1 Hiza genonigu andrö, si lö uböhöli, nituyugu, somasi dödögu! No uhare'ö khönia Gehehagu: i'ombakha'ö dania huku ba niha baero.[1] 2 Tenga si'ao ia, tenga sebua li; lö ifarongogö linia baewali.[2] 3 Sukhu si no mufatö'ö, ba lö ifalua ifatö, ba fandru sanimbonimbo, ba lö ifalua ibunu; si ndruhu lala itörö wangombakha huku. 4 Lö erege dödönia, ba lö atage ia, irege no ifodane-dane huku ba guli danö, ba ladöna-döna nifakhoinia si so ba hulo misa. 5 Da'ö niŵa'ö Lowalangi, Yehowa, samazökhi banua si yaŵa, samologö ya'ia ba samologö tanö fabaya sauri yaŵa, samohanu-hanu niha ba gulinia ba samonoso sowaö-waö yaŵa, [imane]: 6 Ya'o, Yehowa zogaoni ya'ugö, satulö lala utörö, ba ura'u dangau ba urorogö ndra'ugö ba ube'e fawu'usa li ba mado Ndraono Gizeraeli ndra'ugö ba ubali'ögö haga ba niha baero.[3] 7 Ba wamokai hörö zau'a, ba wangefa'ö ba gurunga nikuru, ba wolohe baero nikuru ba zögömi-gömi.[4] 8 Ya'o Yehowa — da'ö döigu; lö ube'e ba mbö'ö zumangegu ba lö ube'e ba nadu wa'ebua döigu andrö.[5] 9 Hadia ia föna, ba no itörö, ba u'ombakha'ö zi bohou; fatua lö alua ufarongogö khömi.
10 Mi'anunö khö Yehowa, fanunö si bohou! mitunö duriania ba wondrege danö: Ya mu'ugu-ugu nasi, fabaya ösinia; ya fao hulo, awö zowanua yaŵa![6] 11 Ya mu'ao danö si mate, awö mbanua andrö khönia — banua side-ide andrö, banua Gedara! Ya omuso dödö mbanua ba gara andrö, ndra ma'iki moroi ba zuzu hili yaŵa. 12 Ndramufosumange Yehowa, ba ndramutunö duriania ba hulo misa! 13 Itörö Yehowa, fanörö zabölö, si mane sanuwö ifasugi wa'aukhu dödö: Fe'ao ba wanuwö ilau, ebua sa'ae linia we'ao, i'oroma'ö wa no abölö ia moroi ba nemalinia andrö! 14 No ara lö hede-hedegu, no uhonogö ndra'o, no utaha dödögu, ba iada'e, ba mu'ira-ira ndra'o, si mane sadono, muhöfu ndra'o ba ufahasu-hasudo. 15 Uhori geu ba hili ba ba hili-hili, ba ube'e mate yaŵa fefu zauri; ubali'ö hulo mboto nidanö ba u'ogo'öisi mbaŵa nidanö. 16 Ba latörö lala si lö larai mila niha sau'a ube'e, ufatörö ba lala si lö la'ila mege. Sogömi-gömi andrö fönara, ba ubali'ö sohaga, ba hadia zobu'ubu'u, ba ufadaya. Da'ö niŵa'ö — ufatörö dania, lö ube'e aekhu ba danö.[7] 17 Sawuwu furi dania ba saila sibai zabe'e tödö ba nadu, sanguma'ö ba wamaedo nifahele andrö: Lowalangima ami.[8]
18 Mifondrondrongo, ya'ami safiso, ba mifaöga hörömi, ya'ami sau'a andrö, ba wamaigi! 19 Ha niha zau'a, na tenga enonigu andrö? ba ha niha zafiso, si mane fa'afiso zinengegu andrö, nifatengegu? Ha khö so wa'au'a, si mane ba zi fahuwu andrö, ba ha khö zi mane ba genoni Yehowa andrö?[9] 20 No oya ni'ilau, ba lö nibe'eu ba dödöu; no teboka dögi dalingamö, ba lö nirongou.[10] 21 No omasi Yehowa i'ebua'ö gamakhoitania ba ifolakhömi, börö wa'atulö dödönia andrö. 22 Ba noa sa ato na niha nifakao zorabu ira, niha ni'oloi'ö si so khöra; niha nifa'u'u ba dögi narö hili misa, dozi ira, nibini'ö bakha ba gurunga; no ni'oloi'ö ira, ba lö sangila mangorifi, no okhöta niha bö'ö ira, ba lö sanguma'ö: Fuli? 23 Ba ha niha ba khömi zamondrongo da'e, ha niha zame'e ba dödö, ba wanöngöni sa'ae: 24 Ha niha zolulu ba danga zorabu ma'uwu Yakobo, ba Iraono Gizeraeli, ba danga zangosindra'ui si so khöra? Hadia, tenga Yehowa andrö, ba nifazökhida horö, si lö edöna ita, tatörö lala, ba si lö tafondrondrongo oroisa?[11] 25 Ba no ilau khöra hola-hola wönunia andrö ba alitö fanuwö andrö, tobali ifasui ira hola-hola, ba lö la'ila; ira'i ira, ba lö labe'e ba dödö.
Famotokhi ba gahe
editFabaliŵa lala
editOlayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö