I. Sata'u ita wanudugö Babeli andrö
edit1 Nitandrösaigö ba danö si mate asi andrö [Babilona] da'e: Si mane angi sabe'e moroi raya, sihöngö moroi sa, si manö wa'asonia moroi ba danö si mate, moroi ba danö sata'u ita.[1] 2 No mu'oroma'ö khögu gangilata sabe'e: Mamakao awönia na zamakao andrö ba manudugö banua na zanudugö andrö! Labu misa, ya'ugö Elama! Anuwö, ya'ugö Dawa Media! Ufadöhö wangarö-ngaröra fefu! 3 Andrö dumi'adi'a zolagu, no ihawuido fa'afökhö hulu, si mane fa'afökhö hulu zadono, khumölökhölo khögu mbanua, fa lö urongo li niha; si no tokea ndra'o, fa lö u'ila niha. 4 Elungu-lungu bakha dödögu; tobali dödögu wa'ata'u; fa'abongi andrö, somasimasido mena'ö, ba u'ata'ufi ibe'e. 5 Lafazökhi meza, labologö dufo, manga ba mamadu hadia ia — milabu, ya'ami salaŵa, mibayoini mbaluse! 6 Si mane sa niŵa'ö Zo'aya khögu: Labu, fataro zamaigi-maigi! Yamu'ombakha'ö hadia ni'ilania! 7 Na i'ila zi fakudo, kudo si dua-dua geu ba si fakudo ba galide ba ma ba gondra, ba yamufondrongondrongo, yamube'e mbörö dalingania, ba wamondrongondrongo! 8 Ba mu'ao ia, timba li zingo linia, imane: "He So'aya, naha zanaro nahagu, ma'öma'ökhö, ba sara wongi lö ubulö'ö wanaro![2] 9 Ba so sibai zi fakudo; dua-dua geu kudo. Ba itema imane: "No atu'a, no atu'a nemali ba Mbabeli, ba adu khöra fefu, ba no larasa tou!"[3] 10 He ya'ami banuada, si no muböbörö ba nihundra-hundra tou! Nirongogu khö Yehowa ngahönö andrö, Lowalangi Ndraono Gizeraeli, ba u'ombakha'ö khömi.
II. Fama'ele'ö si göna Duma andrö
edit11 Nitandrösaigö ba Duma andrö da'e: So zi'ao khögu, banua Ze'ira, imane: "He sanaro, ha wa'alaŵa mbongi?[4] 12 Imane sanaro: Moluo ba bongi göi. Na edöna manofu ami, ba mifuli manö ami wanofu.
III. Si göna Ndrawa Ara
edit13 Nitandrösaigö ba Ndrawa Ara da'e: Ba gatua ba danö Ara miförö, ya'ami saniaga Dawa Dedano![5] 14 Mifaondragö zowökhi tödö, mi'ohe nidanö, ya'ami sowanua ba danö Dema! Mioro'ö gö ba zoloi andrö.[6] 15 Börö zi'öli wa moloi ira, si'öli nibaha ba fana si no mukhai, fa'abölö wanuwö andrö. 16 Si manö sa niŵa'ö Zo'aya khögu: Lö'ö alua sibai ndröfi — inötö ndröfi zi manga gazi, — ba no taya wa'abölö Gedara andrö.[7] 17 Ba si tosai dania fana zanuwö andrö, mado Gedara, ba lö oya-oya. Noa sa iŵa'ö Yehowa, Lowalangi Ndraono Gizeraeli.
Famotokhi ba gahe
editFabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö