha niha zanguma'ö khömi wanguhundra olayama andrö khögu? 13 Böi sa'ae mi'ohe zumange faya. Ogoro ndra'odo zumange nitunu andrö khömi. Tesa'a andrö ba sabato ba fogaoni ba gowuloa andrö, ba te khögu: si lö atulö, ba no baŵa ni'amoni'ö! 14 Tesa'a andrö khömi ba owasa nihonogöi andrö, ba lö edönado; no tobali noro khögu, atagedo sa'ae wolohe ya'ia. 15 Ba na mi'oro'ö dangami, ba ubalugö hörögu khömi, ba he mihöna wangandrö, ba lö ufondrondrongo khömi; oi do sa'ae dangami andrö.[6]
III. Ifarou dödöra ba wamalalini era-era ba ifabu'u wangefa horö
edit16 Misasai ami; mihaogö ami! Miheta mbua-bua si lö sökhi andrö khömi, fa böi u'ila sa'ae. Mibato wamazökhi si lö sökhi![7] 17 Mifamaha ami ba wolau si sökhi? Migohi zatulö! Mi'oroma'ö lala ba zamakao awönia. Mi'ohe ba lala huhuo zi lö ama, si lö ina! Mifatunö huhuo lakha mbanua! 18 Mitabu! iŵa'ö Yehowa, datalau fa'era! He no hulö gasumbo wa'oyo horömi, ba hulö muko safusi dania; ba he no hulö mbaru luo wa'oyo, ba hulö mbu mbiri-biri dania.[8] 19 Na sedöna ami ba na solo'ö, ba mi'a zi sökhi ba danö.[9] 20 Ba na te khömi ba na fabali ami, ba ö mbawa zi'öli ami dania; noa sa Yehowa zanguma'ö.[10]
IV. Fameta'u ba amabu'ula li
edit21 Alai wa'atobali sohorö mbanua andrö, si lö faröi mege! No fahöna khönia huku si sökhi mege, nahia huku satulö ia föna, ba iada'e, ba no nahia zange'enge'e. 22 Firömi andrö, ba no tobali akhozila, ba agu khömi, ba no faruka idanö.[11] 23 Salaŵami andrö, ba no faröi ba no awö zanagönagö. Dozi ira, ba manga gana'a ba la'alui mböli gölö; lö la'ohe ba lala huhuo zi lö ama, si lö ina, ba lö latema huhuo lakha mbanua.[12] 24 Da'ö mbörö, wa imane So'aya, Yehowa ngahönö andrö, sabölö ba Ndraono Gizeraeli andrö: Ha! urara dödögu ba zi fa'udu khögu andrö ba ulau mbalögu ba zi fatiu tödö khögu![13] 25 Ba ubaya ndra'ugö, uhaogö gakhozila andrö khöu, amaedola nilau idanö nawu, ba simo andrö khöu, ba uhori.[14] 26 Ba ufuli ufataro zanguhuku andrö khöu, si mane föna, ba samatunö huhuo andrö, si mane ba mböröta. Ba awena dania labe'e töimö mbanua satulö, banua si lö faröi. 27 Lala sadölö dania wangorifi Ziona andrö, ba fangorifi zangawuli andrö khönia, ba huku satulö. 28 Ba si göna famakiko zolalö andrö, fabaya samazökhi horö; ba sangerogö Yehowa andrö, ba nihori.[15] 29 Saila sa ira dania ba manawa andrö, somasi ami, ba afusi mbawami wa'aila ba kabu andrö, somasi ami. 30 Me hulö manawa saleu bulu ami dania, ba hulö kabu si lö idanö. 31 Ba sabölö andrö, ba tobali rabo, ba nifazökhi dangania andrö, ba tobali bo galitö, ba faoma akhozi ira si lö samunu alitö.[16]
Famotokhi ba gahe
edit- ↑ Sin 78:8; Faigi 57:3
- ↑ Yer 2:30
- ↑ MozV 28:51; Nga'ötII 28
- ↑ MozI 19:24; Rom 9:29
- ↑ Sin 50:8; Amaed 15:8; Faigi 66:3; Yer 6:20; Amos 5:22
- ↑ Amaed 1:28; Yer 14:12; Mikh 3:4
- ↑ Sin 34:15; 37:27; Amos 5:15; Rom 12:9; FetI 3:11
- ↑ Sin 51:9
- ↑ MozV 28:2 b.t.
- ↑ MozIII 20:14 b.t.; MozV 28:15 b.t.
- ↑ Hez 22:18
- ↑ MozII 22:22; Yer 5:28
- ↑ MozV 28:63
- ↑ Mal 3:3
- ↑ Sin 1:6; 92:10; 104:35
- ↑ Faigi 33:11
Fabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö