Wb/nia/Yesaya/16

Tohu-tohu wama'ele'ö si göna Ndraono Moabi.

I. La'alui wanolo khö razo Ndraono Yuda

1 "Mifa'ohe'ö nono mbiri-biri ba zalaŵa ba danö, moroi ba Zela, nifatörö ba danö si mate, ni'ohe ba hili Ziona." 2 Ba larugi götöna ba Garono banua Ndraono Moabi, timba wofo sangafongafo, timba nitaboi ba gazuni. 3 Mifaigi wamolala dödö, mi'ohe ba lala! Abölögö lumöu, ba zi laluo, timba ba zi bongi; bini'ö zizaewe andrö; böi ombakha'ö zoloi andrö! 4 Alakha fatewu khöu zihufa andrö, Iraono Moabi; iagö ba'a-ba'a khöra ba zamakiko andrö; aetu sa dania zamakao andrö ba tebato wamalangögö; aheta dania ba danö zi hundragö awöra. 5 Ba fa'ebua dödö wangaro dadaoma zalaŵa, ba lö tebulö zidadao yaŵa, ba nose Dawido andrö, sanguhuku ba sangalui lala satulö ba sondrou'öndrou'ö fa'atulö.

II. Ba lö zi lö tohare khöra wotu ba wayaŵasara andrö

6 No tarongo wayaŵasa Ndraono Moabi andrö, wa no ebua sibai, hokhania andrö ba fayaŵasania ba wa'asilöyaŵania, bewenia faya andrö. 7 Andrö la'e'esi Ndraono Moabi Iraono Moabi; oi dozi mege-ege ira. Ba gadudula Giri-Haresi mangarö-ngarö ami; si no arasa tödö ami. 8 Mate zinanö ba nowi Hesibona, agu ba Zibema, ba no lafufu salaŵa niha baero, agu andrö sirugi Ya'ezeri, selungu irege ba danö si mate, sangoro daha, sangötö zilua asi. 9 Andrö me'e ndra'o, awö mbanua Ya'ezeri, ba nagu Zibema andrö; ubasöi ami taŵa hörögu, ya'ami Hesibona ba Eleale, noa sa faudu ba wangai bua khömi ba ba wamasimi wa'igi nemali andrö. 10 No aböda wa'omuso dödö ba fa'iki, ba nowi; ba ba kabu nagu, ba lö'ö sa'ae sanunö ba lö sowua-wua tödö. Lö solazi bua nagu ba wolazi; no ufadöhö li wa'iki andrö. 11 Andrö molili bakha dalugu, hulö mbiola, ba Ndraono Moabi andrö, ba betu'agu, ba Giri-Haresi andrö. 12 Ba tobali, na so Ndraono Moabi, na erege dödöra ba hili-hili andrö naha wame'e sumange, na möi ira ba ni'amoni'ö andrö khöra, ba wangandrö, ba si lö fozu. 13 Da'ö niŵa'ö Yehowa, me no andrö, nitandrösaigö ba Ndraono Moabi andrö. 14 Ba iada'e, ba imane Yehowa: Lö'ö sa'ae alua medölu fakhe [inötö ndröfi zi manga gazi], ba tobali fama'iki niha lakhömi Ndraono Moabi andrö, awö wa'ato niha andrö; ba si tosai dania, ba lö atoto, ha ma'ifu, si no amomo.

Famotokhi ba gahe

Fabaliŵa lala

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö